¹ Humona Yesu haguvuya moolo gooso, bigusahwila mitwana yaji. ² Mwijili nang'ha ukwilila matufu gabili ni Pasaka , na mwana gwa Adamu gumuhanubu kuusuvubu. ³ Chee ihindi bayui ba MAkuhani , na Banunu ba bandu bibawibunga mu mbalaza ya Kuhani gwa muyui zina lyagi Kayafa. ⁴ Bibataha agole a umukwata Yesu wa buili;li na umwihaga. ⁵ ILa bibakoola nang'ha , nde ukaa wakati musangu, mbiha yiya uswabaanya Musa ngugwa ibumbu. ⁶ Lolwali Yesu û Betaniya ,mu yende ya Simoni gwa ivu. ⁷ Gwamuazi jimu biguwibuzya habuihio naji , na chupa lya malashi ga bei liata biguwimana hamushu gwaji jehe mwiliaha biliazi . ⁸ Mitwana yaji , habamona bebya , bibamona izi na uboya nang'ha :Njiayi uzimizya bibi? ⁹ Tufi ba batugulisha ga mabashiga bei, na uhana uli bamusuba . Yesu biguba bambula bigukoola :Njiayi mu mwesha yu gwa mwazi? Gwe ndelele mimi ni mulimu gwa buose; ¹¹ Iuboya mu na babuli matufu gooso hahanu nenu; Ila mimi nde mu nami matufu gooseu. ¹² Iuboya waufiinya mubili gwami malashi gutayalisha mubili gwami ku uziubu. ¹³ Ninusat'lwela lugila , kila umusot'lelubu musahu gwa buose mu alunga mugaza azima, bamwatana bulegela bwa mwana gwa muazi bugwauta. ¹⁴ Jimu hangati ba umi na babili , gumtelubu Yuda Eskaliote ; Bigu wenda walujila Bayui ba Makuhani . ¹⁵ BIgu boya nang'ha : Mumumbeha ayi , hutu ninujehe? Biba umuha bihindi maumi gasatu bya falanga . ¹⁶ Tangu chee ihindi nde mwieba lea liumuhanina. ¹⁷ Lile tufu lya limu lya mikati yishi yigaji , Mitwana ya Yesu biba umujila , biba umusot'lwela , nguni O legleje tukulojele guliahi Pasaka? ¹⁸ Bigulunga : Mwende ku ibalu chiata wa mundu jimu, na mumushut'wele : Na mwalimi guboya nang'ha: Ihindi yami habuihi; nitaha wobe Pasaka hahanu na mitwana yami. ¹⁹ Bamitwana bibataha be bwauboya Yesu biba tayalisha Pasaka. ²⁰ Halifia yogolo, biguwitula utaba hahanu na booso umi na babili. ²¹ Hate haulia, biguboya na niunusot'lwela lugila, jimu hangati yenu gumumb'hana. ²² Biba huziki wa mehe, chila jimubiguuboya nyami a mwanana? ²³ Biguulunga :Yogwa guteele gaza hamonga nami mu iboya , iyogwa gumwambana. ²⁴ Mwana gwa mundu gumwijila , bebya bibya umusingilubu. Lwanaya wa yogwa mundu jena ngubutua. ²⁵ Yuda , gumwaumuhana, biguusamuna moolo na uboya : Nyami,Labbi? Yesu bigulunga :Byamuboya . ²⁶ Habali mwilyaha, Yesu bigusamuna mukati; na hanyuma ya ufekusha , biguusega na uguhana uli mitwana, na uboya: MUbuguli , mulyahi , gugu ni mubili gwami. ²⁷ Biguugula honga ihulu; Na hanyuma ya ufekusha, beguubaha , na uboya : Mutome banu booso; ²⁸ Gugu ni muloha gwami , muloha gwa ilonje litohe,guutasia uli bashwali, guukatushubu bubiha. ²⁹ Niunusahwila, shimutoma honga ya bubu buluba bwa muzabibu, ufiila tufu lwa mwautoha butohe hamonga nenu mu iboya Shami . ³⁰ Hanyuma ya wimba nyimbu , bibatawenda ulugulu lwqa mizeituni. ³¹ Yesu biguubasahwila : Nimukaa unuli banu booso , bunu butufu isii ya ukakala ; bebya biyili yisingubu: Nimujyubila mulami, na mikoo ya ibubu yimuhalagana. ³² Hanyuma ya usangua , nimwaunulombwela û Galilaya. ³³ Petelo biguusamuna moolo, na ndo mukaebyu wali mimi na guhase. ³⁴ Yesu biguumusahwila : Niukusahwila walujila , bunu butufu , uluebu lwa muu wilumba , gumunduna ngumbu yisatu. ³⁵ Petelo biguumulunga ; Yo uikebea ni ufa nobo hamonga , shimukutuna na mitwana yooso ya koola bibebya . ³⁶ Halwegulu ya yeya , Yesu gwaubasahwila mitwana : Mukai hasi hanu , hamwitaula wa uhajya . ³⁷ Biguta ubugula Petelo na bana babili ba Zebedayu, bigutaubanga umona usuba na asungu. ³⁸ Biguubasawhila : Tima lyami li na busungu ufiila kuufa ; Mushagali hanu na mukai mesu hamonga nami. ³⁹ Honga haguta witauula hasehe, bioguwitasa buhala hasi na uhajya binu.Shami,.hutu biumbene ,chii ihulu yakai butalu nami! Nda bikaa mu uvula wami, byakai mu uvula obe. ⁴⁰ Biguta uvwa uli mitwana , biguubangana mutulu, na bigubasahwila Petelo: Nda mugoshele ukaa mesu hamonga nami nagu ihindi imu! ⁴¹ Mukai mesu na uhajya , mbisha muya uhululuha mu ehehubu; chiuli ili tagamanu muboili guna bugogovi. ⁴² Bigutawitaula lwa abili na uhajya binu: Shami , hulu nda beumbene chii ihulu wita ula ushi wami uchitoma uvula obe watechee! ⁴³ Biguugalusha na ubasabaana honga mutulu; Bebya mesu gabu gata unemena . ⁴⁴ Begu ubasiga na witaula , beguta uhajya lwa asatu , ugalushila yiyeya mioolo. ⁴⁵ Honga biguta winda na yaji , na ubasahwila : Ihanu mutandabali na muhumunui , ihindi ili habuihi, na mwana gwa mundu nde guhanabu û magaza ga bandu babiha . ⁴⁶ Mwimani, twende , numone yogwa gumumbana guugoboa. ⁴⁷ Bebya biguta mwikoola , Tanjila Yuda jimu gwa baba umi na babili, ufia na hamonga naji ibumbu ishwali ya bana byela , mbete na tuhibu, batumizubu na bzyui ba Makuhani na banunu ba bandu. ⁴⁸ Yogwa gwa umuhana gwa ubaha izinga : Yogwa gwamwishambijyina naji ,ijehe mumukwati . ⁴⁹ Honga na honga , wibubjya uli Yesu , na koola : Niukusema Labbi! Na wisambijyena naji kuanu. ⁵⁰ Yesu biguumusahwila : Muhanyi nami, yovilili utaha , chitahi. Ihonga ba bandu bibaugobaa uta magaza uli Yesu na umukwata ⁵¹ Lola jimu gwa baba bali hamonga na Yesu ugolola gaza , na usomona isonje; Ujyibala muhia gwa kuhani gwa muyui , na umusesa ushu. ⁵² I Yesu begukoola galusha isonje yobe mu yabu; Baba booso bamwausamuna isonje bamwaufa na isonje . ⁵³ Gumuninga shiumbeni uhajya Shami, guyaumbeha batakataka legioni umi na yibili ya BAmalaika ? ⁵⁴ Bisainji biyaungumbana bini, ubili byoho biumbene byakai bebyu? ⁵⁵ Hachea ihindi, Yesu biguusahwila ibumbu: Muvile paha na uli itagulumi ya zivi, na bisonje na tuhibu, kuungwata , nyali matufu gooso hamonga nenu, mwigisha mu hekalu , na ndanwaungwata . ⁵⁶ Byebya byooso, biufia ku uboya bisinji bya ba ng'hanga biloto bya kumbani ihali hanu mitwana yooso biyiumusiga , na ujyoa lubilu. ⁵⁷ Baba baumukwata Yesu bibatawenda naji uli kuhani gwa muyuio Kayafa , wali tulani na banunu bakumungani. ⁵⁸ Petelo gwa mwimulonda lutalu ufiila mu lupangu lwa kuhani gwa muyui , ushweela na ukaa hasi hamonga na bandu ba mulimu , gwa mone yimu vuyiila bini. ⁵⁹ Makuhani na bandu ba na ibumbu ya gunda baukeba lushula lwa malimi hamushu gwa Yesu , biumbene bamwihagi. ⁶⁰ Ndaba uguza nagubumu, nagubebya wamimonesha bashuula bashwali bamalimi . Biuta ufia babili bakoola : ⁶¹ Yugu gwa koola : Niumbene utanya hekalu lya Vili na ulilonga mu matufu gasatu. ⁶² Kuhani gwa muyui biguwigoya na uboya : Ndomulunga indu? Mbiayi bibi bili babandu mukutende ala? ⁶³ Yesu bigutaukaa wehe. Na kuhani gwa muyui beguusamuna moolo guli Kl;istu , mwana gwa Vili. ⁶⁴ Yesu bigu umulunga: Byebya bigukoola Honga niukusisulwila , nu yaumona mwana gwa mundu ukaa uboo ulumi wa buswata bwa Vili na uvuwa mu matimba ga higulu. ⁶⁵ Ihanu kuhani gwa muyui bigutausana bilamba byaji,ubpoya : Guutua bulomo!Tuna muma ayi honga gwa bashuula ? Mona , mu ufuma uhujya bulomo bwaji. ⁶⁶ Mumuninga bini? Bibaulunga: Guumbene ufa ⁶⁷ Halwegulu ya yeya , biba ufilila mata û buhala , na umujyibila bititi na tuhubu na uboya. ⁶⁸ Klistu ,taha bung'hanga biloto; Tusahwili ni nani gukujyibili. ⁶⁹ Petelo gwali hasi haza mu lupangu. Muhia jimu gwa mwazi bigu'umugoboela , na uboya : Bebe naji gwali hamonga na Yesu Mugalilaya. ⁷⁰ Biguutuna û mesu ga booso, uboya : Shijili bibi byo mukoola . ⁷¹ Bebya bigwamwijeleela ku ibi, jinji muhia gwa muazi bigu'umumona na usahwila bandu bali hongo; Yuigu gwali hamonga na Yesu gwa Nazaleti . ⁷² Beguutuna honga , na utiha yogwa mundu shimwijili. ⁷³ Hanyuma , baba bali kôwha habaugoboa, biba umusahwila Petelo: Lujila guli jimu gwa baba bandu, na gu koola obe kuukuyuisha . ⁷⁴ Gwa ulonga wiha lwa ya na utiha: Yogwa mundu shimwijili.Honga na honga muu biguwilumba. ⁷⁵ Na Petelo biguuninga moolo gwa umusahwila Yesu: Muu gwa zogolo nata gwachi wilumba , gumu nduna ngumbu yisatu. Hagutua ufuma , biguulila biata na asungu oso.