¹ Yesu mufumina û Yolodani, biguwenda mu buonono ugwa lagizyibu na tshiuli ilumbului, ² Biguloga matufu maumi gana , bigu belubu na kiyunguyungu gwali kushi ga matufu, hagaukila matufu, biguhuzya zala. ³ Kiyunguyungu bigumuboya : Hutuuguli mwana gwa Vili, bigula bwehe hagalului mukati. ⁴ Yesu bigulunga : Yisingizubu: Mundu ndali bobo ku uliaha . ⁵ Kiyunguyungui biguwenda nagi heta na umulagizya ndandagala yoso yabwinanda, ⁶ na umushot'lwela : Nimukuha byoso na utabâ, byoso bya umbihubu, na nimubigaba wa goso gwa legelezye. ⁷ Beuvuamina, nimehebu byoso. ⁸ Yesu bigulunga : Ngisiji:Gumunemea muloha, Vili gobe na gehe bunga gomutumikila. ⁹ Kiyunguyungu biguwenda nagi honga û Yelusalema, umtaha heta usonge lya hekelu na umuboya: Hutuuguh mwana gwa Vili, yisumbili hasi byaha , juu ngisingi; ¹¹ Na ukusumuna mu magaza , nibishi guya ukakola wibwehe. ¹² Yesu bigulunga: Yimuboyubu binu: Ndumwishila bikumbulu wa muloha , Vili gobe. ¹³ Lugu umubembela namuna yooso, kiyunguyungu biguwigombola kumubela lungi. ¹⁴ Yesu hagugalua Galilaya , wangunya buswata bwa tshiuli ilumbului , lulumbi lwagi bilubangana ndandagala yooso. ¹⁵ Gwamiyigisha mu ma sinagogi , na utufuzyubuna na booso. ¹⁶ Biguwegela Nazaleti, ugwakulila , na bigushela mu sinagogi lutufu lwa sabato; Bigwayubila. Biguwigoya na ubasomena bandu, ¹⁷ Biguuhubu itabu ya Isaya , aguvungutula , bigufia hasangi: ¹⁸ Tshiuli ilumbului î nami, ingunyizi mang'hani kukoa njeze uli baswi , nili gutumi ku bafula booso bana bilimba masia, ¹⁹ Kutaha mbila bagangizubu batotolubu na mbofu yamwone, bamwenenubu bayikalii, uzimbula mwaâ gwa bins'onya bya Vili nyambi. ²⁰ Ilagukonya itabu na ukigaslusha wa muyui , bigukaa hasi.Bandu bibaunukebuila. ²¹ Bigubamba ubasawila : Lelu limonea buhulu luigisho binuwihuzyila bifele kokoko. ²² Bibawishisha , na ubona bishwehe wa miolo ya inemu yamufuma mu anu mwagi; Na uiboyena; Yugu nda muvanagwa Yozefu? ²³ Yesu bigubasawila: Nda nufaha buvu nigili mu muzahela : Ng'hanga, gwayifuli gemunindu na tahaa hanu henu, byebya bituahuzya , abatele ha Kapelnaumu. ²⁴ Ninulagizya lugila , nda uli ng'hanga bizimba gumutambulubu ososo ku ibalu yagi. ²⁵ Ninulagizya walibafilili bashwali mu Izilaeli lwali Eliya , bwqufia mulanga mia yisatu na miezi mutuba na ibizi ya zala ushelela buinanda booso. ²⁶ Nagehe, Eliya ndatumubu bwa gwa muazi nani gimu, sesese wa mufili gwa muazi ha Salepta isizi ya Sidoni. ²⁷ Babeze ba tuzila bali bahaa mu Izilaeli wakati gwa Elisha njeze, nda wali nanigugimu gufili, sesese Naamani gwa Siliya. ²⁸ Booso bibaumona izi mu sinagogi, lubahuzyili biolebyebu. ²⁹ Ubawigoya , bibaumubinga mu isizi na mwiyenda nagi usongo ya mutenda gwa ziati yabu na ukeba boya muhunibulu hasi. ³⁰ Yehe Yesu , biguwifunya mu katikati gabo na biguwenda. ³¹ Luguutua ha Kapelnaumu,isizi ya Galilaya biguwigisha, lutufu lwa sabato, ³² Biba ukwanya mafundishu, gwamukoola na balumi. ³³ Bimusanganubu mu sinagogi mundu gubandizubu na muuli, na mwabagala: ³⁴ Ah! ni nobe ng'handa mina bebe, Yesu gwa Nazaleti ? Gwali gutuzimizya . Nikwigili bebee: mtakatifu gwa Vili. ³⁵ Yesu bigu umkandila : Humbunua, na katua mwaqyugu mundu.Ilii muuli biguumuhulusha hangati yabu na ukatua, wala ndalohoa nani hasee. ³⁶ Bandu boose bibaukwatubu na izeza, na wisatozye na hangati yabu: Ni moolo ayi? Kumukola na buswata na miuli mikatua. ³⁷ Na zina lyage bilitandagala mu bisizi bya mumbavu. ³⁸ Hagufuma mu sinagogi, biguwenda û yende ya Simoni nazyagi mwenu na Simoni gwana ihumbu tabala biba umuhagi gwa musaidiye. ³⁹ Bigu umukumbua, bigubenga ihumbu, na bikiukatua monga na monga, biguwimana na ubateela. ⁴⁰ Lutuayuba, babooso ban banlufu bibaumufiila bigubatendela maboo wa ukila gimu na ubafula. ⁴¹ Miuli biyiukatua bandu bashwali, na mwitaha mbundu na uboya: Guli mwana gwa Vili. Jehe bigubakandila na ubakusha na boola, bigili na n'î Klistu. ⁴² Haluela halitii, bigufuma na wenda mu buonono.Ibumbu ya bandu biki wimukeba na wafiila ugwali, bamukeba umusimbia , mbisjha gukia bakatuia . ⁴³ Bigubalaga: Mbuose nibuayi mu bingi bisizi buloha musahu gulegela gwa ibalu ya Vili: Î ivi na ivila . ⁴⁴ Na gwa muyuiogisha mu masinagogi ga Galilaya.