¹ Mwaha wa umi na butanu gwa kasheke Kaizali Tibelio ,- Honga Posio Pilatu akukali wamanina Yudea , na Helodi mufalme gwa Galilaya , na Filipu Tetlalke nduku yagi mfalme wa isizi ya Itulee mu Tlakoniti , na Lisania Tetlalke mufalme wa Abileni, ² Hana Kayafa muyui gwa makuhani , moolo gwa Vili gwaumufiila Yuhani mwna gwa Zakalia mu buonono. ³ Bigusumuna biobalu ndandagala ya Yolodani muibasawila lubatizu lwa uigoya , kuvulumizya ubifya . ⁴ Wilondena na misingi ya Yesaya : Nili ngeze yemwitambila mu buonono ; Muivubio zila lya muloha , muvubi mwaukilila . ⁵ Bibenga byayiyuzyubu, mitenda na tugulutugulu byatushubu ; Uki tundumanu watushubu, masinda galuami. ⁶ Mundu gooso gumutangila lugila lwa Vili ⁷ Gwa mushot'lwela bibumbu bya uvu kupata lubatizui: Abagana nyoka , gubalimwishi ku uzyaa izi imwiva ni nani? ⁸ Mulagizi witusha waukalabila na mwiyata nyeho banu banindu : Abulahamu shetu ! Muyui mabwe gaga , Vili guli bugabushilu bwa bana ba Abulahamu . ⁹ Honga temu litilubu u muzi gwa muti: Muti gooso gushi na buluba na zuzi ya buose gumusesubu na ugusia . ¹⁰ Ibumbu bigimwihuzya : Tutahi bini batuû? ¹¹ Biulunga: Yogooso , kuna ma kandju gabili gwa gabi na gushi na indu , na guna byaulia nagi gwatahi bibye. ¹² Biba uva bandu ba selikali kutambula lubatizo, babaumulagizya : Mwalimu, tutahi bini na batuu? ¹³ Gehana : Ndamuhazaya higulu ya binuhelubu lubali . ¹⁴ Basalayi na boho biba mwihuzya : Na batu , tutahi bini? Biogukahindula ;mNda mukuzya , wiba ya mundu , musagale na yonayu. ¹⁵ Bandu bali mulindila , na mwiyuhuzya hutu Yuhani nda gehe Klistu, ¹⁶ Biguboya wa booso; Mimi ni munubatiza wa mema , uli gumuva guna buswata unguila mimi, shili mulengeshulu bwa migoze ya byatililu byagi. Gehe, tumunubatiza wa tshiuli ilumbului na mulilu. ¹⁷ Guna bubeze mu gaza , gumupata na ubiha û lutala nganu, na usia ma besi na mulilu gushi muzimaa. ¹⁸ Ibyole byebyu Yuhani bigwa hana musahugulegele wa bandu , na ubasawila bishali. ¹⁹ Helodi gwa kasheke gwa bibalu bisatu, hauhumu maluli na Yuhani mu sulu lya Helodiya , muazi gwa nduku yagi na bibiha bishali bigwa taha. ²⁰ Na honga umukwati Yuhani na umushezya mu yende ya mbete. ²¹ Bzndu booso bamuva ku batizubu, Yesu nage biguuva gwa batizubu, lugwali mu hazya , higulu biku ubuluia , ²² Tshiuli ilumbului bikuutuwila mu kivuli ya ngulimba. Na bikuuhuzya yehi hgulu: Guli mwanami legelee, wobe uli tima lyami. ²³ Yesu gwa na miaha maumi gasatu lwe bangizi mwilagiza bandu miolo ya Vili na bandu mumulolabu mwana gwa Yusufu, mwana gwa Heli, ²⁴ Mwana gwa MAtahi, mwana gwa Lawi , mwana gwa Melkhi, mwana gwa Yanayi, mwana gwa Yozefu. ²⁵ Mwana gwa Matiasi, mwnan gwa Amose , mwana gwa Nahumu, mwana gwa Esli , mwna gwa Nagayi , ²⁶ mwana gwa Maati, mwana gwa Matiasi ,mwana gwa Semeyi, mwana gwa Yoseki, mwana gwa Yoda, ²⁷ Mwana gwa Yoanani, mwana gwa Lesa , mwana gwa Zolobabeli , mwana gwa Neeli , mwana gwa Melki, mwanaq gwa Adi, mwana gwa Kosamu, mwana gwa Eli-Madami mwana gwa Eeli, ²⁹ Mwana gwa Yesu , mwana gwa Eliezeli, mwana gwa Yolimu, mwana gwa Matahi mwan gwa Lawi, ³⁰ mwana gwa Simeoni , mwana gwa Yuda , mwana gwa Yuzefu, mwana gwa Yonami, mwana gwa Eliakimu, ³¹ mwana gwa Menaa, mwana gwa Matahata , mwana gwa Natani, mwana gwa Daudi, ³² mwana gwa Isau , mwana gwa Yobedi, mwana gwa Boozi , mwana gwa Salmoni, mwana gwa Naasoni, ³³ mwana gwa Aminadabu, mwana gwa Admini, mwana gwa Alnia, mwana gwa Eslomu, mwana gwa Falese, mwana gwa Yuda , ³⁴ Mwana gwa Yakobu, mwana gwa Isaka , mwana gwa Abulahamu, mwana gwa Taala,mwana gwa Nakoli, ³⁵ Mwana gwa Selutcha, mwana gwa Lagau, mwana gwa phalek, mwana gwa Ebeli, mwana gwa Sala, ³⁶ mwana gwa Kainamu, mwana gwa Alfaksadiya , mwana gwa Semu, mwana gwa Nowa, mwana gwa Lameki, ³⁷ Mwana gwa Matusala , mwana gwa Enoka, mwana gwa Yaledi, mwana gwa Maleeli,mwana gwa Kainani, ³⁸ Mwana gwa Anosi, mwana gwa Seti, mwana gwa Adamu , mwana gwa Vili nyambi