¹ Yesu gwa baswahila mujele, munesha uhajya matufu gooso , gushi gwa ulea. ² Gwa boya :Wali mu ibalu jimu muyenga gusham'tima Vili na gushi mwitusha wa mundu. ³ Wali honga muibalu jimu mwazi gwa bufili gwa uv'gaya bigumusot'lwela : Bumbehe sambu wa mwinami gwa ng'handa . ⁴ Matufu gashali gwa benganga .Ila honga gwakoola jem'nindu: Nashi byebya bya shim'tina Vili na unemea bandu. ⁵ Biumbene bôbo yu muazi geugosha ni muhahi sambu. Bish gwa uvugaya honga udaya mushu. ⁶ Mwanana gwa boya : Muhujyinene ya boya yu muyenga gubiha. ⁷ Na Vili nyambi nda muv'taha buose basobolole bagi, bam'tambundu butufu na yuba , na jehe guna logabu balunga? ⁸ Nibaswahila , gum'batela bulegela wa lubilu. Lugumbu lwa mwana gwa mundu lwemwauv'gaya gumbana witaba wenu hanu mu alunga mugaza? ⁹ Gwakoola honga mujele , gwamona mundu jimu gwa witisha jem'nindu nang'haha bulegela , na uhol'gejya bandu booso. ¹⁰ Bandu babili bawenda uhajya û hekalu..........................,;Jimu Mufalisayu, na jinji Mufutishi milambu . ¹¹ Mufalisayu sihi , gwahajya jem'nindu :Ô Vili nyambi , nikugalushila inemu wabibi sil'paa na bandu bangi, bam'kujya, bash'bululi ,b'a na maoze, na bafutisha ba milambu; ¹² Nim'benga ulyaha muginga ngumbu yibili , nim'fumisha ihindi ya ye yooso ya m'kuzanga . ¹³ Mufutishi milambu, gwawimana bwa ula , nda bandisha wala mesu gaga ulwegulu; Gwa wijyibila yali gagi, na uboya: Ô Vili, mwene bin'sonya , mimi guna bubiha . ¹⁴ Niunuswahila banu, Yugu gwatua û yende yagi gubaliubu lujila , ukilila yoo jinji . Gumwibajya gumwatushubu , na gumwitusha gumuabujyubu. ¹⁵ Bamuvila na bana ba balenje, gwa balengejye. Ila mitwana bamona bebya , bâbakandila bâ bana bauv'gaya nabu. ¹⁶ Na Yesu gwabit'gana , na uboya : Mutahi bana bâ balenje bavyagi wami, nda mubakandila , iuboya ngumbu lya Vili ili lya bâba bamwitusha paa na bana bâ balenje. ¹⁷ Walujila ninushot'lwela , gush'mutambula gumbu lwa Vili pana mwana gwa mulenje ndam'sheleu. ¹⁸ Muyui gwa muihujya Yesu, na uboya : Mwanana gulegela n nitahi bini nikuzi buome bwa nalumwina? ¹⁹ Yesu bigumulunga ;nNjyiayi gumunyit'gana gulegela ? Nda uli gu na gulegela gush'Vili bunga. ²⁰ Gwijili milangilu :Nda taha maoze, ndwihaga , ndw'iba , ndo shunda malimi; Unea sh'obe na najyobe. ²¹ Gwa mulunga yiyi yooso nim'yitahanga hani byali bwana bwami. ²² Yesu ,gwa hujyamena jem'koola gwa mulunga: Gubula indu imu ; Gulisha bindu byoso byu nabyu , na gubili basuvi, na gum'kaä na bukumu ku higulu. Na binuvyaga , gundonde. ²³ Na haguhujyanena ye ng'handa yooso, yoga gu na bunegu ; iuboya gwa sum'mina yamehe. ²⁴ Yesu , gwamona gwa uzinga , biguboya : Nigumini guna bunengu usheela mu ibalu ya Vili. ²⁵ Iuboya nguhela ngamiya gusheela hundu lya singi na gumini gu na bunengu usheela mu ibalu ya Vili. ²⁶ Bahujyanena bibaboya : Nani gumwaoboa? ²⁷ Yesu gwalunga: Yishim'kôshea wa mundu yim'kôshea wa Vili nyambi. ²⁸ Petelo gwa boya :Lola , tulea yooso, na tukulonda . ²⁹ Na Yesu bigubalunga : Walugila niunusot'lwela, nda uli mundu , na ulea yende yagi, au muazi gwagi, au mwana gwa shagi , au bashagi , au bana bagi ukilila gumbu lwa higulu, ³⁰ bamkuza yishali mu lunu lugumbu na lolwa lugumbu lumwauv'gaya , buome bwa nalumwina . ³¹ Yesu gwa bugula umi na babili ,na bigubasot'lwela : Mulole , tubanda û Yelusalemu, na yooso yasingubu nabang'hanga biloto û mushu gwa mwana gwa mundu yim'tekeä. ³² Gum'hanubu ubapakani; na bamwimuselela , gumuv'tuubu bulomo, bamuv'mufilia mata, ³³ na hanyuma ya ujyibilubu na miti, bamwihaga ; na lutufu lwa busatu gum'sanguwa. ³⁴ ila ndaba hujyanena nagu hasehe; yali ni ng'handa yifami wabu wa ye ng'handa nda bagwatisha funduluilu ya yu . ³⁵ Na Yesu hagwali habwihi na Yeliko, mbofu jima gwali hasi hamuongi gwa nzila , na mubuli. ³⁶ Gwahujyinena ibumbu yam'kila, gwa wihujya jyui im'kila. ³⁷ ban'shotlwela: Ni Yesu gwa û Nazaleti gu kila . ³⁸ gwa wit'gana biata : Yesu, mwana gwa Daudi , kuvili bin'sonya ! ³⁹ Bawiyenda na Yesu bamukandila , gw lee ukoola ; Ila gwa gwejya utaha mbundu biata, mwana gwa Daudi , kuvili bin'sonya ! ⁴⁰ Yesu ,gwa wimana ,gwa baswahila muvili naji , ⁴¹ gwa mwihujya : Guleg'lejya ayi? Gwa mulunga : Mwanana , nimoni honga. ⁴² Na Yesu gwa musot'lwela: Mona honga ; Wibu lobe lubushosha. ⁴³ Na han-hanhan gwa mona, na umulonda Yesu ,na ulivya Vili nyambi. Bandu booso bamona bya kila bibatumbula Vili.