¹ Yesu bigusot'olwela mitwani yaji nang'ha: Yil'uma kuboy'nang'ha buvungui na bum'fumina hangati yenu, lwaya bwaji wayoga gum'bubamba. ² Yimuka bilegele umuganga bwe bya utimbila muose liaji na umutasa mu lugalaba, wayoga kumukambuli jimu hangati yenu. ³ Mwibambuli buose ban'baninu, gobe je uta bibiha , mukandili, hutu gulong'sola tima lyaji, mufili bin'sonya. ⁴ Hutu gukubifila ngumb'musambu lutufu lulumu, na ngumb'musambu guuva wole uhajza bin'sonya ⁵ Mitwana biyium'sotlwela mwanana nang'ha tusobeenye lwitabu. 6 Na mwanana bigubasahila nang'ha mwqah' na lwitabu pana luzuzi lwa Haladali muf'muboya gu muti zituuni na yikuni mu ziba , na go mwitaba. ⁷ Nani hangati yenu , guna muhia gum'lima au gumulola ibumbu ya mikoo , je umuboya lwe muvugaya ubulimi nang'ha : Goboa lubilu, na kahasi witaba? ⁸ Nda mumsahila ifuli nang'ha ndeele ya uliaha, yi-swee na gu,mbehe nabyavuya uliaha na utoma , na bebe beliaha na utoma? ⁹ Gum'fekushayo muhia, kumoina nang'ha gulong'swele momwa mubafulanga? ¹⁰ Banu nabu, banulong'sola mwoso mubanu bayizi, mwiboyi nang'ha tuli bahia bahia juu tulonga bif'bya ulonga. ¹¹ Yesu biguwenda û Yelusalema , bigukila hangati ga Samaliya na Galilaya. ¹² Hagutashwela mu jziati jimu, bandu umi ba lufu lwa ivu bibawakumung'hana naji na wimanina ula , bibabajzamayu na uboya b nang'ha : ¹³ Yesu , mwalimu tufili bin'sonya ! ¹⁴ Lugu tabamona , bigubasahila : Mwende mwayilaglijzi uli makuhani.Lubatamwiyenda bayafiangi batebafui. ¹⁵ Jimu hangati yabu, hagumwimona gufui, bigugalusha mwisumua mwiyimbi la Vili wa yihi libandi. ¹⁶ Biguhulua û magulu ga Yesu na umufekusha .Gwali Musamaliya . ¹⁷ Yesu bigukoola, uboya nang'ha : Ba umi nabafuize û? Na babangi itema bali uni? ¹⁸ Kumonea bobo yu munjene gwa inji isambu igugalusha na umuha Vili mbunda? ¹⁹ Bigu umusahila : Yigoya , gwende, lwitabu lobe lukufulula. ²⁰ Bafalisayo bibawihujza Yesu, ibalu ya Vili imuvugaya haayi. Bigubalunga nang'ha: Ibalu ya Vili nde imuva wa wimonesha. ²¹ Nda hamuv'bojubu nang'ha : Ili hanu, ao ilikoa ibalu ya Vili ili hangati yenu. ²² Bigusot'lwela mitwani: Matufu gamufia numuv'leglejzaa lutufu lumu, mumone mwana gwa Vili na nda numuv'mumoneu. ²³ Bamuv'nusot'lwela nang'ha:Guli han, guli koa . Nda mwenda, nda mujza. ²⁴ Iuboya nang'ha biebim'kaa timba muhemshaga mutambu gumu, ibimuv'kaa lutufu lwa mwana gwa Vili. ²⁵ Ila gumuv'suba wa mehe na gumuv'sumbulubu na lulu lukelele. ²⁶ Biyafiila lugumbu lwa Nuhu, ibimuv'fiila û matufu ga mwana gwa mundu. ²⁷ Bandu bam'liahanga, bam'utomanga, bamwisongenanga na ukwejya bana babu,vuu biafiila lutufu lwa shela Nuhu mu bwatu; na vula ukumua, mema bigawihaga boso. ²⁸ Biyafiila lugumbu gwa Loti, ibiyimuv'fiila honga bibiebia.Bandu bam'liaha , bam'toma ,bam'gula , bam'gulisha, bam'kuna, bam'vuba biende, ²⁹ Lo lutufu lwafuma Loti mu Sodoma , vula ya mulilu ufuma wi'timba na ujzijza bioso. ³⁰ Ibiyimuv'kaa lutufu lumuva mwanana gwa Vili. ³¹ Lo lutufu, yimuv'kaa yo gul'ulwegulu ya yende na bindu biaji bili mu yende, nda tua kubisamuna; na yogwa gumuv'kaa ubulimi, nda galusha manyuima . ³² Muningi mwazi gwa Loti. ³³ Yogwa gum'cheba ushosha buome bwaji, gum'buzimijza, na yogwa gum'zimijza buome bwaji hamubili gwami gum'bukuza. ³⁴ Nim'nusot'lwela, lutufu lwa lolwa lutufu bandu babili bamukaa wigala lilimu jimu gumusamunubu na yo jingije sagala. ³⁵ Ba baazi babili bayamwitimba hamonga , jimu gum'samunubu na yo jingije sagala. ³⁶ Ba balumi babili bali mubulimi bubumu, jimu gum'samunubu, na jingi gumusagala . ³⁷ Mitwani biyimwihujza: Bim'kalila uni mwanana?Naji bigulunga : Mubili gumu kaa uni, koa umwawibunga tubemba.