¹ Matufu gasatu ukila , wali têsha û Kana koa û Galilaya. Najyi na Yesu gwali yonga, ² Yesu gwa witiganubu û têsha na mitwana yaji. ³ Maluvu haga uvuyia najyaji na Yesu bigu muswahila : Nda bana honga maluvu. ⁴ Yesu bigumulunga : Muaazi, hali indu ayi hangati yobe na mimi? Inee yami ndayi tiufia. Najyaji bigu baswahila bateshe ba mulimu: Mutahe bye byemusahila . ⁶ Hali mihujya umi ya mabwe yali ya witosha wa Bayaudi, yana bihimu bibili au bisatu. ⁷ Yesu bigu baswahila batahe mema bahamujeya mihujya bibaweyuja gooso. ⁸ Yesu bigubaswahila basuni mema mwe mwamuhe yo muyui gwa tchaula, biba mugita nagu. ⁹ Muyui gwa tchaula hagulabula, mema ga ugalua maluvu, ushi uyua nguni ufumiozi ga maluvu, bandu bamulimu bataha gaa mema bali bayui , biguwitigana mulumi, ¹⁰ Biguboya : Mundu goso gumuhana bele maluvu ga buose, hanyuma gabiha na ukoola; Bebe, gulamizi maluvu gabuose vû hanu. ¹¹ Yesu, gutele biezegele byaji bya uluebu û Kana, bigulagijya butumbi bwaji, na mitwana yaji bibamwitaba. ¹² Hanyuma ya byebya, bifuwenda û Kapelnaumu, hamonga na najyaji, bamilugwaji na mitwana yaji biba ukaa matufu gasehe. ¹³ Pasaka ga Bayahudi yali habwiyi, Yesu bigubanda û Yelusalema . ¹⁴ Bigusangana mu hekalu bamwigulusha ng'ombe mikoo na ngulimba na bamusindula falanga soga. ¹⁵ Bigulunga fimbu ya migize, bigubabinga baso mu hekalu, hamonga na mukoo na ng'ombe, bigu utasa falanga ya musindula , na utasamatabu. ¹⁶ Biguswahila ba omba bangulimba bakatushi, nda mutaha yende ya buomba. ¹⁷ Mitwana yajki biyita uninga na ya usingubu: Muagu gwa yende yobe gu undyaha. ¹⁸ Bayahudi biba wisamba m'biezegele ayi byomutu lagijya, wa bibi byo mukoola? ¹⁹ Yesu bigulunga ba hulushe li Hekalu, mu matufu gasatu nimulimajya. ²⁰ Bayahudi biba wisamba li Hekalu lyaulojyubu mu mia maumi gana na mutuba , bebe , guboya nang'ha gumu li lojya mumatu gasatu? ²¹ Gwa mwisambila Hekalu lya mubili gwaji. ²² Imona haguta usungua û bafu, mitwana yaji bibatauniga nang'ha gwa wisambanga, biba witaba bihali na ng'handa ya wisamba Yesu. ²³ Koo Yesu hagwali û Yelusalema, umusangu gwa Pasaka bashwali bawitaba û zina lyaji, umona biezegele byetele. ²⁴ Yesu nda ubahuutila byebya bigwa ubauya boso. ²⁵ Honga nda namuma gwa bushuula bwa mundu; Iuboya gwa muyua jemuninu bebya bili munda mwa mundu.