¹ Kuibanjilu hali isimu mupolo isimu na chee yali haminga na Vili , na isimu yayi hali Vili Nyambi. ² Isimu yali hali hamonga na Vili. ³ Bindu byoso bya ulongubu naji, nda uli indu ya ulojyibu, ishilojyelubu na jehe. ⁴ Munda mwaji mwali buome na buome bwali muchee gwa bandu. ⁵ Muchee kumumunia mufitu na mufike ndangwa umutambula . ⁶ Wali mundu gimu gwa tumubu na Vili: Zina lyaji Yowane. ⁷ Gu vile uvutaha biushuula bwa gu muchee, ku boya bandu balwitabu. ⁸ Ndali muchee, gu minee uta bushuula bwa muchee. ⁹ Gu muchee gwali muchee amenena , guvili mu alunga mugaza , umunia mundu goso. ¹⁰ Gwali mu alunga mugaza ,na alunga mugaza aulongubu na jehe na a;lunga mugaza nda amuyua. ¹¹ Guvili uli bandu baji, na bandu baji nda baumutambula. ¹² Ila na bandu boso baumutambula ,na bamwitaba zina lyaji, gwa ubaha , na yogwa gu mwitebi û buswqata bwa ukaa bana ba Vili babutuii, ¹³ Ushi wa muloha , nda wa ulegelejya wa mubili, nda wa ulegelejya wa mundu , gwa ulegelejya wa Vili. ¹⁴ Muolo gwa utechea mubili , biguta ukaa netu hamonga , gwiyuli bin'sonya na lujila , na bituulola butumbio, butumbi paha na butumbi bwa mwana gujimu gufumizi wa tata Vili. ¹⁵ Yowane bigumutele bishuula bigutanya yihi: Iyogwa gwa miswahila : Yogwa gumuva û manyuma gami gwa bamba , Iuboya gwali. ¹⁶ Na twautambula boso bukumbani bwaji, na bin'sonya tende ayi; ¹⁷ Iuboya missi ya uhubu uli Musa , bin'sonya na lujila bivile na Yesu Klistu. ¹⁸ Nda uli mundu jimu ndakimona Vili Nyambi; Mwanana gujimu, gule munda mwa shaji igumujulisha uli bandu. ¹⁹ Lola bushuula bwa Yowane , Bayaudi bautuma ufuma û Yelusalema Makuhani na Balawi, umwihujya :Bebe guli nani? ²⁰ Biguwisamba ushi ubenga , biguboya nang'ha jehe ndali Klistu. ²¹ Honga bibamwihujya: Njiayi ? Guli Eliya? Biguboya: Ahuhu guli ngang'ha biloto? ²² Binamuswahila hanu guli nani? Kuboya tukaï na isimu ya ushwalila baututuma . Biguboya bini luebu bemuninu? ²³ Mimi nili yihi lya yogwa gumwitaha mbila mu buonono: Mulojye sinda lya mwanana , paha na bisambizi Isaya ng'hanga biloto. ²⁴ Ba batumibu bali Bafalisayo. ²⁵ Bibamwihujya honga njiayi gu batiza , hutu nduli Klistu, ndiuli Eliya , ndiuli ng'hanga biloto? ²⁶ Yowane bigulunga : Mimi niubatiza wa mema, uli hangati yenu jimu mundu gunushijili gumuva hanyuma yami, ²⁷ Mimi shiumbeni utotola mugoze gwa bihasa byaji. ²⁸ Bebya bindu biaukila û Betania, yeya ng'hango ya Yoldani gwali wali Yowani mwibatiza. ²⁹ Buenda bwagi, bigumona Yesu muva wele, biguboya : Lola mwana gwa mukoo Vili, gumu katusha bubiha boso mu alunga mugaza. ³⁰ Iyoguwa gunya unusawila : hanyuma yami û muva mundu gwa bamba uluebu lwami. ³¹ Shaumua, kuboya nang'handa gwa moneee uli Isilaeli , shavili ubatiza wa mema. ³² Yowane biguta bushuula : Nimwene chiuli utua higulu paha na ngulimba wimana umutendama . ³³ Shamuyua, yogwa gwa unduma ubatiza wa mema , gwa unzahwila : yogwa gomwaumona chiuli utua na wimana , yogwa igumubatiza wa chiuli ilumbului. ³⁴ Nimweni bini uta bushuula , na nimwena gwa vile. ³⁵ Buenda bwaye Yowane gwali honga hanha , hamonga na mitwana yaji yibili; ³⁶ Haguta umona Yesu mukila, biguwisamba lola mwana gwa Vili. ³⁷ Yeya mitwana yibili habahujya biba umulonda Yesu. ³⁸ Yesu bigugalua umona mitwana yimwilonda , bigubaswahila : mumukeba hayi? Bibalunga: Labi(fundulwibu lyaji: Mwigishi) gumukaanga uni? ³⁹ Muvugayi, mumone. Bibawenda wa lola hetukaa ; Bibasagala naji tufu lizima. yali yuba haalimba batehe ( Bihindi umi bya yuba). ⁴⁰ Andeleya tutu gwaji na Simoni Petelo, gwali jimu, hangati ya babili bahujya bisimu bya Yowani, na ulonda Yesu. ⁴¹ Jehe gwati gwa uluebu ukumng'hana na tutugwaje Simoni , bigu umusahwili: Tumona Masiya ( fundulwibu lyaji:Klistu). ⁴² Biguwenda naji wa Yesu , Yesu hagu umulola , biguiboya : Bebe guli Simoni , mwana gwa Yona , bamubamba ukwatiga na Kefa ( fundulwibu lyaji: Bwehe) ⁴³ Buenda bwaji Yesu gwa legelejya wenda û Galilaya , Bigu kuhamonga na Filipo. Na umuswahila : Kundonde (ndamati). ⁴⁴ Filipo gwali gwa û Betesaïda wabu na Andeleya na Petelo. ⁴⁵ Filipo ukumungana na Natanaeli, biguboya tuwamona yo mundu gwa usingubu na Musa mu misii na gwa goolubu na ba ng'hanga biloto, Yesu gwa û Nazaleti, mwana gwa Yozefu. ⁴⁶ Natanaeli biguboya: û Nazaleti ukumbene ufuma indu ya buose? Filipo bigumulunga viyaga na gumone. ⁴⁷ Yesu , hagumona Natanaeli , muva waji biguboya yugu walijila mu Isilaeli gushi na bubiha. ⁴⁸ Gwa unyuila uni? Natanaele biguusahwila Yesu, Yesu bigulunga : Filipo ndati ugwitigana, lolwa lugwali musi mwa muti nya kumona. ⁴⁹ Natanaeli biguwitaba na umulunga : Labi, guli mwana gwa Vili , guli Kasheke gwa Izilaeli. ⁵⁰ Yesu bigu umulunga : Binikuswahila nang'ha nikumbene musi mwa muti, guwitaba ; gumumona bindu biata ukila na bibi. ⁵¹ Bigumuswahila wa lujila , mu mumona gulu û buhululu bamalaika ba Vili, mubanda na utua ulwegulu wa mwana gwa mundu.