¹ Modhingela ahumbwa e lingomba e Salade: Dhenga sambo djinge iyasi moto ongo odjei la milimo sambo ma Mwengei la minoto sambo. ''Iyewi tomo dja owe. oewani ate odjei la mokalo, kaikoase ogbala. ² Huaka koto ehekele mogalia la wihoo winge witikali winge wiumali ahue e logo, laate igboti ate otiengese sambo dja owe kpaa liwoso la Mwengei o mbai. ³ Mungola engele kpaa ndenge ekondji owe koto ndenge eoki owe koto djaaka ndji obanyei eho koto kukola motema. Inga otisuswe, ikodja nda iwa, koto otiewa te ma keke engele enge ekoopumbela mbai. ⁴ Sikandjo ongo la moki mo Salade odjei la wato wango watiumesali wisindje wau wa mokpoto onalili, wakosomba mongindji la mbai la wisindje winge wibubi, laate waongi la eho. ⁵ Ongo okolonga akokpala wisindje wibubake, itilongosa kombo ende la buku e mokalo, ikoasa kombo ende liwoso la wawa la waahumbwa wande. ⁶ Ongo odjei la matoyi aoke sambo djinge ikoasaka elimo la mangomba.'' ⁷ ''Modhingela ahumbwa e lingomba e Piladelepi: Dhenga enge eyasi Moto ongo odjei Mosatu-ongo okoasaka meemene, ongo odjei la pungola e Davidi, ongo okodhuholaka koto moto toeti akoenga onangi. ⁸ '''Iewi tomo dja owe. Dhenga, ibati liwoso la owe modhuhe moluhuani enge moto toeti akoenga odhihi, laate odjei la okulu makeke koto obanyei engbundu e mbai koto owunganiti kombo e mbai. ⁹ Dhenga! Ikohekele wato wa sinagoga e etota wango wakoasaka ate wadjei Wayuda, kaikoase wati Wayuda-ase akokosaka, ikokela ate wadje oyaimbi la makolo ma owe koto ikokela ate waewe ate mbai iyobali. ¹⁰ Nda ebanyei owe engbundu enge eokali owe la kole e edjeeli e mbai e nangake motema, mbai koto ikoobanya owe la engele emekanake, enge ekodja la mbume kpaa ebete wato wayabati, la omeki wato wango wayabati la mbume. ¹¹ Ikodjaaka sikasika ndjo. Hela la oteteli enge edjei owe la eho, laate moto atitote lingboka la owe. ¹² Ongo okolonga ikomobata likule la tepelo e Mwengei o mbai. Atipumba kine aleeti ikodhinga likolo lande kombo e Mwengei koto kombo e moki mo Mwengei o mbai (Yelusalema epoli, enge ekolongwaka la likolo atie Mwengei o mbai koto oyadjimbi), koto kombo e mbai epoli. ¹³ Ongo odjei la matoi aoke sambo ikoasaka elimo la mangomba.''' ¹⁴ Modhingela ahumbwa e lingomba la Laodikia: Dhenga enge easi Amen, mototoli molamu koto omeemene. Lipotele e wokelesani e Mwengei aasi! ¹⁵ Iyewi tomo dja owe. Iyewi ate oti dee, oheliti koto. Ibalaki odje dee inga pioo. ¹⁶ Nda edjei owe djongo oti pio oti koto misa mbai ikootohola owe la monoko mo mbai. ¹⁷ Laate owe oasi ate, idjei la okumake koto ipundji ogumake koto iti la posa e ema teeti, ase oewitini ate odjei la moto o ekoni koto moto o magba, moto o otundake, la moto ongo ogwi maiso koto lingbengbele. ¹⁸ Ikohekeleke owe toli laate osombe edjei mbai wolo wungo wolangesani la misa laate oume moto o ogumake, osombe koto wisindje wibubake laate okpale laate soni e lingbengbele e owe etienene, koto osombe mosisa mo maiso laate omunole la maiso ma owe, djongo okoene. ¹⁹ Ikopamelaka koto ikohaka etumbu la wango kpaa iwabali. Eho lenge nanga motema koto kukola motema. ²⁰ Dhenga, mbai iyamali la moluhe ikobingaka kokoko. Inga moto aoka moli mo mbai koto adhuholia moluhe ikolingela la monguta monde koto ikolaka mongindji la inde, inde koto mongindji la mbai. ²¹ Ongo okolonga ikomoha mboka ayabate mongindji la mbai la ngbelengo e mbai e okumu ndenge koto mbai ilongali, iyabati koto mongindji la Wawa o mbai la ngbelengo ende e okumu. ²² Ongo odjei la matoi aoke sambo ekoasaka elimo e mangomba.'''