¹ Otisambese moto la likambo ate watiosambese mino te, ² La likambo ate wakoosambesa ndi ndenge ekosambesaka owe pe wakootenele ndi la imekeli kikima nda owe. ³ Nda ndenge ekoheneke owe posi la maiso ma mangwa kasi otihekeke la liso laowe amene? ⁴ Nda ndenge ekoki owe omohaseli mangwa: dee mbai oilongose posi la maiso: ndi owe koto, linge la owe liso lidjei la posi? ⁵ Moto mohisake ikele, longoso yo posi la liso la owe amene, sikandjo okohene olamu lma ate olongose linge. ⁶ Otihekele iwo djka osatu atie wa imbwa alidi otilumbe palata eowe aite wangoya, la mbangi ate wa ehoto alidi ate eowongwele la ookondwesi. ⁷ Wongaa wakoohekele, lukana okokondja, binga moluhe wakooluhuela. ⁸ la ndenge eho, moto kpaa ongo okoongoko ako tata, ongolukaka akohene alidi wakomoluhuela ongo okombinga moluhue . ⁹ nda moto n_denge edjei ino ango akomohakele mana oinde libukeli inga amohonga lipa? ¹⁰ Inga ahonga suu, okomodjekele ndjo. ¹¹ Inga ino wato wabe oyewini owahekeli wana wanu iwo ilamu, sangbanu ongo odjei likolo kodjanga ohii iwo ilaka la wana wande wango wakomowongooko nda ndenge? ¹² Sambo kpaa ikobala ino ate wa okelele, ino koto, wakelelani ndi ndjongo; la likambo atie wasakoli. ¹³ Lingelani la moluhe mosungu! landendeni eho, mohuhe modjei mosungu, tonani mboka enge ekokpalaka la obitani, wato ngbii wakolingelaka ango. ¹⁴ Kaikoase moluhe mokeke la mboka enge eti ngbi djaho ekohekeleke omoi, kasi wato wango wakohekeleke wadjei wa keke. ¹⁵ Kebani la la wango ayawelaka iwo amene wasakoli! wakodjaka ya ino wa kpali isindje wa meme; kasi ndondoewu wadjei pange. ¹⁶ okowaewani la mabukeli, wakobukaka ndongo likolo la mabukeli, wakobuka pukapuka dja fugi likolo. ¹⁷ Mote kpaa molamu mokowotaka pukapuka ndamu kasi mote mobe mokowaka ndi pukapuka mbe. ¹⁸ Mote malamu ùotiwota mbe ndi ndjongo mote mobe motiwotaka pukapuka mdamu. ¹⁹ Mote kpaa mungo motiwotaka pukapuka ndamu akoetena pe wakoelumba la misa. ²⁰ la pukapuka djawu ekoewani ino mite. ²¹ wango wakohaseka mbai: likumu, likumu! watilingele iwo kpaa la okumu o likolo, kasi ndi wango wakokelaka mungo mobali wawa o likolo. ²² Wati ngbii wakohasa la mbai lin ge lisio: likumu, likumu, toti sakolali la kombo eowe? toti humbali la itita la kombo eowe? totikelali wikamwa la kombo eowe? ²³ mbuse ikowahasela la hoho: itioyewaliniti . longwani ya mbai, ino wato wabe. ²⁴ Ehele ndenge, moto kpaa ongo okookaka makpomi mahasi mbai pe akoekelelaka, ikomokokanesa la moto o okengi ongo o mai monguta monde likolo la mabukemi. ²⁵ Ewongo eluiya, mikalikali mikadja, ehoho mokelia atie molumbe mungo monguta; mokwiti la likambo limanali. ²⁶ kasi ongo moto kpaa okoyokaka mango mahokasaka mbai kasi kasi aekeleliti, adjei nda bili ongo omali monguta monde likolo la zelo. ²⁷ Ewongo eluiyaa, mikalikali mikadja, ehoho ekelia pe longolia mungo monguta, mogbangwania kpaa. ²⁸ tango eseselia Yesu opumbesi lango makpomi, wato wayabatali la lomungo lo mande, ²⁹ la likambo ate adjakli oteyi la okulu kasi te nda wabimiani ase nda wato wadjei wokondji.