¹ Wamanima, inga motomwesi ayene ate akeliga obe, mohelani osololeni lainde la motema monde ino wango wadjei la molimo e Mwengei, ino mpe amene oyabateleni laate wekpeni la omekani. ² Kpalelanakani mikpali weti atie wamanango late tokokese mobeko mo kilisito. ³ Inga moto akasate adjwga ema esi, aewakitiyo ema, akayakosaka inde amene. ⁴ Ewongi moto la moto ayandengayo inde amene la otomo la mande, ase mbuse aewe oyjakanesi inde amene, ate eti la tina eweti moto. ⁵ Late moto la mo,to akokpala mpkapali monde amene. ⁶ Ewongi ate moto ongo omotoyaka iwo liloba la Emngali, akabola odjwi woande laongo omoteyaka. ⁷ Oti yakosakate: wesakanaka la Mwengei enge ekona motoakobuka koto dieho. ⁸ Ongo akonaka sambo ya wenge akobuka koto masala ma wenge miholake: kasi ongo akonana sambo la seko. ⁹ Toedeke okeli sambo ndamundamu late tobuke la tango enge ekoki, inga toti yatukpe. ¹⁰ Ndjongo tango enge odjwiso ma ngonga o masala Mwengei; tokelela olamuedjei motokpa, ate la weti edjei wango wandimi iso laiwo Yesu kilisito. ¹¹ tango yeni mokanda mosunge mokomelalini, mbai la mawo mbai amene ¹² Wango wabali oyeni olamu la ndondo ewenge, wakoasakate, oteni kombeni, late watiniokol,eli la tina e Yesu kilisito. ¹³ Wango wato watenei kombeni, iwo amene wetosaka mibeko, iwo wobalaka ate oteni mombeni late oyakumeseni la ndondo ewenge. ¹⁴ Ndai m;bai, lihele laoyakumesi adjte sambo, inga te di e kulusa e likumu mosu Yesu kilisito, late mo moki mobimba moyabakali la ekulusu la tina e mbai, ndenge mpe edjei mbai la mokili mobimba! ¹⁵ Eti la ema ate watene kombni tote inga watotene, ungo adjei la litomba adjei ate ate iume moto moholi ongo obongoli motema monde. ¹⁶ Logoo magba ma Engali edjei la wango wato wakobila mimilongo mibali mbai ndondo eliloba la Engali o wayisalahele. ¹⁷ Obandi kekeibaliti ate moto akele obe, late mbai ikpali lolenge Engali la wenge wa mbai. ¹⁸ Wamanima, ate olamu o Yesu kilisito odjei la modili mo Engali la moto la moto Amen.