¹ Teofile, iyasi, ndondo ebuku e mbayi e liwoso, la enge kpa Yesu abanda okeli la oteyi tée la ebandeli. ² Tée lisiyo enge etelali inde a likolo, mbuse e inde ohi mitiho, la molimo santu, la wayekoli wango owawonali. ³ Mbuse onyokwami, awawumelali la bomoi, awao hio ilembo ngbi, ayenenia la iwo masiyo tuku ineyi la owaaseli sambo djinge edendi bokonzi e Mwengei. ⁴ Nda ndenge edjali inde la iwo, awa tekesiya wa tilongwe a yelusaleme, kasi walambelé enge wawaawunali, enge iyo waselali, awaaselia. ⁵ Yowana adjali obatisi la malia, kasi ino, la masiyo makeeke, oko batisamani la molimo satu. ⁶ Kasi wayekoli waboliania wamo huelia; likumu, ndi la ehele tango nde okobata bokonzi e Mwengei? ⁷ Awa wongoselia: etiyo ndendé ni ino la oyewi tango la masiyo mango wawa abati la likumu landé amene. ⁸ Kasi akototani okulu, molimo satu ekodja likolo e ino, okodjani wa ndjeneneke wa mbai laye lusalemu, la yudeya kpa, la samaliya, tée la gboo emoki. ⁹ Mbuse la owasi ndjongo, atombwama likolo ndi wakomondenda, lipata limodhihia la maiso ma iwo; ¹⁰ La ndenge edjaki iwo mayiso mandendi likolo ndi inde akokeke, denda, wato waale wakpali isindje bubake waa wamelia, waaselia; wato wagalile woni owamalini odendi likolo? ¹¹ oko dja la ndenge omwenisi ino oteli likolo. ¹² Wa wongoiya la yelusalama, la mokoli mungo mowelami e oliva, enge edjei pene e yelusalema, la lihele e mboka eesi e sabato. ¹³ Tango ewumiya iyo, wateliya la Mwenge elikolo ongo ehehamali iwo odji, wadjali Petelo, Yowana, Yakobo, Andele, Filipo,Toma, Batelemi, Matiya, Yakobo mana o Alofé, Simoni moya Zelota, la Yuda mana o yakobo. ¹⁴ Iwo kpa ehelo kikima waabatia la wali, la malia, nango Yesu, la wa manango Yesu ¹⁵ Mango masiyo, Petelo a amaliya liwoso la wa manango, iwo kpa wadjali kama esi la iwale. ¹⁶ Wa maanima, engemana lite ekokisame engé molemo satu, ndondo emadhingami aasali liwoso, la monoko modandi, la loyi e Yuda ongo odjali motiasakali la wango wa mohelali Yesu. ¹⁷ Adjali la iso, adjali la elelo la otomo e minisitele. ¹⁸ Oholo moto, ototali elanga la lifuti e logo, akwali, abukiali la odja e wenge, solo djande kpa eyaandia. ¹⁹ Ehele lohi eyeweni la wato kpa yelusalemea té enge elanga ewelami la monoko mowu akaladama, enge einyei, elanga e mokila ²⁰ Kasi, edhingami la ndondo ebuku e olembi: molako mondé mowume esobe, moto tweti atiabate! aleeti: wzti moto atote mokpali monde! ²¹ Ekoki, la wango wasombali laiso masiyo kpa tango edjali likumu Yesu la iso, ²² Lisiyo ebaisimo eyowana tée lisiyo enge etelali indé likolo liwoso laiso, ekoki la mwesi aboleane la iso nda ndjeneke e obasi e Yesu. ²³ Wahia wato waale: Yezefu ongo owelami balasabasa, wa masingei yusitusi, la Matiasia ²⁴ Wakelia ehele ongoli: likumu, owe nde oyewi mitema ma iwo kpa, inya iwo waale omooni ndai, ²⁵ Aate atote elelo eminisitele la otutiani, enge yua adhe laate ake la ebeet endé. ²⁶ Wa bingia djegé, djege emokwelia Matiasia, oboliani la watutiani lomi la esi.