¹ Odjadji, te kpara bili no nambela ositingo, ingbo de gu guma, irengo de gu guma bi, lila temo, ba mongbo go male de. ² Ibe o tiringo kayi esugayi, de igbunda ta makpama ka Klisto. ³ Te kpara bili kinango, de angbo de kokoro ngo, engi te siti teye be meleye. ⁴ kpara na kpara tsiya nga kitima kaye, sono engi maka ndjongo na be tombaye go gumaye, sono engi kina de ba ni nye fe o gara. ⁵ Ano aleke ba kpara kpara be gbiye kaye. ⁶ Kpara feda ongbo shile njo ngali'Me, d'engi gafa fe ishile kaye du o he kaye nde. ⁷ Ifite teyi de! Omomo Eme de. No te kpara elulu no, ewaga beye. ⁸ Kpara engbo lu be fe koteye, waga be de kanyaka te kote; engo bili ta, kpara engbo lu fe sipiriti waga de sipiriti makowho na ndalo. ⁹ Nindala na mele njongo de, tano niwagaye go dhinga, teni tsengu denu. ¹⁰ Sono, dhinga te nimakaga djoate, nimele njongo fe o kpara nde, nedjo fe o kpara no ole'Eme. ¹¹ Itsiya go ngbe waraga te mano yete feyi de kpama. ¹² Ono nde ongbo kina na leke tewo toka kote otereyi ba ile Klisto de, toka nakpe na gala fe krusu ka klisto. ¹³ Sono otsitsiya makpama k'Eme de, ote kunda ba ingbo bakana wo, ba obebetewo go kote. ¹⁴ Teno etsiama no, ngengele ma makina nabebe tema de o garango de be krusu ka ngama kani Yezu-Klisto. Tongo da sala ono gbala engi fema, bakana mangbo fe sala nde. ¹⁵ Sono a kokoro na otere te kotemo de nangbo de tere; nongbo deye, adena koto tohe. ¹⁶ Gungo de guma na tsenga ngbo fe o kpara nde engbo tsiya makpama no, de fe Israyele ka'Me! ¹⁷ Sidinganga kpara bili melema sisiti de, sono mabe tema ndala ka Yezu. ¹⁸ O ndayi, grasiya ka ngama kani Yezu-Klisto ngbo de sipiriti kayi! De angbo ba!