¹ Afe malanga yete Klisto eyikeni matsiga bi feli, de natseteyide tokana esa oyi kpama. ² Tsiya, ema Polo, mafafeyi ba, te ingbo wateyi, Klisto tofema kalohe bilide. ³ Mafa feyi tokana ba te owa feke kpara yi, alingita ba momele ongo nde ngbo go makpama. ⁴ I emeteyi te Kirisitu, eyi nde okpara na ma magbo go makpama, ingita makonda na garasiya. ⁵ Feni, ade malheye te nitse, tenga sipiriti, makina na ngbili kadje. ⁶ Sono, de Yezu-Klisto, angbo mawa sokodi mawatemo de mbini mama, soye male emele meleye de makunda fe ogara. ⁷ Igo woro jojo: efoaga deda ba-ilo, toka na yokoyi te godjo na ngbilingo? ⁸ Nezangbano notenga kpara ebukayi de. ⁹ Mbo toma baye e eme mbikpade. ¹⁰ Made maho guma teyi, go ngama, ba ikina garango de, sono kpara etofeyi falino, engi za magaga. ¹¹ Fele, o ndayi komoko, te mangbofa ngali mawa, tokane tokana ma maworo? Ositingo na kurusu engitoyi. ¹² A heme teye tokana tengi, ono engbo eho foli sono esogayi! ¹³ O ndayi komoko, ino bhuka teyi enani toka malanga kayi, bii melede de malangano, ngali bili na kowho bakana eso; sono mamaka teni, go makunda o gara, nato kpa bili de o gara, ¹⁴ kokorode makpa ndeno elingita gali bili, gone sene: Mokunda ndayimo bi bamo bili. ¹⁵ Sono teignugnuma teyi, te isusura teyi bili de ogara, iza makenge nawuza teyi bili de ogara. ¹⁶ Mafa tane: dheko baka tima sipiriti, te imele o bulungo na soyide. ¹⁷ Sono eso de gomo go to teka sipiriti, te sipiriti di mini ogara tongo na eso; oso tototo esuga wo, kokorode imele de no te ilanga na mele. ¹⁸ Te idnoko go mashule ka sipiriti, isa makpama mama. ¹⁹ Taye, o bulungo na eso etsiya teye ba, owaza, lugbiri, na misateyi, ²⁰ Magbukuma o siti eme, koma , oko makpekele, o siti guma, makina kamo, nabho, o mayeteyi, o mbombo ekleziya. ²¹ mandjo fande, ndjaka kuma fe misa, de ongo emala, mafa feyi egilano, bakana te manofafeyi, ono engbo mele ongotigono tsiya ngbe kote na kpe de. ²² Sono, ngwa na sipiriti, ade makunda, lidjadja, gungo, matse, ejo, siketeye, natigaba, bii, koko. ²³ Makpama dji ongo ne de. ²⁴ Ono onongbo go Yezu-Klisto, egbala soye de obulungo de ogomogo fe kurusu. ²⁵ Te angbo kowho de sipiriti, adhoko mini bakana sipiriti. ²⁶ Ama kokoro mabele de, de namago bili de ogara, angbo go makowho bili de ogara.