¹ Inde dindia ao, n'kondi inde nde mapapasia inda ibale anga chuchusa lao suba boenge, ² anga bende otoe kanisa elehe nde biba luhuu mosa la bakukumu bonja na beleana na elehe inda Apasu na omboi anga tea Babea. ³ Oupe mba anga chehana bato bapia suba sua inda sugia aba banu sombi benu, na batamba lobe sinda inde bakondine. ⁴ Na baluhua,''Ande wani elehe nde abi aluhu wani elehe nde abi aluhu a hangia la siana? Bapasu bi baku, m'pa ema puli abi batoa kengeta bongisa leengo. ⁵ Aba baekola bosana keabende leengo na kopa a kengetani toana na ibo na nyenela ibo kala nyena, kala anga elehe Akodola, ⁶ na anga nyenela eleheae na ibo aba baleengo anga indo, abe na tumi ibo, abi a uchuani. ⁷ M'pa ndiende kopa na leengo bakokotie anga elehe indo ndo anga n'sa. Bakoli anga atata sua la hokomo na kukua la bato ndi n'da bande ba Akodola . ⁸ Inde nda toa hiana lakoa awao, okondi, kea bende sua imoti awa Epa ande sinda sua elufu imoti. Na sua elufu imoti ande sinda kia imoti . ⁹ N'da kwe kea bende Epa a kola boe boe kola emande baopa, na sinda inda bahaka kea, m'pa iye ande n'to la mbua meema nda otianda anga nu, iye nda kondi moti akue, m'pa n'to ndabi anga babe bato lawe halia. ¹⁰ Nande sua Epa apiale sinda n'kukuba, kopa a nyena ekapa eyongo. Ema puuli asida na n'sa. Leengo na ema puuli inde ana aukwana sama. ¹¹ Anga keabende ema puuli asida anga ahe nde. M'pa oba n'to mbola sina? Osa n'to manjana iko suba kon'to la Akodola. ¹² Abongi na upa na upila balaka la pia la sua la Akodola. Sua ndo kopa asidale na n'sa. Na ema aluhu mali na chongaha inda okala. ¹³ M'pa toana na tambela lae, bebondea kopa inda ito na leengo, inde bato banja baikale. ¹⁴ Boo bakondi anga besu pii la ema nde, opiseni na onda na kangapaisa na nabokolo apu moti na iye. ¹⁵ Na pedelabo na mema inda epa nde masu suba Elamisi, sinda n'kondi aloasu Paulo aluhua inde bapi. ¹⁶ Paulo aluhua inde puli suba mapapasia ndae keabende ema puuli inde nde motali a okali. Bato nde nde nda basikisana na bauchise ema inde, na sinda inde bakola anga edindio, kisa ekua labo. ¹⁷ Indo, bakondi anga mande boupa indo. Boekungeni benunganga anga kanga bobunga na temea na toda na toda na bungisa la lebea. ¹⁸ M'pa bobeni suba ngebe na upa la Epa na omboi Yeso Klisto. Na m'pa ekale indae mbeno mbenonde na esa.Abebo.