¹ Bakumu bana mbela bakee ungwa ba Baisraeli na Mwalimo bana mbela bapikino ungwanu. Bapikino kanga epo bakapano eyano ya mbela bondo batunao mwame munde anu sombi. Aba bapisa uchede dia angwabo mayabo. ² Bagbete bagbateno ahi ndubo ahe labo la sedee batunano ahe a ubonga. ³ Ka ekumo bewe kano batongo bayanga yonga ya mbela etale labo inda depabo chede ekpatano. ⁴ Kangbwende Akodola inda bedua malaika ande bakole na eloloe. Aba emaka na n'daye kangwa banyangikane suba munyololo kakida na etale labo. ⁵ Umba Akodola inda depa kangbue ingi indo ya kola, umba aweki nuhu munde awekakano ningo ebona betino lalo, aba maka Garika kulanji inde asede. ⁶ Akodola apisi ekale anji la Sodomo na Gomora; sungeli aba epu na biyio kangwa abe mufano la buchede. ⁷ Umba abi akoli inde atikisi Loti ndo ma na ningo munde abi na ekela kangbua bachapu la, bunde be kanga shelia la Akodola. ⁸ Kangbue nde ndo munde ma ningo abungo adepa esekpete anga eka tabiso eketi lae kangbua inde eki na inde e nii. ⁹ Kangbue nde Akodola epi yendene etokisono bato baye suba mateso na kumilia labo suba eloloi kangbua ekalesu esela sungie. ¹⁰ Kabeningo inde obeningo ka bande bea endelea na depa na seki ya etele inde napikikio bongisa. Bato nanina inde bena inde bea kola, inda bakue ebaka beka luhuo elehe busede. ¹¹ Bande Bamalaika bene ngebe na paka kangbua bato, umba kaba toka kapa ekale labo kaika mukala. ¹² Umba bunde banyama bakanga akili, bee bongisi kangwa peda labo na mua labo. ¹³ Bee batisi kangwe eloloi labo. Na mane bea kola eloloi bena buchede ni eloloi. Bakundi eselo la temianaka inde beya kolali. ¹⁴ Usuobo angbungbusoni n'etele inda bakuto n'elolae beke ngbueko bamiki suba elehe la Akodola bakundi eselo la nji na tamamia endi bamiki bana laana. ¹⁵ Badu ahee la ningo, bea kalua kiahe la Balama miki ma Beoli munde akundi pata malipo la ainde akoli. ¹⁶ Umba bakamili kangwa buchede lahe. Punda munde abikingi aluhu na liso la bato; akikisi elele la kukumu. ¹⁷ Bato bunde beya mua libo inde inda na libo ha eya kupa nde aku na suso kupa ao ehedo, bapisikaikabo. ¹⁸ Eya luhuo neepipa ndumba eya ngbuo ba kpa kekundo la ngopo, eya teka bato. Bato bea chachibia bunde badepi suba bu. ¹⁹ N'da bakundi uhulu ebondi ba n'kobe ya loloe kangbue nde to akola bo n'kobe la bon'kobe. ²⁰ Munde achi machafuko na nzii kakula malifa la mukala Yeso Klisto, na mbusa aba sikilia machafuko inda akia indo anuapio. ²¹ Aombi bato bepe ahe la ningo na dua amli laubuchapu inde bakapi kabo. ²² Yonga inde abe na ningo ungwabo: mbua asikio inde asali na ngoya munde asokosi ngopo asikilie ito todi.''