¹ Yakobo ntumwa ya Nyakasane na ya Nawirhu Yezu Kristu, oku milala ikumi n'ibirhi yashandalaga, ndamusize. ² Mumanye oku guli mwishingwo munji bwenene bene wirhu, erhi mugera omu bizibu binji binji, ³ munamanye oku okurhangulwa kwinyu omubwemere kunabahe obulembedu. ⁴ CI obwo buzibu b'okulembera amalibuko bikole ebijiro nkana lyo muba bantu bashinganine na bimâna abarhabuzire bici. ⁵ Cikone erhi omuntu omu kagarhi kinyu alonzize obwenge, abuhune kurhenga emwa Nyamuzinda, oshoboza boshi burhagera na buzira karhinda abuhabwa. ⁶ Cikone oshenge omu obwemere, buzira kurhindira, bulya orhindira mwali nka kalaba omu Nyanja anahekwe n'empusi n'oku kwebwa eyi n'eyi. ⁷ Okuli oyu muntu nkoyu arhamanyaga mpu ayankirirwa amahuno gage kurhenga emwa Nyakasane; ⁸ Eri nderhera habirhi, nzunguzi omu njira zayo zoshi. ⁹ Mwene wirhu oli mukenyi acishingire obukuze bwage. ¹⁰ N'omugale naye omu bwirhohye bwage, bulya amanye oku kwashikenyuka nka muligi gwa bwaso. ¹¹ Izuba likashoshoka linajire ecidurhu co kuyumya olubala n'obwaso bw'emburho burhenge n'obwinja bufe. Ntyo ntyo n'abagale nabo bahêrerekere omu njira zabo. ¹² Iragi lyage oiya muntu olembera amarhangulo, bulya enyuma ly'okuhima eri irhangulo anayishi hanwa ishungwe ly'obuzine , Nyamuzinda arheganyize balya bamusima. ¹³ Ntaye yeshi oba Ali omu mashumi akaderha mpu Nyamuzinda amushumisire, bulya Nyamuzinda arhankashumikwa n'amabi, naye arhankashumikwa ndi. ¹⁴ Ngasi muntu anashumikwe n'enyifinjo zage mbi zimushumika n'okumuheka kuli. ¹⁵ N'erhi Omuntu aba amayemera ago miru mabi, lyo gaburha ecaha, naco nka camayusi jirwa, cinaburhe olufu. ¹⁶ Benewirhu bazigirwa murharhebwe. ¹⁷ Ngasi ngalo nyinja na ngasi enshokano nkana bihubuka enyanya, burhenga emwa Nn'obulangashane orhahinduka, arhanayishi cihoho ca muhindulo. ¹⁸ Nyamuzinda yene walonzagya oku rhuburha omu luderho lwage l'okuli, mpu rhube rhwe murhonderero gw'ebiremwa byage. ,19 Mûmanyire ntyo Benewirhu bazigirwa, ngasi kuhika abe mubidi okuyunva, ci arhabaga mubidu w'okuderha erhi kugaya. ²⁰ Bulya obukunizi bwa mwene muntu barhajira mushinganyanya bwa Nyamuzinda. ²¹ Enyanya lieco muhere kuli izinga ly'ecaha n'amabi gali boshi boshi, n'oku bulembedu muyankirire akanwa karhwezirwe omu kagarhi kinyu, ko bagwerhe obuhashe b'okuhindula emirhima yinyu. ²² Mube bakujira akanwa ka Nnamahanga, CI arhali bakuyunvirhiza kwône, murhagi cirheba mwene! ²³ Bulya oyunva akanwa ka Nnamahanga arhanakajira, kwali nka muntu wasinza obusu bwage omu cirolero. ²⁴ Erhi aba amacihenga, agenda, honaho anayibagire kurhi anali. ²⁵ Ci ociseza okumanya irhegeko limâna, lirya irhegeko lijira omuntu ntagengwa akanaliserakwo, arhabe wakuyunva n'okuyibagira, oyo ye wagishwa omukulishimba. ²⁶ Erhi omuntu yeshi yeshi ankaderha mpu ali mwinja omwidini lyage, ci arhishi shuba olulimi lwage na ntyo acirhebe yene, idini lyage liri lyabusha. ²⁷ Idini licire lirhanali kwo ibala omu masu GA Larha Nyamuzinda, muliyunvagye: kuli kurhabala enfuzi na Abakana omu amalibuko gabo, n'oku cicunga oku mabi ga mwer'igulu.