¹ Ebyali e murhondero, rhwabiyunvirhe, rhwanabibona namasu n'amasu girhu, n'amaboko girhu gabihumako, kushimbana n'akanwa k'obulamu. ² Akalamo kaciyalagaza, rhwakabona, rhwakahamiriza. Rhubayalagalize akalamo karhahwa, kabaga haguma nalarha, kobanarhuyalagalizagya. ³ Ebirhwabwine n'ebirhwayunvirhe, rhumuyalagalizebyo, lyorhuban'olushangi. N'olushangi lwirhu lubahaguma na Larha n'omugala Yezu Kristu. ⁴ N'eyimyanzi rhubayandikireyo ly'omwishingo gwirhu guhikirira. ⁵ N'emyanzi rhwayunvirhe kuliye yorhunamubwizire; Lulema ye kamole namuliye murhabamwizimya. ⁶ Erhirhwankaderha mpurhuli omulushangi rhugalilambagira omumwizimya, erhirhuli banywesi n'erhi okuli gurharhulimo. ⁷ Ci erhirhwakalambagira omu kamole nankoku aba omukamole, erhi rhuli lushangi luguma rhwene nanene, n'omuko g'omugala Yezu gunarhuches'ebyeha birhu byoshi. ⁸ Rhwamaderha mpurhurhajira caha, erhi rhuli rhwacirheba, n'okuli erhi kurharhulimo. ⁹ Ci erhi rhwakahungama ebyaha birhu, abamwikubagirwa na mushinganyanya w'okurhubabalira n'okurhucesa omungasi bulyalya. ¹⁰ Erhi rhwankaderha mpurhurhajira caha, rhanamujira munywesi,n'akanwa kage erhi karharhulimo.