¹ Obu mwa fukire haguma na Kristu, mulonze ebintu by'empingu, aha Kristu ayikere oku malyo ga Nyamuzinda. ² Muheb'enkengero zenyu oku bintu by'empingu n'okuleka eby'okw'igulu. ³ Bulala mwa fire, na kalamo kenyu kakala kabishirwe haguma na Kristu, omu Nyamuzinda. ⁴ Amango Kristu, ye kalamo kenyu, achiyerekana, nenyu mwayinji bonekana haguma naye omu bukuze. ⁵ Mujire muyirhe ebigabi by'omubiri gwenyu guli oku gulu, obugonyi, eby'eshoni, eby'ezinga, nyifinjo zibi, n'amageni g'eby'e gulu, kwo kuli nka kufukamira ebilemwa. ⁶ Kugerera ebyo bintu byerhumire oburhe bwa Nyamuzinda bwa yinja oku bagala bw'omu shombanyi, ⁷ balala mwalambagiraga haguma nabo mira, amango mwalilamire omu byaha. ⁸ Aliko bunola, muleke ebintu byoshi, oburhe, okurhongana, obukali, okubesha, emyazi mibi ya karhenger'omu bunu bwawe. ⁹ Murha chirhebekanaga mwenine oku mwenine,mwa hogwere omuntu wa mira n'e mikolo yage. ¹⁰ N'oku yambala omuntu muhyahya,ola wa chihindamwire,omu kumenya,kugerer'eshusho lyo lala wa mulemaga. ¹¹ Arhanali han'o Mugereki chang'o Muyahudi,arhanali mu kembwirwe changw'orhakembwirwe,harha chiri ba- ntamanywa n'Abashita,n'abaja na barhali baj,aliko Kristu ye byoshi ali n'omu byoshi. ¹² Nka kulala,bina kwanene abishogwa ba Nyamuzinda,bacheswe n'abarhonyi bage,muchishukire omurhima gw'olukogo,n'obonjo,n'obwirhohye,n'obutudu,n'oku lember'amalibuko. ¹³ Mulemberanage mwenine oku mwenine,na,nkaba muguma omubo aka sidak'owabo,mu babalirane mwenine oku mwenine. Nka kulala Kristu ababaliraga,mubabalirane nenyu. ¹⁴ Aliko kulusha ebintu byoshi muyambal'obuzigire,buli buguma bw'obushinganyanya. ¹⁵ Na nty'omurhula gwa Kristu,ogola gu mwahamagalirwaga mpu mube mubiri muguma,gube omu mirhima yenyu. N'oku yorha mu mumenyere. ¹⁶ N'omwazi gwa Kristu gulame mu mwabo oku bunene;muyigirizane n'oku hanulana mwenine oku mwenine omu ngasi bushinganyanya,kugerera ennanga,kugerera enyimpo,kugerera enyimpo z'obunya-Muka,kuyimpa Nyamuzinda omu mirhima yenyu omu borhere bw'olukogo. ¹⁷ Na byoshi mu bijire,oku mwazi chang'oku bijiro,mujire byoshi oku zino lya Nahano Yesu,bibe bijiro by'oku derha koko emwa Nyamuzinda Darha. ¹⁸ Bakazi,mukenge abalume,nka kulala bi kwanene omu Nahano. ¹⁹ Balume,musime bakenyu,murhana bayobohesaga. ²⁰ Bana,mukenge abazere benyu omu bintu byoshi,bulala bi kwanene omu Nahano. ²¹ Badarha,murhahangal'abana benyu,mwakarhuma babiha omurhima. ²² Bakozi,mukenge banahamwenyu oku bintu byoshi kugerera omubiri,arhali oku mesho gwonyine,nka kulala enyanya w'okusimisa abantu,aliko haguma n'obushibirizi bw'omurhima,omu buba bwa Nahano. ²³ Ngasi byoshi mwakajira,mubijire n'omurhima gwinja,bulala enyanya wa Nahano arhali enyanya wabantu. ²⁴ Mumenye oku nji mwahabwa na Nahano akashambala nka luhembo. Mukolere Kristu,ye Nahano. ²⁵ Bulala olal'ojira amabi,nja habw'amabi,na nta kulola oyu yende.