¹ Na ntyo, rhugwerhe obukozi rhwahabirwe oku bonjo, rhurhachikaga entege. ² S'aliko Rhulahir'eby'eshonyi bijirik'omu bwibisho, chiro rhurhagendaga Omu bulyalya. changw'okuhira omwazi gwa Nyamuzinda m'obubeshi. Alik' omu kuyamagiz'okunali rhulirhwachijira maruba g'enjira omu buli murhima g'omuntu embere za Nyamuzinda . ³ Akab'ogu Mwazi gwerhu g'obuholo nguchishukir'echitambara, gushukirwe oku balala baherere. ⁴ N'oku barhayemerere na Lyangombe wabo wagano mango amalire kuhumy'obwenge, yinji barhabona obumoleke bw'ogu Mwazi gwinja gwakolera gw'obukuze bwa Kristu oli shusho lya Nyamuzinda. ⁵ Rhurhali rhwa chiyigiriza rhwenine, rhulirhwayigiriza Yesu Kristu Nahano na rhunali rhwabayirika bakozi enyanya za Yesu. ⁶ Bulala Nyamuzinda, aderhere: obumoleke nji bwamolek'omu muzimya! Yekolezez'omu mirhima yerhu arhuh'obumenyi bw'obukuze bwa Nyamuzinda emalanga ga Yesu Kristu. ⁷ Rhuheker'obu buchire omu mibiri y'obudaka, y'emisi mikulu ehabwa na Nyamuzinda, s'arhali rhwabo. ⁸ Rhulifundezwe enyunda zoshi s'aliko rhurhashwekerwe, rhugwerhe entanya s'aliko rhurhahimirwe. ⁹ Rhulibuzwe, s'aliko rhurhakabulirwe, rhushurhirwe s'aliko rhurhaherere; ¹⁰ Rhuhekere ngasi mango olufu lwa Yesu omu mubiri gwerhu, y'akalamo ka Yesu kachiyerekana omu mubiri gwerhu. ¹¹ Bulala rhwerhulamire, rhuhanirwe buzira kuleka enyanya z'olufu lwa Yesu, ya kalamo ka Yesu kachiyerekana omu mubiri gwerhu g'olufu. ¹² Nantyo, olufu yilwakola omu kagarhi kerhu n'a kalam'omu kagarhi kenyu. ¹³ Na nk'oku rhuherh'omuka muguma g'obwemere guderherwe guno mwazi gw'olwandiko: Nayemerere; chechirhumire naderhere! Rhuyemerere, chechirhumire rhwaderha, ¹⁴ Rhuchimeny'okowafulaga Nahano Yesu nj'arhufula haguma na Yesu na nj'arhuyerekana haguma nenyu embere zage. ¹⁵ Bulala ebyo byoshi byahika enyanya zenyu, y'obubabale omu kuchikuba, bulug'oku bukuze bwa Nyamuzinda, ebijiro by'obukuze byo lubaga lunene, ¹⁶ Chechirhumire rhurhachikag'entege. Na mang'omuntu werhu w'embug'eyakafa, eyakashandala, alik'omuntu orhulimo aba muhyahya buli lusiku. ¹⁷ Bulal'obubabale bwerhu bugeke bwa gano mango yibwaburha, kurhaluka buli luganjo, obulemere n'obukuze bw'esiku na mango, ¹⁸ Bulala yirhwalola, arhali kw'ebintu bibonekene, s'alik'oku birhabonekene, bulal'ebintu bibonekene birhalegama, n'ebirhabonekene biba by'esiku na mango.