¹ Naliganizize omu kagarhi kani oku ntachigaluk'emwenyu n'omugayo ² bulala nkola nabagayisa, ndewakashuba kunsimisa, changwa arhali olala nagayisaga? ³ Nayandikire nk'okunabijirire yintagala kushimana omukuhika kwani, omugayo okulunda lwabalala bali bagayisizwe kump'obusime, bagwerhe omukagarhi kenyu mweshi obushinganyanya ok'obusime bwani buli bwenyu mweshi. ⁴ Biri omu mugayo gwani gunene, omurhima guvunikire, haguma n'emiziga minene yinabayandikire, arhali mpumugayiswe s'aliko mumeny'obwira bunene mbaherheko. ⁵ Ey'omuntu akaba mpanvu y'omugayo, arhali nyagayisize, aliko mweshi, oku bugeke amabagayisa mweshi. ⁶ bihemere oyumuntu ahabw'obuhane, ahabirwe nabanene, ⁷ yimugala kumubabalira n'okumuyinginga y'arhagayiswa n'akahinda kanene. ⁸ Nji nabahema oku mujir'ebijiro by'okumusima. ⁹ Bulala nabayandikire omu kubahira, omurhangulo akaba mwakakenga mubuli chintu. ¹⁰ N'obo, eyi mwakababalira oyo muntu nji namubabalira nani, nechi nababalire, nakaba nababalir'echintu, eri 'nyanya zenyu, embere za Kristu; ¹¹ yirhurhalekera Lyangombe obushobozi okurhwabano bulala rhurhahabir'emigabi yage. ¹² Okubiyorhere, amango nahikag'e Trowa enyanya z'omwazi g'obuholo gwa Kristu, nachiro Nahano anchigulir'olunvi, omuka gwani gurhahumukaga bulala ntalibwene Tito mwenewerhu; ¹³ che chirhumire, nchimala kubaleka, nagend'e Makedoniya. ¹⁴ Koko emwa Nyamuzinda, orhuha kuhimana ngasi mango omukagarhi ka Kristu n'okurhuha kw'empumulo y'obumenyi bwage ngasi hoshi! ¹⁵ Oku ntyo, rhuli mpumulo nyinja ya Kristu e mwa Nyamuzinda, omu bachungukire n'oku bantu baherere. ¹⁶ Oku baguma, empumulo y'olufu, oku bandi empumulo y'akalamo. Nande w'akayeneza kw'ebyo byoshi? ¹⁷ Bulala rhurhahindamwir'omwazi gwa Nyamuzinda, nk'okw'abanene bakola, s'aliko haguma n'okunali, okulunda lwa Nyamuzinda yirhwaderha omu kagarhi ka Kristu embere za Nyamuzinda.