¹ Mbage, Yusuf na kawodo arona amana, na ngi'o monno na dekkiwa. ² Yusuf napatukandi atana, haida ata manurra, a sobbarai a mbou wangi amana. Nyawe, ngara doterra a sobbarakaini a mbou wangi ne kamatena Yakub. ³ Pata kambullu loddona parema nda mba pawillingge, orona ne nggaina rapa parema mba sobbarai a mbou wangi; monno ata Mesir akkalalluni Yakub ne pittu kambullu lodona. ⁴ Ne mbanna mambawe rapa kalallunda, kahinnangge Yusuf mbarra ngarra kuwa ata 'botona Firaun, "Mbakku kolekongge 'ate manawaramu, tulu tekki nawe Firaun: ⁵ 'amagu na ndengngi waga mbakku aurangga: "Mate mbanggo, nyaka tane wa'ingga na odi pakoda mbagu ne'e Kanaan. Tane wa'ingga ne'e. "Nyaka, pakalokowangga monno kaku tane wi amagu, mbage kaku waliangga." ⁶ Hinnage Firaun, "Kakowu monno tanewi amamu ndekungge patekkina kau lummungge." ⁷ Nyaka, Yusuf na kako pataneni amana. Ngara kuwa atana Firaun, lapatta rato-rato a ne mandi'i na lapatta ngara kuwa rato-rato tana Mesir, a palolo ndengngani Yusuf. ⁸ Ngara kuwa ata a wa'ina umana Yusuf na marengnga ndenga ndommondi monno ngara kuwa katonga ndananda anguana, monno ngara 'du'da'dina amana; netti kuwa ndi, nyakiddona lakawa monno ranga pa'ndunkada ne Gosyen. ⁹ Amarengnga ndengnga ndommondi serdadu-serdadu a ndara monno dokara-dokara patauna nyawe ngara kuwa ata pakodo kanna luwa langutakana. ¹⁰ Kalengana pandukki ne tana Goren-haatad, ne'e mbali Yordan, a kalallu langngu takka monno a milla ndengngangge. Ne pandou, Yusuf na kalalluni amana ne'a pittu lodona. ¹¹ Tengngarra ni'indi ata Kanaan a etawe ne kalalluda ne Goren-Haatad, ka hiddangge, "Ne nyaba kalallu a allu pongngu mbarrada ata Mesir." Ne kanyawe, ne pandou mbarra Yordan a pangara ngge Abel-Mizraim. ¹² Mbage, ana-ana Yakub a ndeku ngge papana'uda mbarrada. ¹³ A ngindi na kamatena Abraham ne Kanaan monno a tane wa'i ngge ne labonga a ne'i na oma Makhpela, papagobbada Mamre, pa wo'i na Abraham ngga'i ka pandou patane wa'ie wali Efron, ata Het. ¹⁴ Lengnganapa tane ni amana, Yusuf na wali tana Mesir napa lolo ndengngandi anguana monno ngara kuwa ata a kako marengnga ndenganni mba taneni amana. Anguana Yusuf Enga Mandauta Poddawi ¹⁵ Tengngarra anguana Yusuf mba podda ngge na amada mbanna mate, nyaka hiddage, "Peipata konna Yusuf mbanna bondala karodduka ate monno mbanna tau ngge tangana ngara kuwa a mbokkala ne palengnga parawi ndani?" ¹⁶ Nyaka, a ngindi nawe pana'u mbarra Yusuf. Hidda ngge: "Mba ndanna mate po amamu na pana'u mbarramu. Nya kahinna ngge' Tekkina Yusuf, panderrawi pandengngada anguamu monno parawi nda oroda mba rawi ngge a ndengnga ne tou ndetamu. Nyawe, ngga'i ku pa'derrawi ngara 'ndengnga nda lima wa'i nda Allah amamu." Na ngi'o Yusuf mbanna rengngewi patekki nda anguana mbarrana. ¹⁸ Nyaka, anguana Yusuf ammi ndi a kawodo arona. Kahidda ngge "Etako ama, ne yamme atamu." ¹⁹ Nya, kahinna 'ndi Yusuf mbarra nda, "Nda mandauta kanna! Mori Allah waganya?" ²⁰ Hinna takkawe ne yemmi mbi kambu ngge ne a mbokala mbarra nggu, takka Allah na pa 'da'di' ngge a ndua; ngga'i kaku kole ngge appawe a 'da'di mba hinna ne'e, pamanumarawe tolekana ata mangeda. ²¹ Nyaka, ndu mandauta kanna. Ne youwa enga ndongge mbakku karawami monno ana-anami." Ne nyawe Yusuf mbanna pamalena ndawe ate nda anguana monno naparadaka wekkina mbarra nda. ²² Yusuf engani ne Mesir pangngu mandi'i na amana. Ne toleka 'da'di na ne a gaina ngau kabullu ndouna. ²³ Yusuf na eta pu umbu na a katouda na wali ana-ana na Efraim. Lappata ana-ana na Makhir, anana Manasye, na lira pu Yusuf. Matena Yusuf ²⁴ Mbage, hinna ngge Yusuf mbarra anguana, "Ne loddo mate nggu yodi po. Takka, Allah enga ngge mbanna pa atemi monno na ngindi mbali mi louso wali ne wanno monno tanah papana 'da'di na-Mi mbanna wai ngge aura , mbarra Abaraham, ishak, monno Yakub. " ²⁵ Yusuf na ndengngi wi ana-ana Israel aura ndengngandi. Kahinna ndi, "Allah enga ndongge mbanna pa'ate mi. Orona ahinnana, mba' langge ngindi gaddi ruwi nggu louso wali ne tana." ²⁶ Nyaka, Yusuf na mate ne tana Mesir ne mba ngau kambullu ndouna. Monno, mba lengnge pawolokana kamatena, a mbondala wa'i ni ne iya peti tana Mesir.