¹ Takka, Israel na ngindi kuawi ngarra kuwa pakolena monno kanittini. Ne banna dukki Bersyeba, napa ngara kaidi marakana mbarra Maramba Allah pa nombana Ishak, amana. ² Hitti gek'de'e, Maramba Allah napa newe dengngani Israel ledena kana'ga nippi, " Yakub, Yakub." Na wale Israel, We Mori." ³ Mbage, "Kahinnage Maramba Allah, Allah na amamu. Damma do'utakana mba kako Mesir enga n'doge mbaku marengngawu monno kabali bangsa kalada. ⁴ Ne Yowa hitti kaidoga Mesir mbakku marengngawu, monno Ne Yowa enga dommo doge mbakku palousagu wali wa'i ne'e. Ne Yo'u engnga mate wa'imu ne'e, takka limma douna Yusuf na todi gudi matamu ne mba mate." Israel itti'di Mesir ⁵ Yakub na dungdakage Bersyeba monno napa kitage pakakona netti Mesir. ana-ana Israel, marengngani ama'da, mawinne'da, monno ngarra kuwa ana'da itti dokba'di Mesir. A dekuna kareta payana Firaun. ⁶ Monno ne hik'da angindiwi ranga'da monno ngara kuwa ngawu-ngawu 'da pakole'da nemi tana Kanaan. Yakub netin'di Mesir monno ngara kuwa katonga ndanana. ⁷ Olena ni'a wain'di ana-ana monno umbu-umbuna kabani monno mawinne. Ngara kuwa katonga ndanana akako ndobba. katongadanana Yakub ⁸ Hikdadona ngara da ana-anana Israel monno katonga 'danana a kako Mesir palolo dengngana: Ruben ana bo'dinai Yakub. ⁹ Ana kabani na Ruben: Henokh, Palu, Hezron, monno Karmi. ¹⁰ Ana Kabani na simeon : Yemuel, Yamin, Ohad, Yakhin, monno Zohar. monno wa'idomoni saul, a 'dadi wali mawinne kanaan. ¹¹ Ana kabani na Lewi : Gerson, Kehat, monno Merari. ¹² Ana Kabani na Yehuda : Er, Onan, Syela, Peres, monno Zerah. Er monno Onan a mate ba neepundi tana Kanaan. Ana kabani na Peres: Hezron monno Hamul. ¹³ Ana kabani na Isakhar : Tola, pua, Ayub, monno Simron. ¹⁴ Ana kabani na Zebulon : Sered, Elon, monno Yahleel. ¹⁵ Ruben, Simeon, Lewi, Yehuda, Isakhar, monno Zebulon hidda dona ana na Yakub a wali Lea mawinnena. Lea napa ana ne'e Padan-Aram. Nyaka i'na waini ana mawinnena angara na dina. Wa'i di atouda kambullu touda ata katonga danana. ¹⁶ Ana kabani Gat : Zifyon, Hagi, Syuni, Ezbon, Eri, Arodi, monno Areli. ¹⁷ Ana kabani Asyer : Yimna, Yiswa, Yiswi, Beria, monno wotto'da angarana Serah wa'i kai'ni anana Beria angarana Heber monno Malkiel. ¹⁸ Hidda ngara kuwa ana-ana'da Yakub awali Zilpa ata mawinne papawede payana Laban mbarrana Lea, anana, nyaka kambullu ennewa ata ne katonga 'danana. ¹⁹ Ana-ana na Yakub a walina Rahel, mawinena nyadona Yusuf monno Benyamin. ²⁰ Ne tana Mesir wa'i dommo'di adwada ana kabani Yusuf, angarana Manasye monno Efraim. mawinnena Yusuf ngarana : Asnat anana Potifera, imam ne tana On. ²¹ Ana kabani na Benyamin : Hikdadona Bela, Bekher, Asybel, Gera, Naaman, Ehi, Rosy, Mupim, Hupim, Monno Ared. ²² Nyaduwi ana kabani na Yakub wali mawinnena Rahel. Wa'i'di akambullu pata ata aia katongadana. ²³ Ana kabani na Dan nyadona Husim. ²⁴ Ana kabanina Naftali nyadona : Yahzeel, Guni, Yezer, monno Syilem. ²⁵ Nyaduwi ana-anana Yakub monno Bilha. Bilha ata papawedewa pa yana Laban mbarra anana Rahel. wa'i'di a pittu ata ne'e katonga danana. ²⁶ Mange'da na ata na Yakaub anetina tana Mesir enne kabullu ennewa ata, , mawinne ana-anana Yakub ndappa kiraki mange'dada. ²⁷ Yusuf wa'i dommo pu'idi ana kabanina adwada ne Mesir. Monno adwada umbuna, Nyaka kama nge'da katonga danana Yakub nee tana Mesir pittu kabullu wa ata ngara kuwana. Israel Nadukki Mesir V 28 Yakub napa tuka ulluni Yehuda mbatakboka Yusuf, ga'i na Yusuf kanna patutuni lara a aro Gosyen aro Yehuda. Mbage, Yakub monno katonga ndanana apa deku lira hetti Gosyen. ²⁹ Yusuf nappandege mba a ameni amana nyaka nappa rekkadi keretana louso patakbokana Israel, amana, Gosyen. Nebana etawa Yusuf. na amana, nawapona'i bukuna ngi'o a ga'ina mando'ina. ³⁰ Mbage, Israel kahinnage mbarra Yusuf ," Ne bahinnawe ku mate wai'na moli orona mbaku etanguwe matamu monno baku pande'ge ba engapongge lolo nga'umu." ³¹ Kahinnage YUsuf mbara anguwana-anguwana monno ngara kuwa katonga ndana da wadeka. Netti'ga atakboka Firaun kalungguni. Wa'indi angunguwa'gu, amagu monno katonga danagu a ne'ena tana Kanaan wai'ndi ama'i mbarra'gu kalungguni hinnage. ³² nehikda ata madandunguwi akarawa mbe'be, sape monno angindi kuwawi ranganda monno do'uda awali nemme. ³³ Nebana tuwakuni Firaun bana pa'imai mi, ' Appa pawillimi bahinna komi? ³⁴ Walewa, ' Hamba-hambamu nga'i ba bama nda'ga ranga wali pongge bama bo'u po naduke nebahinna, wali ponnge yamme monno ama inna ma ato i na limmingge . Nyaka Firaun napa logami dangngi tana Gosyen orona ata Mesir ndamma dawaki.