¹ Oyjow konad o no likos to ogbaybayjaran to Magbabayjo soyjo no saubka o ki Kristo Hisus. ² So tungod to pogsabuka ta ki Kristo Hisus, ka Espirito Santo to Magbabayjo no ogbogoy to kinabuhi iyan nakapaawo kanta poon ti Balaod no nigbogoy to Gahom to Salo no diyo ogpangkos to kamatyjon. ³ Kono ki igpakaawo to balaod poon to gahom to salo so mahoyang ki tongod to makasasalo no lawa ta. Nokoy naa inhimo to Magbabayjo ka kono ogkoymo to Balaod. Inpoondini din ka Anak din no duo lawa iling to otow no makasasalo oyjow igpalangusa to salo ta. No pinabayjo to lawa din, nakaawwo ki poon to gahom to salo. ⁴ Oyjow ogkatuman kayi to kanta ka matarong no sugo to Balaod. So waro kid nig paruma-ruma to makasasalo no lawa ta, to kono, to Espirito Santo to Magbabayjo. ⁵ So soyjo no nig parum-ruma to makosasalo no lawa dan. Nokoy naa soyjo nig pa ruma-ruma to Espirito Santo to Magbabayjo, iyan dan ug sumsumanon ka maroyjow din. ⁶ Emon ko iyan diyo dapit to sumasuman to otow ka maroyjow to lawa din no makasasalo, diyo sika ugpangkos to kamatayjon, koy naa umon ko iyan diyo dapit to sumansuman din ka Epirito Santo to Magbabayjo, ug ka oyjoag sikandin to waro ugtamanan hoy duo karoyjawan. ⁷ So kuntuo to Magbabayjo ka otow no iyan diyo dapit to sumansuman din ka maroyjow to lawa din no makasasalo, so kuno kandin ug tuman to balaod hoy kono iya sikandin ug paka tuman kayi. ⁸ No soyjo so nig paruma-ruma to maroyjow to lawa dan no makasasalo, kono kow ugkasipod to Magbabayjo. ⁹ Nokoy naa, waro kow o nig paruma-ruma to maroyjow to lawa niyo no makasasal, ko kono, iyan niyod inpaarumdumahan ka Espirito Santo to Magbabajo ko duon o sikandin tokan niyo. Nokoy naa ka agad hontow no waro ugpoi to Espirito Santo to Magbabayjo, kono no si Kristo. ¹⁰ Nokoy naa duon on si Kristo to kaniyo, agad ugkamatoy ka lawa niyo tungod to salo, ogkaoyjag to dod ka Espirito Santo niyo tungod so in-isip kow no matarong to Magbabayjo. ¹¹ Ka magbabayjo ka nig oyjag ki Hisus. No umon ka ko duo o to kaniyo ka Espirito to Magbabayjo, ug oyjagon din dugma ka lawa niyo no ugkamatoy pinabayjo to Espirito Santo din duo to kaniyo. ¹² Oyjow mo solod, duo kinahanglan ug tumanon ta iyan, nokoy naa kono no sika so maroyjow to lawa ta no makasasalo. ¹³ So omon ko ug paruma-ruma kow to maroyjow to lawa niyo no makasasalo, ugkamatoy kow iyo. Nokoy naa ko ug pognolon niyo ka hinimuwan no maroyjow to lawa niyo pinabayjo to bulig to Espirito to Magbabayjo duo umol niyo no waro ugtmanan. ¹⁴ Su ka tibo no inpanulo to Espirito to Magbabayjo, mo anak sikandan to Magbabayjo. ¹⁵ So waro kow bugayji to Espirito to Magbabayjo oyjow ug uriponon hoy ug liyanson, ko kono, oyjow ugkoyimo no mo anak to Magbabayjo. Sika ka ugpuonana no ug pakarawit kid o kandin to “Amoy” ¹⁶ Ka Espirito to Magbabayjo duma to Espirito toka ug pamalugotan no mo anak ki iya to Magbabayjo. ¹⁷ No poon so mo anak kid to Magbabayjo ug paka dawat kid to panalangin duma ki Kristo. So omon ko ug antos ki iling ki Kristo ugpakasawit kid dugma to katusan din. ¹⁸ Ko ug sumsumanon ko ka mgo pag antos ta kuntuon, waro do naka aldow-aldow to katulusan no inpakita kanta ko uromo. ¹⁹ So agad no ka tibo no inhimo to Magbababyjo konad ugpokogtuil ka ug tatagad no igpakita o to Magbabyjo ka mo anak din. ²⁰ Agad kono ugkaroyjowan ka tibo no inhimo to Magbabayjo nokoy naa indilos din soini tibo.no agad iling duo, duon dod ugkapanatong. ²¹ So oghinguma ka timpo no igpawwo din dod poon to pogkauripon to kamatayjon ka tibo no inhimo din oyjow ogpakasawit dod to matulos no kaligwangan to mo anak to Magbabayjo. ²² Naka nong-nong ki no ligkat dungan taman kuntuo, nig agulo to kasakit ka tibo no inhimo to Magbabayjo iling to malitan no ogbaliliton. ²³ No kuno nu sikandan du, so agad sikanta so nig alawwat to Espirito to Magbabayjo no iyan ka an-nayjan no gasa kanta, nig agulo ki dogma tagood to ogtatagad no oglokatan din o ka mo lawa ta nu iyan palinno no og-an anakon kid to Magbabayjo. ²⁴ So sika ka inpadatong ta poon to naluwas kid. Nokoy naa konad ogpadatong ka duo o. so nokoy naan pad ka ogpadatong omon. Ko duon o? ²⁵ Nokoy naa omon ko ogparatong ki to waro pad duo, kono ki ogkapolahan no ogtatagad. ²⁶ Iling naan dod duo, ogbuligan ki dogma to Espirito to Magbabayjo to kahuyo ta. Kono ki ogkatoo ko og omonowon to og ampo to olog no paagi, nokoy naa ka Espirito to Magbabayjo ka og onoy-onoy ogpangamonoy to Magbabayjo para kanta, duma to pog agolo no konad igkalalag. ²⁷ Ka Magbabayjo no maka nong-nong to suman-suman to mo otow, naka nong-nong dogma to sumansuman to Espirito din, so nigpangananoy sikandin sumalo to pog boot to Magbabayjo para to koot-otawan din. ²⁸ Naka nong-nong ki no ka tibo no ogkoytabo, oghimuwon sika no maroyjow to Magbabayjo para to soyjo so niggoynawaan kandin no inalam din sumalo to igkaroyjow din. ²⁹ Soyjo so tapos din o in alam, din tapos din o sikandan inloin no ogpokoiling to anak din oyjow ogkoymo sikandin no kinakakayjan to tibo no tagtaasolod. ³⁰ No soyjo so tapos din o inloin , in alam din dogma, hoy soyjo so in alam din, in-isip din no matarong. No soyjo so in-isip din on matarong,inbogayjan din to karojaywan to anak din. ³¹ Na, nokoy naan o ka igkalalag ta moytungod kayi? Omon ka ogparapig kanta to Magbabayjo hontow naa ka ogpakig atokanta? ³² Waro sikandan nan nangunan to anak din hoy nasi din igbogoy sikandin para kanta tibo. Ogkaayjon na dogma no kono ki sikadan ogbogayjan to tibo no ingkinahanglan ta? ³³ Hontaw naa ka olog no ogsombong to mo otow no in alam to Magbabayjo? Waro, so ka Magbabayjo ka nig isip no matarong o sikandin. ³⁴ No hontaw naa ka ogpaka kagi no olog ki no oglogparan? Si Kristo Hisus naa no nigpakigmatoy nokoy naa no oyjog dod hoy diyad man o ka ogpangamonoy to Magbabayjo? Sikandin man o ka ogpangamonoy to Magbabayjo para kanta. ³⁵ Nokoy naa ka ogpaka hondiyo kanta. Poon to goynawa ni Kristo? Ka kalasayjan naa hoy koyrapan, ka mo pogbayjad bayjad naa? Ka gotas naa hoy waro kokombaloo, ka pogsagap hoy ko. Kamatayjon naa? ³⁶ So sumalo to kasulatan, “Tungod koykow.duon hoy layjonto tangkaan to kamatayjon, hoy nokoiling koy to mo karniro no og galingon. ³⁷ Nokoy naa agad pad duo tibo, waro ogpakatalo kanta so ogpanolo ki iyan pinabayjo kandin no nig goynawa kanta! ³⁸ So naka pamalogot a. no agad ka kamatyjon hoy ka kinabuhi, ka mo panaligan hoy ka mo busow hoy ka mo duo. Dahom hoy ka oyjow nokoy naa kahid-o hoy ka oghing-nguma pad, kono ogpakariyo kanta puon to goynawa din. ³⁹ Agad ka diyo to ampow hoy diyo to diralom, hoy ka tibo no kayi to kalibutan, kono iya ogpaka padiyo kanta puon to goynawwa to Magbabayjo.