¹ Koy naan ka inpamatbat ta? Ignangon ki naa ka ug himo to salo oyjow binasbas ug dakol ka maroyjow hoy kohid-o to Magbabayjo? ² Kono! So moyitungod tu salo, no koy iling to nighimatoy kid duo hoy kono kid duo hoy kuna kid ugpabulos ug himo to salo, ³ nanung-nongan niyo sikanta tibo so nabuwutismohan on nu nu sagbuka o duo ki Kristo Hisus, in isip kid no naka lagkos dogma kandin to pog himatoy. ⁴ So to nabawutismuhan kid o, naka lagkos kid ki Kristo to inglubong oyjow ug ugpo kid dugma to iyan no kinabuhi iling to pogka oyjag ni Kristo pinabayjo to kaduson toka Amoy. ⁵ So umon ku naka lagkos kid kandin to pog himatoy, ugpakalagkos kirod man o to pog oyjag din. ⁶ So na nong-nongan ta no inlasang on to krus ka tapoy no pog ka otow to duma kandin oyjow ugka duotan o ka lawa ta no makasaslo hoy kuna kid o ogkaoripon to salo. ⁷ So kunad ug utungan to salo ka otow no nighimatoy o. ⁸ No omon ka naka lagkos kid ki Kristo to nig himatoy, ug palintutu-u ki no ug ka lagkos ki dugma to kinabuwi din, ⁹ So naka nong-nong ka no kunad ugkamatoy pad ug aboy si Kristo poon so in oyjag din o hoy kunag sikandan ug utungan to kamatayjon. ¹⁰ So kasagbuka ro sikandin nighimatoy oyjow to pog-awwo to salo hoy konad ogka aboy pad oyjow ka pog ampo din kuntuon para to pog pakamatoy to Magbabayjo. ¹¹ Oyjow is-isipa niyo dogma no nokoy iling to nighimatoy kow o hoy konad ogpakasalo “Nokoy naa no oyjan kow oyjow ug pamatoy to Magbabayjo tungod to pogsagbuka niyo ki Kristo Hisus. ¹² Sikan naa, kuno niyo paoyjo-oyjoni ka salo no ug mando kaniyo oyjow kono kow ugpaka ruma-ruma to maroot no maroyjow to lawa niyo. ¹³ kono niyo pa oyjon-oyjoni no ug paka salo ka oyjow no nokoy baad to lawa niyo, ko kono, pa ayjon- oyjoni niyo ka Magbabayjo no ug gamit to lawa niyo isip mo otow no namatoy nokoy naa in oyjag o. no inpagamit niyo to Magbabayjo ka intiro no lawa niyo to matarrong no hinimuwan. ¹⁴ So kasalo, kunad ug mando kaniyo tungod so waro kow nadiralom to balaod, ko kono, nadriralom kow on to kohid-o. ¹⁵ Nokoy naa o, ug mokoyimo ki naan dod to salo, so waro ki nadiralom to balaod ko kono, to kohid-o? Kono! ¹⁶ Waro kow bos naka tanga no omon ko ug paka uripon kow to songo otow isip matinumanon no uripon, Sikandin iya ka agalon niyo? Sikan naa, omon ko ug pakarayjon dayjon kow salo, uripon kow iya to salo no diyo ug pangkos to kamatayjon. No omon ug po uripon kow oyjow to pog tuman to Magbabayjo ug koyimo kow no matarong. ¹⁷ Nokoy naa nig pasalamat a to Magbabayjo so sikaniyo so no uripon dungan to salo, malagot no nig patinumanon o kuntuo toka malugotan no inpanulo kaniyo. ¹⁸ Naka awwo koy o poon to salo hoy noyimo no uripn to pog kamatarong. ¹⁹ Iyan ko ingamit ka pagonsilingan no magaan duo ug kasabot, so malobod pad ka isip niyo, inpadayjon dayjon niyo dungan ka intiro no lawa niyo to maligsom hoy panamantaman kow nig himo to madoot. Nokoy naan kuntuo, inpadayjon-dayjon niyo ka intiro no lawa niyo to pogkamatarong oyjow ug maka tulos kow. ²⁰ So kono kow pad dungan no uripon to pog kamatarong to no uripon kow pad to sako. ²¹ No nokoy naa kamaroyjow no ugka angoy niyo to maduot no nangimo niyo dongan no igkasipod niyo kuntuo? Waro iya so kamatayjon ka ug pangkusan duo. ²² Nokoy naa kuntuo to naka awwo kow poon to salo hoy noyimo kow o no uripon to Magbabayjo, kamaroyjow ugkaangoy niyo iyan ka pog ka matulos no ogpangkos diyo to kinabuhi no waro ugka tamanan. ²³ So iyan bayad to pog himo to salo ka kamatayjon nokoy naa iyan Gasa to Magbabayjo ka kinabuhi no waro ugkatamanan tungod to pog sagbuka ta ki Kristo Hisus no Magbabayjo ta.