¹ Sikan na-an nanginso a: “Inbalagad na-an to Magbabayjo ka kaot otawan din no mo Hudiyu? “Waro iyan! Su agad kanak, Hudiyu a nahun a no kabuwaran ni Abraham, hoy sakup to tiribu ni Binhamin. ² Waro balagara to Diyus ka kaot otawan din no inpili on kandin. Nataga kow to inkagi to kasulatan mayitongod ki Ilyas to duon nigpohuhuy-o kandin to Diyus batuk to Israil. ³ Nigkagi kandin, “Magbabayjo. Inhimatayjan dan ka mo purupita no hoy inpangguhus dan ka mo altar no. kanak na-an do ka nasamo hoy oghimatayjan a puron kandan.” ⁴ Di nokoy ka intabak to Magbabayjo kandan? “Duon pad inloin kono pitu no libu(7,000) no mpo otow no waro nigsimba to Diyus-diyus no si Baal.” ⁵ No iling do to soi ka noyitabu kuntoon, duon pad pila pila no mo Hudiyu no inpili to Diyus tongod to kohid o rin. ⁶ Di ko inpili din kandan tongod to kaliyag hoy kahid-u rin, konad no tongod to hinimuwan dan no inpili kandan. Su ka inpili din kandan tongod to hinimuwan dan, kono tad ogkakagi no ogkaliyag hoy kohid-u pad soini. ⁷ Kuntoon, nokoy on? Kono no tibuo0ki Israil ka inpamitow ran, di naangkon soini to sooyjow to inpili to Magbabayjo. Ka duma waro nigtatagd to pogtawag to Diyus ⁸ Sumalo to inkagi to kasulatan, “Inhimo kandan to Magbabayjo nu ogpokoiling to bungol no otow, dou mo mata ran di kono kandan ogpakakita, duon mo talinga ran di kuno kandan ogmakadinog taman kuntuo,” ⁹ Nigkagi si dabid mayitungod kandan “Ogkangarakop puron kanadhoy ogkangasaponan ka ogliblibongon nu oggalo-galo iling to mahintalunon nu nigsaad to Balaod hoy kunad ogpakaawwo” ¹⁰ Ogkangabubut purun kandan oyjow kunad ogpakakita hoy ogkabuktot puron kandan to waro ogtamanan! ¹¹ Koy naan nanginso: ko nakuipo hoy nakaruso ka mu Hudiyo kuno naan kandan ogpakaonow? Kuno, so pinabayjo to pogsupak dan. Naluwas ka kono nu mu Hudiyo oyjow ogkasukol. ¹² No ka pog supak hoy pog saap to mu Hudiyo ogpa kabogoy to kaliyagan to tibo nu.kunu nu mu Hudiyo kayi to Ampow to Tano, hoy pa iyan mohon-in do ka mu Hudiyo no ogpalintutuu. ¹³ Kuntoon ognangonan ku kaniyu su kono no mo Hudiyu, Apustulis a oyjow ogpamatbat a diyo to kaniyu, hoy indakolan ko soin no himu. ¹⁴ Oyjow ogkaimma ka duwa ku no mo Hudiya hoy sikan ka paagi no ogkaluwa ka duma kandan. ¹⁵ So ka pog-inniyog to Magbabayjo to mo Hudiyu iyan ogligkatan no nokog-uli do ka maroyjow no goynawa rin to dums no mo otow kayi to ampow to tano, iyan naan pad iyan ko ogdawaton din do kandan. So ka ogdawaton din do kandan, iyan ogkoilingan to ogparigkasan kayi to pogkaoyjag to minatoy. ¹⁶ Panunggilingan ko duon paan no inhaled ka baad diyo to Magbabayjo. Iling do to malagkos on to poghalad ka samo to paan hoy ko balaan ka dalig to kayjo, balaan daan ka mo sugpang. ¹⁷ Iyan panag-ilingan to mo Hudiyu ka pinanamula no Ulibu no inpamungulan to duma no mo sugpang. No kaniyu so kono no mo Hudiyu, ogpokoiling kow to mo sugpang to Ulibu no inpanugpat diyo to lawa to pinamula no Ulibu hoy nakadawat kow on to karoyjawan to kinabuhi to mo Hudiyu. ¹⁸ Di kono now sumansumana no masa maroyjow kow pad kono to mo sugpang no inpamungal, sumsumana now ko kaniyu dugpang do kono no kaniyu ka nigbuhi to dalig, ko kono ka dalig iyan ka nigbuhi kaniyu. ¹⁹ Di ogkagi ka, “Hoo, di inpamungol sooyjo no mo sugpang oyjow ogpakasugpat koy subal kandan. ²⁰ Tutuu sikan, inpungol kandan tongod so waro man kandan nigtuo, diwaro ka pungola tongod to pogtuu nu. Di no soin ipahambog, koy naan kono kow pakotul, ko kono kahaldok kow. ²¹ Ko waro kohoy-uwi to Diyus ka tutu no mo sugpang, nigsumansuamn ka buwan no ogkohoy-uwan ka rin? ²² Ogpitow ta kani ko nokoy karakul ka kohoy-u to Magbabyjo hoy ka kabulut din, mabulut Kandin to sooyjo so nigsupak, di kaniyu ogkahoy-uwan kow Kandin ko ogparayjon kow ogsalig to kohoy-u rin. Su aman ko kono, ogpamungulon kow rod. ²³ No sooyjo so mo Hudiyu no konad ogpakugal-kugal su ogsalig on to Magbabayjo oglibod Din do kandan igpagsumpol su ogkoyimu sikan to Magbabayjo. ²⁴ Ikow no kono no Hudiyu iling to sugpang to Ulibu no inpungol, igkasumpol kono kandin diyo to pinamula no Ulibu. Iyan din pad iyan kono igkasumpol do ka tutu no mo sugpang kayi. ²⁵ Mo suwod, ogkaliyag a no ogkatagahan now ka kamatuoran no waro pad matagahi to mo otow, oyjow kono kow ogmakapagarol-garol no iling to hontow kow iyan. Ko pogpaduson to mo Hudiyu ogligad do hoy taman do to higayon no makumplitu on ka karakulon to mo kono no Hudiyu no ogtuu Kandin. ²⁶ No ligkat duon, ogkaluwas ka tibo no kabuwaran ni Israil, su sumalo to ansulat to kasulatan, “Diyo ogligkat to Siyun ka Manluluwas, og-awoon din ka maroot no hinimuwwan to kabuwaran ni Hakub.” ²⁷ No ogkatuman iyan ka kasabutan ko nahun-a kandan no og-awoon ko ka mo salo dan. ²⁸ Tongod su inbalagad dan ka maroyjow no batbaton, ka mo Hudiyu nayimu kandan no kuntoere to Magbabayjo no iyan nakabulig kaniyu. Di moyitongod to pog-alam kandan to Magbabayjo. Indakolan din di kandan to goyinawa ligkat to saad din to kaap-apuan dan. ²⁹ Su kono iyan ogkabalbalawan ka sumansuman to Diyus moyitongod to panalangin hoy pog-alam din. ³⁰ Kaniyu so kono no mo Hudiyu, nigsupak ka nahun-a to Magbabayjo di kuntoon inkahoy-uwan kow kandan tongod daan makadawat to kohoy-u to Diyus. ³¹ To soin no paagi tongod to kohuy-o no narawat now, ka mo Hudiyu nigsupak to Diyus oyjow kandan daan makadawat to kohoy-u to Diyus. ³² Su inhimu to Diyus ka tibo no moo tow no masinupakon oyjow igkapapitow rin ka kohoy-u rin kandan tibo. ³³ Amana no matugbung ka Magbabayjo to kohoy-u hoy amana no dakol ka katounan din hoy ka kalam. Waro ogpakatirow to mo palanu rin hoy waro ogpakasabut to mo paahi rin. ³⁴ Su nasulat to kasulatan no nig-iling, “Hontow naan ka nataga to sumansuman to Magbabayjo? Hontow naan ka ogmakapanulu kandin to tutu no oghimuwon? ³⁵ Hontow naan ka nakabugoy kandin to agad nokoy? No kinaanglan no ogbalusan din? ³⁶ Su Kandin ka nighimu to tibo hoy ogbuot kayi. Nayimu ka tibo oyjow ogkaroyroy kandin. Ogdayjanon Kandin to waro ogkatamana! Amin.