¹ Mo sulud, ogdumun ko to tibuok ko no untung no ogkaluwas ka duma ko no mo Hudiyu, hoy in-ampu ko to Diyus. ² So titigus a no hugut ka pogdayjan dan to Diyus. Di kapog dayjan dan hoy waro nokoi su topog dayjan. ³ Su waro kandan nakanongnong to pogkamatularong no puun to Diyus, hoy nasi kandan nigparagasdagas to kandan no paagi oyjow ogkamatu8ralong hoy waro kandan nigtuman to paagi to Diyus. ⁴ Su duon taman ki Kristu ka balaud oyjow ka sagboka no otow no duon pogtuu isip no matularong to Diyus. ⁵ Nigsusulat si Muwisis mayitongod to pogka matularong pinabayjo to pogtuman to balaud? “Ka otow no nig-ikul to balaud og kaoyjag to balaud.” ⁶ Di nasulat to kasulat ka mayitongod to pogkamatularong pinabayjo to pogtu-u, “Kona ka inso to kaugalingon no, hontow ka og hondiyo to langit? To kanta pa ogluno ki Kristu. ⁷ Hoy ko hontow kag luno diyo to hadis? “To kanta pa oyjow og oyjagon si Kiristu. ⁸ Su sumalo to kasulatan, “Marani koykow ka kalag to Diyus dani to pusung to kanta pa, ka lalag to pogtu-u no pigwali. ⁹ Ogkaluwas ka kong tu-u ka ki Hisus no iyan Magbabayjo, hoy to pusung no nigtu-u ka no pig-oyjag kandin to Diyus. ¹⁰ Pigyimo ki no matularong to Diyus su nigtu-u ki to ligkat to pusung ta iyan hoy ognaluwas ki. ¹¹ Su nigkagi ka kasulatan, “Ka agad hontow no ogtu-u hoy ogsalig kandin, kona iyan ogkoylawan? ¹² Su waro koloinan to mo Hudiyu hoy to kono no Hudiyu. Sabsagboka ro iyan ka Magbabayjo to tibo no otow hoy ogtumpisan din ka tibo no og pangananoy kandin. ¹³ Su sumalo to kasulatan, “Ka tibo no ogpangananoy to Magbabayjo, ogkaluwas? ¹⁴ Di ogmunowon na-an tog pangananoy to mo otow kandin to waro kandan nigtu-u to Magbabayjo, ogkaluwas?” ¹⁵ Ogmonowon na-an to’g panulu to mo otow to waro inpa-alap kandan no’g pamatbat? Sumalo to kasulatan, “To karoyjow to kanig panulu to maroyjow no lalag! ¹⁶ Di kono tibo no otow no nigdawat to maroyjow no batbatonon. Su nigkagi si Purupita Isayas, Magbabayjo hontow kag tu-u to pigpanulu doy? ¹⁷ Koy na-an ka pogtu-u nigligkat to pogpaminog to lalag hoy naguram ligkat to lalag ni Kristu. ¹⁸ Di naginso a. Tutu-u ba no waro kandan nakadinog to lalag? Nakadinog kandan sumalo to kasulatan: No nigtangkap to tibuok ingod ka lalag, naka-uma diyo to ulatan to kalibutan ka mo lalag? ¹⁹ Ogdayjon aro na-an og inso: waro ba nakasabut ka mo kaotawan diyo to Israil? Ka hun a nigtabak iyan si Muwisis no nigkagi: Oghimowon ko kaniyo nog koyima kow to kaotawan no kono no sagboka no nasud. Oghimuwon ko nog kabolo kow to mo nasud no mo bislay? ²⁰ To waro hulus-hulos si Isayas nigkagi: Hikita ato waro namagha kanak. Nigpakita ato soyjow so nigbalagad kanak? ²¹ Di soin ka inkagi rin mayitongod to mo Hudiyu, “Aldow-aldow ka kag pangomow to mo otow no masinupakon hoy konog pakasabut.