¹ Su duon inlukaan to nati no karniru ka igkapitu no silyo, warad iyan daging no ogkarinow diyo to langit to mo liwaro to uras. ² Nakita ko ka pitu no Diwata nigsasasindog diyo to tangkaan to Diyus, hoy inpamugayjan kandan to tigsagboka no trumpita. ³ No duon loin no Diwata no nighinguma no niggungun to taguanan to insinsu no bulawan no diyo nigsasindog to tangkaan to altar. Inbugayjan ran man on kandin to dakol no insinsu oyjow igtimul to pog ampo to mo kaot otawan to Diyus no igpanubad diyo to altar no bulawan no diyo to og katangkaan to turunu. ⁴ No nig paribabow diyo to tangkaan toDiyos kaubol to insinso nonig gongonan toDiwwata hoy indumaan soyjoto mo pog ampo to koot-otawan to Diyos. ⁵ Hoy inkuno on to diwwata ka taguanan to insinso hoy inhipuno din on to hapoy. Ligkat to altarhoy in banggal din diyo to tano. No saguguno, nig dagsang maagbot no lagong hoy duon nig dorahunog, hoynig gutob ka kilat hoy niglilinog pad. ⁶ Hoy nigpangandan on ka pito no diwwata no nang gon-gon to tig sagbuka no trupitaoyjow inpa daging. ⁷ No inparaging to an-anayjan no diwwata ka trumpita rin. Hoy niguran to Ayes hoy hapoy no nasagulan to langusa no naka banggal diyo to tanu. No na tutung ka igkatulo no baad to tano hoy ka moy kayjo, hoy ka tibo no hilamonon. ⁸ No inparaging on to igkarangob no diwwata no trumpita rin, hoy duon ug pokoiling to tatahanon no bubungan no ug ka lugdog no naka banggal diyo to dagat. No ligkat doon, noyimo on no langusa ka igkatatulo no baad to dagat. ⁹ Hoy nangamatoy ka igkatatulo no baad to tibo no ug gugoynawa diyo to dagat, hoy nangagugos ka igka tatulo no baad to mo ontoranan diyo to dagat. ¹⁰ No inparaging on to igkatatulo no Diwata ka trumpita rin, hoy duon dakul no bituon no nig dumil-ow iling to gansa no na olog ligkat to langit hoy diyo nig doog to igka tatulo no baad to wuyig hoy to mo sob-sob. ¹¹ Ma puit ka ngaran to bitoon. No nig ma puit on ka ika tatulo no baad to mo wuyig hoy mo hon-in ka mo otow no namatoy so nig ma puit man on ka wuyig. ¹² No inparaging on to ikahup-at no diwwata ka trumpita rin, no ka nayitabo nasugat ka iggka tatulo no baad to Aldow hoy to bulan, hoy to mo bitoon, koy naan naawwo ka igka tutulo no baad to kalayjag dan, hoy nig marusilom on ka igka tatulo no baad to maaldow hoy ka igka tatulo no baad to marusilom. ¹³ No duon nig kita ko no banog no nig layjang diyo to aw-awangan hoy narinog ko kandin ka nig panamtaman nig panguluyi no nig kagi, mokohoy-u hoy-u naan do iyan! Mokohoy-u hoy-u naando iyan ka nangogpo to kalibutan ko igparaging pad ka nalinggaat no tatulo no ka mo diwwata to kandan no mo trumpita.