¹ Soini ka maroyjow no pamatbaton mahitungod ki Hisus Kiristu no anak to Magbabayjo no nigbunsod. ² Sini sumalo to insulat to Magbabayjo ki puropita Isayas, soini ka sinogo ko no igpaandam ko to ugbayjaan no. ³ "Duon nagiyak diyo to mamara no ingod andama now ka dalan to Magbabayjo, gutong-gutong now ka matul-id no dalan." ⁴ Hoy nabawtismo si Huwan to mo otow diyo to kamingawan hoy ugpanaysay, "Ongkori now kamo salo now to Magbabayjo.” ⁵ To katibabaan no banwa to Hudiya hoy to banwa to Hirusalim nangun diyo ki Huwan oyjow ug paminog kandin. Insugid ka mo sala dan oyjow ug bawtismuhan ni Huwan, diyo to wohig to Hurdan. ⁶ Ka kinabo ni Huwan nighimo ligkat to bul-bul to kamilyu, laplap ka bakus din hoy ka pogkoon dan buron hoy tunob. ⁷ Nigkagi kandin to kaotawan, “Ka otow nog makasundol koddi amana pad gamhanan kono koddi. Kono a no angayjan to pog hukad to sandalyas din. ⁸ Nigbawtismo a kaniyou to woyig di kandin ug bawtismo to Espiritu Santu." ⁹ To soyjo no panawon naka oma si Hisus likat to Nazarit,nasakop to probinsiya to Galiliya, hoy nig pa bawtismu kandin ki Huwan diyo to woyig to Hurdan. ¹⁰ To pogtunga ni Hisus ligkat to woyig nigkita rin ka langit no na abli, dow nig lono kandin ka Espiritu Santu ug ogpokoiling to Salampati. ¹¹ Dow duon lagong no narinog din likat to langit no nigkagi, “Koy kow ka pinalangga ko no Anak, igkaliyag kod iyan koykow no anak ko." ¹² Duon dayjon igpohon diyo kandin diyo to kamingawan. ¹³ No diyo kandin bagla-a ni tanas sulod to kahop-atan no aldow(40). No amana no mabulot no ulod diyo, di intanol do kandin to diwata. ¹⁴ Umba no na piriso si Huwan no tig bawtismo, nighundiyo si Hisus to Galiliya no nanaysay to maroyjow no batbatonon no ligkat to Magbabayjo. ¹⁵ Nig-kagi kandin, "Noko-uma on ka panawon no intano dungan. Magaan on ka poghari to Magbabayjo. Ongkuri now ko mo salo now hoy paminog kow to majoyjow no batbatonon." ¹⁶ Songo aldow to soikan to kamulo nighipanow si Hisus diyo to siwsibi-an to Galiliya, nigkita rin kanig susunod no si Simun hoy si Andris no nigsisigoy, no magsusunod kandan. ¹⁷ Nig-kagi si Hisus kandan, “Duma kow on to kanak so kunad no isda ka ugpamitawon now, ko no ug anaron kod kaniyo to pog pangabig to mo otow.’ ¹⁸ To duon iyan nig-ongkoran din on kamo laya hoy nig duma on kandin. ¹⁹ Pogkapongato sikan, nigparayjon si Hisus nighipanow diyo to kohunaan nigkita rin ka patalahari no si Santiago hoy si Huwan no mo Anak ni Zebedeo diyo pig uliman dan ka laya. ²⁰ Pig-omow kandan ni Hisus. In ongkuran dan pon ka amoy dan no si Zebedeo diyo do ongkuri to balongoy dow ka mo inakat dan no mo otow, hoy nig duma on kandan ki Hesus. ²¹ Nighundiyo kandan to banwa to Capernanaum. To pog uma to sikan no aldow, nigsulod si Hisus diyo to simbaan to mo Hudiyu hoy nan-anad kandin. ²² No inu-inu ka mo otow so doon gawom to pogpanaysay din, hoy kono no iling ka pog pananad to balaod to Magbabayjo. ²³ To mo otow nig limud-limud no doon sagbuka ni nig suloran to busow, hoy nanguloyi. ²⁴ "Hisus no matig-Nazaret waro labot no kanak, nighondini ka hoy to pog lugpad kanami?Noilahan ko koykow, koykow ka matarong noinpaalap to Magbabayjo." ²⁵ Di insaparan ni Hisus ka maddoot no Espiritu, "Onong onong dow libuwas ka kandin." ²⁶ Hoy inpanlonaan to maddoot no Espiritu, no nignaguloyid to mahabot no nig awo-on. ²⁷ No inu-inu ka mo otow diyo. Dow migkagi kandan, "Nokoy soin? Bag-on tumanon?Agad maddoot no ispiritu nu ogpaminog kandin hoy nig paagad-agad kandin." ²⁸ No nakalugob on to mo banwa to galiliya ka mo batbaton mayitongod ki Hisus diyo to gibanwahan to Galiliya. ²⁹ Niglibwas kandan to simbahan hoy nig hundiyo to baloy ni Simun hoy ni Andres. ³⁰ To sikan no timpu, nighibat-hibat ka anugang ni Simun no malitan so naralowan hoy pigkagiyan dan si Hisus. ³¹ Nokoy naan nigdanihan ni Hisus ka naraluwan hoy niggungunan din ka bulad din hoy inpahipanow. Duon on noulian hoy pigpakoon. ³² To pog dangkoy on ka aldow, in alap ka tibo no na daluwan diyo ki Hisus, hoy ka pig panuloran to maddoot no busow. ³³ Mohon-in ka mo otow no soyjo no siyudad no nig limu-limud diyo to tangkaan to baloy. ³⁴ No inpanambalan ni Hisus la mohun-in mo mo otow no nig lulu-in luin no mo dalo no inpanduldul din ka maddoot no Espiritu ligkat diyo to maddoot. Kono dig sugutan ka mo maddoot nog pakakagi so din on. ³⁵ Pogkapawo, nig-umow on si Hisus dow niglibuwas. Nighondiyo kandin to mammara no banwa hoy nig ampo. ³⁶ Inpamungho kandin ni Simun hoy ka karumahan din. ³⁷ Umba no nigkita ran on si Hisus, inkagiyan dan on, “Inpamonho ka tibo no otow." ³⁸ No nigkagihan kandan, "Agpas kow, oghondiyo ki to marani no lungsod oyjow og panaysay a diyo, so soini ka hinungdan to mani’t nig hundini a to kalibutan." ³⁹ Hoy tibo din panasaysayji ka banwa to Galiliya hoy nigpanaysay diyo to mo simbahan to Hudiyu. Inpandugil din ka maddoot no Espiritu no nigluno to mo otow. ⁴⁰ Duon nigdani ki Hisus no kugangon no nig luhod hoy nighoy-u hoy-u, "Ko koykow kag bubuot no’g kaulian a." ⁴¹ Na hoy- si Hesus kandin hoy niggongonan hoy nigkagi, "Huo igkaliyag a no koulian ka." ⁴² Duon iyan naawo ka kugang din, hoy naulian kandin. ⁴³ No impuhipanow on kandin ni Hisus dow inpatahanan din, hoy nigkagi, ⁴⁴ "Kono nu ipamatbat to agad hontow otow, hondiyo ka to talagpanubad, hoy papitow ka kandin no warod ka dalu nu, hoy panubad ka sumalo to insugo ni Muwisis. Oyjow to pog pamalogot to mo otow no noulian kad on." ⁴⁵ Di nighipanow ka otow hoy nanaysay, tongod to nayitabo kandin, umba no nigtangkap on ka batbatonon mayitugod to pogtambali duon to kogangon. Tungod to sooyjo konad og makapasaylo soyjo nog hondiyo si Hisus to lungsud. Diyo on si Hisus to awa-aw no banwa.