¹ Pitow kow nu kono kow og himo to maroyjow diyo to tangkaan to mo otow oyjow parakoldakol kandan, ko iling to sikan waro og karawat now no diyo to Amoy now no diyo to langit. ² Oyow ko og pamogoy kow to hinabang kono now igparakoldakol og ko iling to inhimo to duma nog palimolimo no diyo to simbahan dow diyo to daaranon inhimo dan sikan oyjow og sayjoon to mo otow, di ka totowo naporot dan on ka kandan no ganti nukoy naan warad og ka porot dan diyo to Diyos. ³ Ko ug bogoy kow kono now iglalag to mo otow, kono now igpangnangon inggad ko amani now pad ko nog kataga. ⁴ Ilimoslimos no ro sikan dow ka Magbabayjo no nig pitow to inhimo, no ka Magbabayjo on ka og bogoy koy kow. ⁵ Dow ko og pangomow-omow kona ka og iling doon to nighimo no palimolimo, sog kaliyagan dan ko og pangomow-omow kandan diyo to simbahan no ogsasindog kandan agad hondue diyo to daaranon dow og ka kita kandan to mo otow, og kagiyan ko kaniyo no naangkon ka ighinokhow kaniyo. ⁶ Ko og pangomow-omow ko solod kow diyo to sinabong dow lookob kow dow pangomow-omow ka diyo to Magbabayjo no warog paka kita, dow ka amoy ta no Magbabayjo no og piytow kanta dow og kahid owon ki to amoy ta no Magbabayjo to in himo no nigholos. ⁷ Ko og pangomow-omow kow kono now malayjata, malopoto now ro waro polos iling to pighimo to kono magtotoo no nig sumansuman dan no tabakon tongod to malayjat ka pog pangomow-omow ran. ⁸ Ko kow sonod to pighimo dan ka amoy ta ko nokoy ka pigkinahanglan now anoy ro ko kono kow pad mo. ⁹ Suga pad hondoonanow tog pangomow-omow, Amoy roy no diyo to langit nasi bantogan ka to mo otow. ¹⁰ Koy kow ka agalon doy og katoman ka pog boot dini to kalibotan, og ko iling to pigtoman diyo to langit. ¹¹ Ibogoy no kanami ka pogkoon doy no pigkinahanglan doy to soi no arow. ¹² Dow pasayloa koy to mo salo noy iling no nakapasaylo koy to nakasalo kanami. ¹³ Ipariyu koy to mo sumasabaag nasi bag no luwasa koy to mo karootan so ikow ka agaon ka gohom dow ka karoyawan taman towaro katamanan. ¹⁴ So ko og pasayloon now ka naka salo kaniyo,og pasayloon kow ra daan to amoy diyo to langit. ¹⁵ Ko kono og pasayloon kandan kono kow daan og pasayloon to amoy now diyo to langit. ¹⁶ Ko og saang kow to pogkoon kono kow og pakita nog kaaras ko iling to pig himo to nigpalimolimo no ipakita ran ka ola ola ran, no piggotasan kandan dow ka kilala kandan no nig salang to pogkoon og kagiyan ko kaniyo no naangkon dan on kahinokhawan. ¹⁷ Ko og salang ka to pog koon pandopogka dow panugkad ka. ¹⁸ Dow ko no katagahan no nig salang ka to pog koon. Gawas ko doon to Amoy nu no konog kakita no nig pitow to pighimo nu no waro ka nigpapitowpitow. Dow nabugayjan ka to kahinukhawan. ¹⁹ Kono kow og lilimod to mo kalaglagan kani to ampow to kahilawan so ogtaangan di sikan hoy ogkotkoton do to a-anoy,hoy og takaw-won do sikan to mo takawon. ²⁰ Suga naan lilimod kow to mo kalaglagan diyo to langit, so diyo waro taang dow aanoy nogkotkot hoy waro takawon nog panakow to sikan. ²¹ So ko hondoi ka mo kalaglagan diyo ka kaniyo no goynawa. ²² Ka mata iyan salong to lawwa ko maawang ka pogpitowpitow no, maawang daan ka sulud to goynawa nu. ²³ Di ko marosilom ka pogpitowpitow no maroot daan ka goynawa nu, nukoy naan ko puli ka rog paroyjowroyjow di maroot man naan ka koykow no goynawa; nokoy un buwa kag kaparulugan no. ²⁴ Konog kabaloy nu darowa ka agalon to sagbuka nu otow, so doon panahon nu ka sagbuka dow ka sagbuka og dakolon din to goynawa dow ug unungan kandin to sagbuka dow ka sagbuka og kabalaong din. Ko koykow ogpokouripon to Magbabayjo dow salapi. ²⁵ Tungod to soini ug kagihan ku kaniyo, ku kow ogkaraas ko nukoy ka kaniyo nug ka koon hoy ogkoinom now hoy ka og kauyjag ko hoy to og kinaboon no. Labow pad ka untong to kono doon to pogkuon dow lawwa ta kono dot kinabo ta? ²⁶ Pitawa now ka mo bayjako waro kandan nigpamula hoy waro kandan nig gagani hoy oglilimod diyo to lalapong no nig alimaan kandan to amoy ta no diyo to langit! Labow kow pad man kono dot mo bayjako? ²⁷ Hontow man kag makasompol to untong now pinabayjo tonkaraas now? ²⁸ Hoy nukoy man tog karaas kow to kinaboon now? Pitawa now ka mo bulak ko nigmono kandan nogtubo diyo to kamut, waro kandan nabulayji how waro kinaboon dan. ²⁹ Di ug nangonan ko kaniyo. Anoy ra si Solomon no salapionon di waro nakakinabo to iling to soini no karoyjow nu bulak. ³⁰ Ko nigkinboan to Diyus ka mo bagnot no waro pad mangagango kontoon, di ko ugkangagango soini ogsilaban, kaniyo pad buwa no mo otow no kono kow ug kinaboan? To karoisok doto kaniyo no pogtoo? ³¹ Nukoy naan kono kow ogkaraas ko hondoi kow ugpurot to ug kakoon now hoy oh koinom now. ³² Su sikan ka igkatalong to mo otow, no waro pogtoo hoy pogsalig to Magbabayjo, nukoy naan ka natagahan on to amoy nu diyo to langit nu inkinaanglahan nu sooyjow. ³³ Sikan naan honnaa now pamitawwa ka Magbabayjo hoy igitbulus now ka goynawa now, hoy sunura now ka igkabonali rin, hoy igbogoy rin ka tibo nu inkinaanglan nu igbogoy ra daan kaniyo. ³⁴ Nukoy naan kono kow ogkaraas dow to sunod nu aldow so duon og kalibwasan. Kono kow unogkaraas to asolom no aldow.