¹ To pogkakita ni Hisus to sooyjow mohon-in no mo otow, nigtakorog sikandin diyo to bubungan dow diyad on sikandin migpinuu. ² No nigparani kandin ka mo hibatoon din dow nigbunsud sikandin ka nigpanulu kandan no nigkagi. ³ ‘Kaliyagan sooyjo so mo otow no nig-ila no ogkoilangan sikandin to Magbabayjo, so ogkasakup si kandin to nigharian to Magbabayjo. ⁴ ‘Kaliyagan to sooyjo so mo otow no ogkatalong, su ogbogayjan sikandan to Magbabayjo to kaholoo. ⁵ Kaliyagan to sooyjo so mo otow no maparaloman su ogkaangkon dan ka intiru nokaliburan. ⁶ ‘Kaliyagan to sooyjo so mo otow no og nokalnokal no ogtuman to igkaliyagi to Magbabayjo, so ogbuligan sikandan to Magbabayjo te pogtuman duon. ⁷ ‘Kaliyagan ko sooyjo so mo otow no hiid-uwon te duma, su igkoyid-u iyan sikandan to Magbabayjo. ⁸ ‘Kaliyagan to sooyni so mo otow no nasaboka ka karurumdum diyo to Magbabayjo, su ogpakita si kandan kandin. ⁹ ‘Kaliyagan to sooyni so mo otow ne tigpataliwaro ko duon samuk,su og-angkonon sikandan to Magbabayjo no mo anak din. ¹⁰ ‘Kaliyagan to sooyjo so mo otow no ogbaybayaran tongod to pogtuman to igkaliyagi to Magbabayjo, su ogkasakup sikandin to nigharian to Magbabayjo. ¹¹ ‘Kaliyagan niyo koogsawayjon kow,og ugbaybajaran kow, dow og ugtumotumoan kow og pakadakusol to tibo no tongod kanak. ¹² Ne iling dodman kayi ka iglibod to mo purupita nu naka-won o kaniyu. Purisu kahulo kow su dakol ka hi nukhawan no intagana diyo to langit. ¹³ Sikaniyu ka asin kayi to ampow to tano. Piru ko ogkaawoan un to nanam ka asin, ogmunowon pad to pogpalibod to nanam din? Warad pulos duon,purisu igdogpak un sikan dow ogdi-diokan on to mo otow. ¹⁴ ‘Sikaniyu ka kaawang kayi to ampow to tano. Ka sabuka no sulidad no diyo to bubungan,kuno ogkaholos. ¹⁵ Iling naa dayjon duo,waro ogmakarokot to salong no ug pakooban to gantangan, to kono, igpaawang-awang iya igholos oyow ug kabat-awan ka tibo nu diyo to solod to baloy. ¹⁶ Purisu ipalayjog now ka salong now diyo to tangkaan to mo otow oyjow ogkakita ran ka maroyjow no mo himo now dow oyjow og kasayjo dan ka amoy now no diyo to langit. ¹⁷ ‘Kono now sumsumana no iyan now inhondini ka pog doroot to balaud to Magbabayjo dow to sinulat to mo purupita. Kono no pogdoroot ka inhondini ku, ko kono, ka pogtuman kayi. ¹⁸ Ognangonan ko kaniyu tutuu: Tagood to duon pad ka langit dow ka tano, kono iya ogkaawaan ka balaud to agad doisok no buin dow tuldok taman to ogkatuman un ka tibo. ¹⁹ Purisu hontow no kani ogtuman to agad doisok no buid to balaud, dow ogpanulu to duma to pugsupak kayi, sikandin ka kani no impurtanti diyo to nigharian to Magbabayjo. Piru ka agad hontow no ogtuman woy ogpanulo to duma to pogtuman doon, sikandin ka dakul diyo to nigharian to Magbabayjo. ²⁰ Soykan naan, ognangonan ku kaniyu to woy kow ro ogpalisud to nighari to Magbabayjo ko subla pad ka pogtuman now to igkahulo to Magbabayjo woy tu pog tuman to mo anad to balaud to Magbabayjo woy dow mo parisiyu. ²¹ ‘Nakarinog kow to migkagiyan ka mo kaot-otawan dungon, ‘Kono kow himatoy. ka agad hontow no oghimatoy, ogsilutan diyo to hukumanan. ²² Piru ognangonan ku sikaniyu to agad hotow no og-ugot to duma rin, silutan daan diyo to hukumanan. Ne agad hontow no ogkagi te duma rin, ‘Waro utok nu,’ Silutan sikandin diyo to mo talaghukum to mo Hudiyu. No agad hontow no ogkagi diyo to duma rin, ‘Ogkaangul ka? Oghilogparan sikandan diyo to linow no hapuy. ²³ Purisu agad ka diyo kad on migsasandig to altar no nig-alap to igpanubad nu diyo to Magbabayjo, no doon dayjon no nakasumansuman ka to doon sulod nu no hondoonan koykow. ²⁴ Ongkori nu pa ka igpanubad nu diye to longod to altar. No hondiyoi nu pa ka sulod nu dow poul-uliey kow pad to maroyjow no goyinawa. Pogkaponga duon, honduon pad no igbugoy nu ka igpanubad nu diyo to Magbabayjo. ²⁵ “Ko duon ogbayjong koykow hoy igsumbung kad nikandin, dawdagawi nu husayja to kono kow pad ogpoondiyo to hukumanan, su koma ko igpoondiyo kad on kandin to huwis, no igpoondiyo kad on man-o to pulis, no ogkataman no igpapirisu kad on. ²⁶ Ognangonan ku sikoykow to malogot: Kono ka iya ogpakalihawang ko kono nu ogkaamin to ogbayad ka multa nu. ²⁷ “Nakarinog kow on to ingkagi dongan no, ‘Kono kow panlibug.’ ²⁸ Piru kuntoon, ognangonan ku sikaniyu to minsan hontow no ogtongtong to malitan hoy ogkoupian no oggilabot kandin, nakapanlibug on sikandin diyo to suman-suman din. ²⁹ No ko iyan ogpuunan ka kawanan no mata nu no ogpakasalo ka, lokata nu sika hoy irogpak nu. Maroyjow pad ko ogkaawaan ka to sagboka no baad to lawa nu du to igdogpak diyo to linow no hapuy ka intiru no lawa nu. ³⁰ No omun ko iyan ogpuunan ka kawanan no bolad nu no ogpakasalo ka, tompuha nu sika hoy irogpak nu. Maroyjow pad ko ogkaawaan ka to sagboka no baad to lawa nu du to igdogpak diyo to linow no hapuy ka intiru no lawa nu. ³¹ “Nakahi on doma dongan no, ‘Ka lukos no og-ongkod to asawa rin, koilangan no ogbogoy to asawa rin to kasulatan to ogpakig-ongkod.’ ³² Piru kuntoon, ognangonan ku sikaniyu to omun ko og-ongkoran to lukos ka asawa rin no waro nasaloi, sikandin on ka ogpuunan no ogpakapanlibug ka asawa rin no malitan ko og-aboy sikandin og-asawa. No ka ogpangasawa kandin, ogpakapanlibug on doma. ³³ “Nakarinog kow on doma to migkagiyan ka mo koot-otawan dongan, ‘Kono ogkaayjun no kono ogtumanon ka insaad nu, su koilangan no ogtumanon nu ka impahunlibot nu to Magbobayjo no Diyus.’ ³⁴ Piru kuntoon, ognangonan ku sikaniyu to kono kow iya pahunlibot. Kono kow kahi, ‘Mongoyibot to langit’ su ka langit pinnuuwan to Magbobayjo to ogmandu. ³⁵ No kono kow kahi, ‘Mongoyibot to kalibutan’ su ka kalibutan diokanan to Magbobayjo. No kono kow man-o pahunlibot to Hirusalim su sikan ka suwidad to mabantug no Hari. ³⁶ Kono kow man-o pahunlibot to mo ulu niyu su kono kow ogpakapamaangkag hoy ogpakapamoitom minsan to sagboka ro no timman no bulbul niyu. ³⁷ Kahi kow ro to ‘Uya’ ko og-uya kow. No kahi kow ro to ‘Kono’ ko kono kow, su omun ko ogpahunlibot kow pad, diyad ogpuun sika ki Moibulan. ³⁸ “Nakarinog kow o to ingkahi dongan, ‘Ka mata ogbayjaran dod to mata, ka ngipon ogbayjaran dod doma to ngipon.’ ³⁹ Piru kuntoon, ognangonan ku sikaniyu to kono kow suli to miggimu kaniyu to maroot. Ko duon ogtagpi to bonong nu, ipatagpi nu doma ka limang. ⁴⁰ Ko duon ogsumbung koykow no ogkuon din on ka kumbalo nu, ibohoy nud on sika hoy ilagkos nud on doma ka dyakit nu. ⁴¹ No omun ko duon ogpohos koykow no ogpatiang to inuyanan din to sagboka no kilumitru, tianga nu to daruwa no kilumitru. ⁴² Ko duon ogbuyju koykow, bohayi nu, hoy ko duon ogsambey koykow, pasambaya nu. ⁴³ “Nakarinog kow on to ingkahi dongan, ‘Goyinawoi nu ka alukuy nu, hoy dumuti nu ka kuntoro nu.’ ⁴⁴ Piru kuntoon, ognangonan ku sikaniyu to goyinawoi niyu ka mo kuntoro niyu hoy ampui niyu ka ogbayjad-bayjad kaniyu. ⁴⁵ Omun ko oggimuwon niyu ka iling duon, ogkoyimu kow no mo anak to Amoy niyu no diyo to langit. Su kono do no ka mo moupiya so batasan ka impasilaan din to aldow, ko kono, minsan doma ka mo maddoot so batasan. No kono do no ka mo matarong ka imbohayan din to uran, ko kono, minsan doma ka mo makasosalo. ⁴⁶ Kono kow tatagad no duon ogkarawat niyu no dasag no ogpuun to Magbobayjo ko iyan niyu ro oggoyinawaan ka oggoyinawa doma kaniyu. Su minsan ka mo talagsukut to buwis, oggoyinawa to sooyjo so oggoyinawa doma kandan. ⁴⁷ No omun ko iyan niyu ro og-ol-oliton ka mo sulod niyu, nokoy ma ka noyimu niyu no labow to noyimu to duma? Minsan ka kono ogmalintutuu to Magbobayjo, og-olit-olit ma to mo sulod dan. ⁴⁸ Purisu, kinangolan waro igkarow-oy kaniyu, iling to Amoy niyu no diyo to langit no waro iya igkasawoy.