1
No nig-ongkod on si Hisus to timpulu hoy to poghipanow rin on, nigparani kandin ka mo binasbas din hoy inpapitow ran kandin ka timpulu.
2
Di nigkagiyan ni Hisus kandan, ‘Nakita now man iyan, sikan monu man? Ognangonan ku kaniyu to malologot waro agad sagboka no batu kouromo no ogkasamo diyo to nounturan din; ogkohibi iyan ka tibo,’’
3
Tagood to nigpinpinuu si Hisus diyo to bubungan to Ulibo, migparani kandin ka mo binasbas din no sikandan do hoy nigkagi, “Nangoni koy ko kon-u ogkoyitabu soini, hoy nokoy-a ka palinnou to poglibod nu hoy to katammanan to timpu.
4
No nigtabak si Hisus, “Bantoy kow no kono kow ogkouyjan to kono no malogot no talagpanulu.
5
Su mohon-in ka oghondini no ogpoila no sikandin kun ka Kiristo, hoy mohon-in ka ogkouyan.
6
Ogpakarinog kow to ogmabubunuoy duo to marani now, hoy mo guguron mayitongod to ogmabubunyag diyo to mariyu, di kono kow kaaldok su koilangan no ogkoyitabo sikan. di kono pad ne sikan ka katamanan.
7
Ogpakig-usig ka sagboka no nasud to loin no nasud hoy ogpakig-usig ka sagboka no tribu to loin no tribu. Oghinguma ka mo bitil hoy ka linug diyo to agad hondoi no ingod,
8
di soikan tibo, bunsuranan pad tog kasakitan iling to libuwasan no ogbalotikan.
9
No ogpandakopon kow oyjow ogbaybayjaran hoy oghimatayjan. Ogdumutan kow to tibo no mo nasud tongod kodi.
10
Ogkataman, mohon-in ka ogpakasuwoy, hoy masuk-sukuloy kandan hoy og mous-usigoy.
11
No mohon-in ka oghinguma no kono no malogot no mo purupita hoy mohon-in ka ogkalalag nikandan.
12
No tongod su ogsublo on ka karoot to mo otow, konad og pohim-himonawoy ka mohon-in no mo otow.
13
Di soojow so ogpabulus og-ikul koddioy taman to katamanan iyan ogkaluwas.
14
No ka maroyjow no panguntulon moyitongod to poghari to Magbabayjo, igpanggugud to kalibutan isip pogpamalogot diyo to tibo no mo nasud, no ogkataman, ogpoko uma on ka katamanan.
15
Ko ogkitoon nu on ka makaalat-halat nog pitawon no diyo to tangkaan to Magbabayjo no ogkagiyon ni purupita Danyil no diyo nigsasindog to matulus no timpulu (koilangan no ogsabuton sika to talagbasa.)
16
Sooyjow so mo otow no diyo to Hudiya, kinangolan ogpamalagoy diyo to mo bubungan.
17
Soojow so otow no diyo to atop to baloy rin, koylangan no konad on oglogsad oyjow ogpurut to mo kabutangan din diyo to sulod.
18
No sooyjo so diyo to kamot, koilangan no konad on og-uli oyjow ogpurut to tinabo din.
19
Mokohid-u-hid-u to sooyjo no mo timpu ka ogkangaboros hoy ka ogpamasusu pad to mo anak dan.
20
No umow kow diyo to Magbabayjo diyo to langit hoy kono no Aldow to Tinghimoloy ka pogpalaguy now.
21
Su duon ogginguma no makabayjad-bayjad no pog-antos no waro pad noyitabu puun to poghimu to kalibutan taman kuntoon, hoy konad on soini ogkahitabo pad mando.
22
No omun in pa hilopot to Magbabayjo to sooyjow no aldow, su waro pa, waro poron ogkouyjag. No omun tongod to kandin no mo pinili, inpalopotan din sikan no panahona.
23
No omun ko duon og kagi kaniyu, ’’Pitawa now, soin dod kayi ka Mesiyas," hoy “soojow kandin." Kono kow tuu to kandan.
24
Su duon oglopow no mo kono tutuu no Mesiyas hoy mo kono no tutuu no purupita.
25
Suman-sumana now no inkagiyan kud on kaniyu.
26
No ko duon ogkagi kaniyu, “Pitawa now sooyjo kandin; Pitawwa now, nigholos kandin kayi." Kono kow tuu.
27
Su ka anak to otow og uma no ogpokoiling to kilat nu ogsiga tibuuk langit ligkat to ogsilatan poiling tog salopan.
28
“Hondoi ka lwwa to mo namatoy, diyo og lilimud-limud ka mo bayjaku.
29
No omun to pogkaponga to mo pog antus to sooyjo nu aldow, ogmarusilom on sikan no aldow hoy konad on ogsiga ka bulan. Ogkongo ulug on ligkat to langit ka mo bituon hoy ogkawoil kan tibook kalibutan.
30
Hoy oglopow on ligkat to langit no indanan to anak to otow hoy ogmangsinogow on ka tibo no kayi to tano hoy ug makakita kandan to anak to otow no og-uma diyo to gabon duma to gawom din.
31
Hoy ogdaging ka dakol trumpita hoy ipa-alap din ka mo diwata diyo to hop-at no bayin to kalibutan, hoy oglimuron dan ka mo pinili no mo otow ligkat to tibo no ingod.
32
Puruti now to basi ka kayjo no Igira. Ko og panunas on ka mo sugpang to sooyjow hoy ug sugud on og pongudlot, iyan timaan to marani on ka moinit.
33
Ko ogkakita now on soini tibo, kamaanan now on no maranid on ka panawon hoy marani on iyan.
34
Suman-sumana now soin: Soin tibo no ogkoyitabu to kono pad ug kangamatoy ka tibo no mo otow no kuntoon uyjag pad.
35
Ogkalaag on ka langit hoy ka tano di ka kagiyonon to Magbabayjo ogpabilin dod iyan.
36
Di waro nataga ko kagan-u og-uma to sikan no aldow hoy takna, agad pa mo diwata to langit hoy ka anak din waro nataga, ko kono ka amoy ro no diyo langit.
37
Ka poglopow to anak to otow ogkoiling to noyitabu to panawon ni Noe.
38
Iling to aldow to waro pad ka lunup; ka mo otow nigparayjon to anaran dan no himuwon iling to pogkoon woy pog-inom hoy pog-asawba-oy, poiling to aldow to nigsolod si Noe to arka.
39
Di waro kandan nataga to ogkoyitabu no ka lunup ug-uma hoy nig-anlas to kandan tibo.
40
To sooyjow no panan awon, daruwa no otow nog tarabawu to kamot: ka sagboka og alapon hoy ka sagboka igbilin.
41
Daruwwa no malitan kag gagaling to pogkoon: ka sagboka ug alapon hoy ka sagboka igbilin.
42
Sikan iyan bantoy kow su waro kow nataga ko kagan-u no aldow og hinguma ka Magbabayjo.
43
Suman-sumana now soin: ko ka agalon to baloy nataga pa poron no to soikan no oras to marusilom ogpukawwon ka baloy rin.
44
Sikan iyan kaniyu koyilangan no og-andam kow layjun su og-uma on ka anak to otow no waro now hingumaa.
45
Su hontow man ka matalong hoy maalamon no sugu-onon? Soyjo so insaligan to kandin no agalon to pogdala to duma nu mo sugu-anon oyjow pogbogoy kandin to koonon to lumanan nu panawon.
46
Pogkabulaan to soyjo no sugu-onon no ogkakita to agalon din no nigtuman to soin to pog uli din.
47
Ogkagiyan ku kaniyu no ka soin sugu-anon oghimuwon to agalon no kasaligan to tibo no kahimanan.
48
Di ko maroot sikandin no sugu-onon, og kagi kandin to kowgalingon din, “Malugoy pad ug mokouma ka agalon ku.
49
Hoy ogsugud sikandin to pogpanggupi to duma rin no sugu-anon hoy ug ug-inom duma to mo palawobug.
50
Hoo sooyjo agalon to sugu-onon oglibod to sikan sagboka no aldow no waro din paabota hoy waro din nama-ani.
51
Hoy ogpori-porihon kandin to agalon din hoy igpagoram din ka inkapailingan to mo tigpatuu-tuu, diyo ogsinogow kandin hoy ogkigot ka ngipon din.