¹ Ligkat pad to sikan, soinid kag kagiyon no lalag ka lalag dungan do to Magbabayjo, hoy ka lalag iyan ka Magbabayjo. ² Ligkat pad iyan nahun-a ka lalag do to Magbabayjo. ³ Pigyimo din ka tibo pinabayjo to lalag, hoy agad sagboka no kono pinabayjo kandin. ⁴ No ka lalag iyan pigpuunan to untung. Hoy soin untung nog ko-iling to salung so iyan soin naka-batow to sumansuman to mo otow. ⁵ Soin salung ka naka bat-ow to marusilom, hoy waro soin naroog to marusilom. ⁶ Kuntoon, duon otow no pigsugu to Magbabayjo. No ogngaranan ki Huwan. ⁷ Pipahondiyo kandin to Magbabayjo to pogpamatbat ko hontow ka salung, hoy pinabayjo to pogpamatbat din ogpalintutu-u kamo otow. ⁸ Kono no si Huwan ka salung, di nighondini kandin to pogpamatbat ko hontow ka salung. ⁹ Si Hisu-Kristu iyan tutu-u no salung no nighondini to kalibutan, hoy ogmakabat-ow to tibo no mo otow. ¹⁰ Hoy nighondini kandin to kalibutan, no agad nayimu ka kalibutan pinabayjo kandin, ka mo otow waro moko-ila kandin. ¹¹ Nighondini kandin to kandin no ingud, di ka kandin no koot-otawan waro nigdawat kandin. ¹² Di agad huntow no nigdawat hoy nigpalintutu-u kandin, nigbogayjan din to katongod no ogayimu no anak to Magbabayjo. ¹³ Noyimu kandan no anak to Magbabayjo konon pinabayjo to pig-otawan hoy pogbuut to otow, ko kono pinabayjo to pogbuut to Magbabayjo. ¹⁴ No ka lalag, nigpaka-otow hoy nig-ugpo kanta. Amana kandin no maroyjow hoy hid-uwon hoy tutu-u kapigpangkagi din. ¹⁵ Nigtitigus si Huwan mayitongod kandin. Nigkagi kandin, “Kandin ka pigkagi kono ogmakasundul kanak. No labow kandin kanak, su duon on kandin no waro apad no otow. ¹⁶ Tongod to dakol koyid-u ni Hisu-Kristu waro’g tamanan to pogpanalangin din kanta. ¹⁷ Ka balaud inbogoy to Magbabayjo kanta pinabayjo ki Muwisis di ka koyid-u hoy katutu-u noko-uma on pinabayjo ki Hisu-Kristu. ¹⁸ Waro mo otow nakakita to Magbabayjo no Amo. Di nigpoila kandin kanta no sagsaboka no anak to Magbabayjo no duma layjun to Magbabayjo. ¹⁹ Pigsugu to tigpanulu kamo matig-Hirusalim ka mo pari hoy ka sugu-onon to pari diyo to timpulu no’g hundiyo-an si Huwan hoy insa-on ko huntow iyan kandin. ²⁰ Pigkagiyan kandan ni Huwan to waro igholos, “Konon kanak ka Kristu no pigtagaran now.” ²¹ Nanginsa kandan, “Ko kono no ikow ka Kristu, hontow ka? Si Ilyas ba no Purupita? Nigtabak si Huwan, “konon kanak si Ilyas.” Omba kanig kagi do naan kandan, “Atuk koykow ka purupita no pigtagaran doy? Di nigtabak si Huwan no kono kanak ka pigkagi dan. ²² Di nigkagi kandan, kagihi koy on lang ko hontow ka hoy duon igkatabak doy to nigsugu kanami. Nokoy ka igkakagi no mayitongod to pogkaotow now? ²³ Hoy tabak si Huwan, kanak ka ogkagiyon no purupita Isayas. Kono ba no nigkagi kandin no duon ogpanulu diyo’t hulhulawan, hoy ogkagi kandin, tul-ira now ka dalan to Magbabayjo!” ²⁴ No iyan nigsugu to sooyjo no mo otow ka mo parisiyu. ²⁵ Nig insa-an dan na-an si Huwan, no mani to ogpamawtismu ka ko kono ka no iyian ka Kristu hoy ko si Ilyas iyan ka Purupita? ²⁶ No nigtabak si Huwan, “Ogpamautismu aro to woyig, di duon duma now kayi kuntoon no waro now mailayi. ²⁷ Ogpakasundul kandan kanak, di kona a no likos no oghokad to hikot to sandal din.” ²⁸ Noytabu soini diyo to Bitanya, diyo to doypag to woyig no ogngaran to Hurdan no ogpamawtismuhan ni Huwan. ²⁹ To pogsalup to aldow, nakita ni Huwan si Hisus no oghondiyo to kandin. Nigkagi si Huwan to mo otow, “Soin on ka kalniru to Magbabayjo no igtatapag topogpa-awo to mo salu to mo otow dini to kalibutan. ³⁰ Kandin ka pigkagi ko no ogpoko-uma sundul kanak, di labow pad kandin kono kanak, so duon on kandin no waro apad in anak. ³¹ Agad kanak waro a moko-ila ko huntow iyan kandin di nighundini a kani to pogpamawtismu pinabayjo to woyig poila to matig-Israil. ³² Tutu-u no nakita ku ka Ispiritu Santu no niglono kandin ligkat to langit. Koiling to salapatis hoy nigpuun diyot kandin. ³³ Agad kanak di waro a moko-ila ko hontow iiyan kandin, di ka Magbabayjo kanig sugu kanak nogpamawtismu pinabayjo to woyig ko ogkapitow ko ka Ispiritu Santu no ogpuun to otow soin otow iyan ogpamawtismu pinabayjo to Ispiritu Santu. ³⁴ Hoy kuntoon nakita kud iyan tutu-u iyan no kandin ka anak to Magbabayjo.” ³⁵ To sunud no aldow, diyo do na-an si Huwan duma to daruwa din no mo tinu-unan. ³⁶ To pog kakita din ki Hisus no nigligad, nigkagi kandin, “Soin on ka kalniru to Magbabayjo. ³⁷ To pogkadinog to daruwa din no tinu-unan, hoy nigsundol kandan ki Hisus. ³⁸ Niglingi si Hisus, nakita din no ogsinundul on kandin. No nig-insaan din on kandan, nokoy ka ogpamitawon now? “Hoy nigtabak kandan, “Rabi, hondoi ka’g ugpo?” (Ka kohubaran to Rabi, Talagpanulu.) ³⁹ “Hondini kow hoy kakita now, “Nigtabak kandin. (Mo alas kwatru to kagapuni.) Nigduma on kandan hoy namakita dan on ka in ugpaan din, hoy nigpa-ongkod kandan duma kandin to sikan no aldow. ⁴⁰ Si Andris no sulod ni Simun si Pidru ka sagboka tpo sooyjo daruwa no nakarinog to inkagi ni Huwan hoy nigsinundul ki Hisus. ⁴¹ Pigpamangho ni Andris ka sulod din no si Simun hoy pigkagiyan, “Nakita doy ka Misiyas” (To kanta Kristu.) ⁴² No induma din si Simun diyo ki Hisus nigtutungtong si Hisus kandin hoy nigkagi, “Koykow si Simun no anak ni Huwan. Di ligkat kuntoon ogngaranan kad ki Cefas. (No to kanta Pidru.) ⁴³ Topog salup to aldow, nakasuman-suman si Hisus noghondiyo to Galiliya. Nakagtomu kandan ki Pilipi hoy pignangonan din, “Duma ka kanak!” ⁴⁴ (Si Pilipi no matig-Bitsayda, ka lunsud no pig-ugpoan ni Andris hoy ni Pidru.) ⁴⁵ Nakita ni Pilipi si Natanyil hoy nigkagiyan, “Nakita doy on ka otow no nasulat diyo to balaud ni Muysis hoy nasulat to mo Purupita. Kandin si Hisus no anak ni Husi no matig-Nasarit.” ⁴⁶ No nig-insaan kandan ni Natanyil, “Duon mo otow no ligkat to Nasarit no maroyjow? Nanginso si Natanyil. Agpas ka dini hoy pitawa no nigtabak si Pilipi. ⁴⁷ To pogkakita ni Hisus ki Natanyil no ogparani on kandin, nigkagi kandin, “Soin ka tutu-u no Israilita hoy matinu-uwon!” ⁴⁸ “Mani to noko-kilala ka kanak? Nanginso si Natanyil kandin. Si Hisus nigtabak, “Nakita ko koykow diyo to lobut to kaju no igira to waro kapad umawa ni Pilipi. ⁴⁹ Si Natanyil nigtabak, ‘Talagpanulu, koykow ka Anak to Magbabayjo! Koykow ka hari to Israil!” ⁵⁰ Si Hisus nigkagi, nigpalintutu-u ka to kagi ko no nakita koykow diyo to lobut to kayjo no ogngaranan to igira? Subla pad kag kakita now to soini! ⁵¹ No nigkagiyan ni Hisus kandan, “Kagiyan ko kaniyu: Ogkakita now ka langit nog katukas hoy kamu Diwata to Magbabayjo nogpamanoyik hoy’g lono diyo to Anak to otow!”