¹ Hoy, nig lilingotan ki kontoo to sooyjo no susulogi no mo otow dongan no og pamalogot kanta, no ogkasaligan ka Diyus koilangan no ongkoran ta ka tibo no og pakabalabag kanta, ha skasalo no iyan niggon-gon kanta no og palagjon ta no matinuuwon to pog lomba nog amutan. ² Kailangan no iyan ta no og tongtongan si Hisus ka ogpuanan hoy ka talogmalagat to pogpalintotuu to inbalagad din do ka kolilaw rin porom to pog palansang to krus tongod to kahalo no ogkarowbat din to pog antus din no kuntoon diyod on si kandin nigpinnuu to og kakawbanan to truno to Diyus. ³ Sumsumana now si Hisus no nig antus to pogsupak to otow no makasasalo, oyjow kono kow og-ongkod. ⁴ No pogatu batok to salo no waro pad nig atu no hantod to kamatayjon. ⁵ nalingowbon now on ka mo hun-in ka in lalag no nig kagi to Diyus koniyu isip mo anak din nig kagi si kandin diyo to kasulatan: "Anak ko kono no balagara ka pog disiplina to Diyus koykow hoy kono ka ogkad to og dowayjon ka ni kandin" ⁶ No ka og-gaynawaan to Diyus ogdisiplinahon din hoy oglogparan din sooyjo in-ilarin no anok din. ⁷ Antus now ka kouripon isip disiplina to Diyus kaniyu tongod so in isip kow ni kandin no mo anak din duon naan iyan anok no kono og disiplinoon to amoy? ⁸ Kono kow og disiplinaan iling to oghimowan din to tibo, no mo anak din kono kow naan no malogot no mo anok kow ro to loin. ⁹ Noka mo amoy to amay ta kayi to ampow to tano nigdisiplina kanta to waro nalugay si kandin tongod duon na subla pad no oparumaruma ki to amoy ta no diya to langit og pakaabin ki to kuuyjagan? ¹⁰ No ka amoy ta kayi to ampow to tano nigdisiplina kanta, no nalugay sumalo ko in sumansuman dan no maroyjow ka pogdisiplina to Diyus kanta oyjow iyan to kuupianan to oyjow ogkuhimo no matolos iling kandin. ¹¹ Waro og sapad no kono mo sakit kono no soini ka og kahalo di ko namuhurion no soro no purut to katamanan sooyjo to disiplina hoy og maroyjow on ko sumansuman hoy og matularang on ko batasan. ¹² Hoy koy sawbonaw ka napupo no mo bolad no lig-ona ka kono og mukourol no mo buol; ¹³ unuga now ka matul-id nomo dalon hoy kono og wail-wail ko nabalingo no mo paa kukuno og kuuli-i. ¹⁴ Panamantaman now noog pakiduma to tibo no mo otow hoy ka oyjagan no mataldong no waro og pakakita to Magbabayjo. ¹⁵ Bantay kow no waro sabuka kaniyo no nig angkod to Diyus bantayji no waro ogkailing no mapuit no hilamunan no iyan nig pounan to kagulob duon to kaniyu hoy anoy og pamuyjo to duma pinabayjo to mapuit soini. ¹⁶ Batayji now no kono kamyo no og himo no malisom no og koimo to no Ispirituhanon no nig iling ki isaw nigubullos to tongod din to pogpanagna rin to songo koonon do. ¹⁷ Na maag kow no namuyjo kandin to timpo no panalangin din waro si kandin booyji tongod to kono din og balbalawbon ka in himo rin agad og sinogaw pod si kandin. ¹⁸ Ka pogparani now kontoon diyo to Diyus kono no iling to pogparani dongan to kabularan ni Israil diyo to Diyus no nig parani si kandin to bulungan no ogkagon-gonan no duo hapoy no nig kalabkalab durukilomi hoy kulosigi ka kalamag. ¹⁹ No narinog si kandin to daging to trumpita hoy to lagon to Diyus to pogkarinog don on to lagang no nig puhimhimmunow on si kandin no konod on og palalagon. ²⁰ No kono og makaantus kandin to insugo to lagong no nig hunhun-duon: "Agod ko duo mananap no og diok to soini no bubungan no kinangulan no og babatuwan taman to og kamatoy. ²¹ Makahalat-halat ka nakita ron no agad si Muwisis nakakagi og kolkollon-on to pog kahaldok." ²² Hoy si kaniyu mulo ka bubungan to siyon ka imparaniyan now ka siyudad to manekol no Diyus ne iyan ka hirusalim no diyo ro langit no lilimudlimud to kongahalo halo no mo panalagin no kono og kasool. ²³ Ning parani kow to sasallubung no mo otow no in-isip to Hisus no nabantog no mo anok din no nasulat on ka no ngaran diyo to langit nig parani kow diyo to Diyus talaghukom to tibo no otow hoy nigsabuka tow to sooyjo nanmatoy on no inmarinog on to Diyus no warod on mo kulang. ²⁴ Nig parani kow ki Hisus no iyan tigpataliwaro kanta hoy to Diyus to iyan no ka sabutan ka inpatigis no langosa rin nigpamalogot no inpasaylo kid on hoy maroyjow pad soini do to langusa ni Abil no nigbuyjo to pogsuli. ²⁵ No bantoy kow no kono kaw og palingoglingog to lalag to Diyus kaniyo no ka mo otow dongan no waro nig lingalinga to Diyus kanda kayi to ampow to tono waro nakapanaliya tologpat no iyan ki naan iyan kono logpari ko kono to oglinglingoon ka iglalag kanta no diyo ogpuun to langit. ²⁶ Ko kandin no lagong no nig kulkul kaning hondiyo to tano. "Di kuntoon no ogsaad kandin to nighunhunduon tog doyjon ko kono no ka tono kano ka langit kog dayjonan." ²⁷ Ka soini so lalag din no og bugoyjon pad iyan to igpasabot kayi no og awboon din ka tibo no inhimu in no ogkawoil oyjow iyan naan do og poongkod. ²⁸ Hoy og pasalamat ki no nadawat ki to ginharian no kono iyan og kamatoy no og pasalamatan ta hoy og simbohontan ka Diyus no og kahaldok. ²⁹ No ka kanta no Diyus iling to hapuy no kono og katutung iyan.