¹ Ligkat ki Pablu, no apustul ni Kristu Hisus tongod to pogbuut to Diyus hoy ligkat ki Timutiyu no sulod ta. ² Para to kaotawan to Diyus to Kulusas no mo maroyjow ka batasan no sulod ta diyo ki Kiristu: Ka Diyus no Amoy ta iyan ogbogoy to garasya hoy kalipay. ³ Nigpasalamat koy layjun to Diyus, no Amoy to Magbabayjo no si Hisu-kiristu, to kanami no mo pog-ampu para kaniyu. ⁴ Su nakarinog moyitongod to pogtu-u now ki Kiristu-Hisus hoy to kaniyu no goyinawa para to tibo no kaotawan to Diyus. ⁵ Tongod to poghandum no pig-andam kaniyu diyo to langit. Natagaan now soin nahun-a to duon no pigpamatbat kaniyu ka tutuu no lalag no iyan ka maroyjow no lalag. ⁶ Nokouna soin diyo to kaniyu hoy to tibo no ingod hoy nigbogoy soin to unod no iling diyo to kaniyu nahun-a pad ro narinog now on ka Garasya to Diyus hoy pog-anti iyan to soin. ⁷ Natagaan now soin ligkat pad ki Ipapras, ka pigdakolan to goyinawa no buutan no iyan si Kiristu. ⁸ Nigbatbatan koy to goyinawa no pigbogoy kaniyu to Ispiritu. ⁹ Nig-ampu koy layjun para kaniyu nohun-a pad no nataga koy to soin. Pighangyu doy ka Diyus no ogkataga kow poron to kabubut-on duma to tibo no kaalam hoy koyibalu no pigbogoy to Ispiritu din. ¹⁰ Oyjow ogmokoyimu kow to pogkinabuwi sumalo to kabubut-on to Magbobayjo hoy mokoyimu layjun to mo butang no ogmokopohimuut kandin. Ogmabungahon ka kinabuwi niyu tibo no maroyjow no hinang hoy ogdungan to matinumanon moyitongod to Diyus. ¹¹ Poron no ogdigunon kow to manokal no nigligkat to himaya-ong no goom oyjow ogmaparayjon kow tibo hoy ogmapadiralom duna to kamaya. ¹² Pasalamati now ka Amoy no iyan nighimu kaniyu no tumanon no inpaabin no pig-andam to Diyus para to kaotowan din diyo to pigharian to malayjag. ¹³ Su pigluwas ki din ligkat to goom to karusilom hoy pig-alap diyo to pighari to pigpalanggo din no anak ¹⁴ No iyan nigbayjad kanta hoy nigpasaylo to mo salo ta. ¹⁵ Si Kiristu iyan ogkakita no lawlangowan to Diyus. Kandin ka kakoy no anak hoy labow to tibo no hinimu. ¹⁶ Su pinabayjo kandin pighimu to Diyus ka tibo no diyo to langit hoy diyo to tano ogkapitow hoy kono ogkapitow no mo goom no Ispirituhanon, no kandin no pigligkatan no mo hari no nigdumaa to tibo. Pighimu to Diyus ka tibo pinabayjo kandin hoy para kandin. ¹⁷ Duon on kandin to waro pad pighimu ka tibo no mo butang, hoy diyo nakabutang ka panagsagboka. ¹⁸ Kandin ka panguu to ogtuu. Kandin ka nigbogoy to kinabuwi to lawa, kandin ka hun-a pig-uyjag to mo minatoy oyjow kandin ka og-una to tibo. ¹⁹ Su iyan pogbuut to Diyus noila anak no tibuus ogka angkon ka batasan to Diyus. ²⁰ Koynaan ka pinabayjo to anak din, impog-uli to Diyus ka maroyjow no goyinawa ran to tibo no diyo to langit hoy kayi to tano inhimu rin pinabayjo to langosa to anak din diyo to kurus. ²¹ Nohun-a no mariyo kow pad to Diyus hoy usig kow tongod to maroot no piggiyu now hoy mo sumansuman niyu. ²² Di kuntoon impauli to Diyus ka maroyjow no goyinawa now kandin pinabayjo to kamatayjon to lawa to anak din su oyjow to timpu no igpatangko kow on kandin, no balaan, hoy waro salo. ²³ Di koilangan no ogparayjon kow no manokal ka pogtuu hoy kono ogkawoil to poghandum no kaniyu no nagon-gonan to pogdawat no to batbatonon. Kanak si Pidru, noyimu no suguanon to soin batbaton no pigpanulu diyo to tibo no otow. ²⁴ Hoy kuntoon, inkaholo ko ka pog-antus ku para kaniyu. Su pinabayjo to pog-antus ko nakabulig a to malogot to waro pad. Naponga no pog-antus ni Kiristu para to lawa rin no iyan ka sibaan. ²⁵ Pighimu a to Diyus no suguanon to Sibaan hoy pigtugyan to mo pighimu oyjow malogot ka pogpamatbat to batbatonon para kaniyu no karoyjawan. ²⁶ Nohun-a, pigholos din to batbatonon di pignangon din on kuntoon diyo to mo kaotawan. ²⁷ Su tuud to Diyus no ignangon din diyo to kaotawan ka bahandi hoy mahimayaong hinolos no pig-andam para to tibo no kaotawan. Ka hinulog kaling si Kiristu duon to kaniyu. Nigpasabut soin no ogmakaabin kow to himaya to Diyus. ²⁸ Koy naan pigpamatbat doy ki Kiristu diyo to tibo no otow. Pignangonan hoy pig-anad doy ka tibo pighimu doy ka ka kaalam oyjow pog-alap diyo ki Kiristu. ²⁹ Nighagu hoy nanamantaman a oyjow ogkoyimu soin no ogkagamit ka goom no pigbogoy kanak ni Kiristu.