1
Mo pinalanggo, tungod to soin nu mo tugon to Dios kanta, ug ungkoran tad ka tibo nu nakapaligsom to kanta nu kinabuhi. ugpanigorohon ta ugkohimo nu hinlo ka kanta nu kinabuhi nu duon pogtawod to Diyus.
2
ko'g kohimo, goynawa; koy kaniyo. waro koy nighimo to maroot ki agad hontow kaniyo waro koy daan nandoot hoy nanlumpig kaniyo.
3
waro a niglalag to inday jungan ko kaniyo. su iling to ingkagi ko nun-a, ingoynawaan doy kaniyo ko agad nukoy kag kohitabo, nauyjag man hoy namatoy, ug-inunungay ki iyan.
4
Dakol ka pogdarol ko kaniyo hoy poggarul ko. to tibo doy nu kalisuran napuno a to kadansog hoy kahulo.
5
Waro poghimoloy doy agad diyo to Macedonia. To tibo inlugonlugon koy doun mog-uugotoy agad hondoi, hoy in-uma koy to kahaldok.
6
Di ka Diyus nu nigdansog to monatalong, nigdaral kanami pinabayjo to poghinguma ni Tito.
7
Hoy kono ro nu pog-uma ru ka nokohulo kanami ko kono. ka inlalag din moyitungod to kaniyo nu pogdaral kandin. Inkagiyan koy to dakol ka kaniyo nu kaliyag to pogpakigkita kanak agad pad to kaniyo nu katalong hoy andam kow to pogpangabang kanak koy naan amana a nahulo kuntoon.
8
Su agad nakapatalog kaniyo kan sulat ko, waro a nakagsundit nu insulat ko sooyjow.Di natalong araan so nataga nu ka sulat nakapatalong kaniyo agad to magaan do.
9
Di kuntoon nahulo a kono tungod so inbogayjan ko to katalong ko kono nu ka katalong nahimo oyjow ug makapamoyjo ko to pasaylo. sooyjow nu katalong ingamit to Diyos nu waro koy nokohimo kaniyo to karoot.
10
Su ka katalong nu to Magbabayjo, makapahinuktok to salo hoy ugpanulu kaniyo diyo to kaluwasan hoy konon olong nugsonditan! Di ka kamatayjon kaparologan to kalibotanon nu katalong.
11
Pitawwa, koro ba nu nadaral kow tungod su ingamit to Diyus ka kaniyo nu katalong oyjow ipapitow kaniyo nu kono kow salo-an? nakapabulo soin kaniyo, hoy nakapahaldok, nakabugoy to kaliyag to pogpakigkita kanak hoy nakadaral kaniyo to poglugpad to sayjop nu hinimowan.Inpakita nuw nu waro salo nu to soin tibo.
12
Koy naan insulat ko sooyjow nu sulat kono tungod kandin nu nasayjop hoy kandin nu in himowan to sayjop ko kono oyjow ugkakita to tangkaan to Diyus ka kaniyo nu poggoynawa kanami.
13
Koy naan nadaral koy nu timul pad to nadaral koy, nahulo koy amana to pogkataga doy to kahulo nu intahad ki Tito.
14
Inpahambog ko kaniyo diyo kandin intuman nu so ka tibo inlu-oy din hoy totuo iyan.
15
Koy naan nigtimul ka goynawa rin kaniyo to pogsuman-suman din kaniyo nu andam to pogtuman hoy to pogdawwat kandin duma ka pogtowod hoy pogkahaldok.
16
Nahulo a amana nu ug kadaral kow amang.