¹ Koy naan so iling to bulig koy to Diyus, ughulu kuy kaniyu nu kunu nuw daat-daati ka grasya to Diyus nu napurot nuw. ² Su migkagi ka Diyus, "Indinug ku kaniyu to alduw nu inkaliyag ku kaniyu, hoy inbuligan ko kaniyu to alduw to kaluwasan". Iyan un sui ka alduw to pugkinawo to kuhid-o to Diyus kuntuon ka alduw to kaluwasan!. ³ Waru koy mighio to ugpakasaligkat oyjow waru ugpamawboy to himo nuy. ⁴ To tibu no inhimo duy, inpapituw duy nu mu sulugu-anun kuy to Diyus pinabayjo to pug-antus nuy to kasakit noy mu kalisud. ⁵ Inpanglampusan kuy, inpirisu, hoy inhubilan to mu utuw; subla-subla ka pughimo nuy kulang ka pughirugu nuy, hoy ug manggutasan kuy. ⁶ Inpapituw nuy nu suluguanon kuy to Diyus pinabayjo to karuyjow, to katuunan nuy, to pupariralum nuy to kuy-o, hoy pinabayjo to Espiritu Santo hoy to tutu-o nu guynawa nuy. ⁷ Iling man to pugpanggugud hoy to gawom to Diyus. Ka pugkatularung nuy ilig nu pangariban nuy to pug atubang hoy to pugpanalipud to kaugalingon nuy. ⁸ Inpabantugan hoy inpasiparan kuy; Insumpalit hoy indayjan kuy. Duon ugkagi    nu mu ubaton kuy agad migkagi kuy to tutu-u; ⁹ agad kunu nuila, nuilahan nuy amana; agad kon mu patuy kuy, di buhi sumalu to nakita nuw agad ug palampusan kuy, waru kuy namatuy; ¹⁰ agad duon katalung, ugkahulu kuy ru; waru ug kuhimo nuy, di muhun-in ka datu nu nanuon din tungud kanami; nu agad ku hundui waru koy naruon; di tagtuon man to tibu nu mu butang. ¹¹ Pinalabi nu taga kurintu, waru hulus to puglaag nuy kaniyu hoy amana nuy indakulan kaniyu to guynawa. ¹² kunu nu kulang ka pugguhinawa nuy kaniyu, ko kunu kaniyu ka kulang to pugguhinawa kanami. ¹³ Ug pakiglalag a kuntuun kaniyu iling to mu anak ko; nu kinahangulan nu ugguhinawahan kuy kaniyu iling to pugguhinawa nuy kaniyu. ¹⁴ Kunu kuw pugsagbuka to mu kunu nu ugtu-u. Ugkasagbuka ka matularung hoy ka maruut? Munuhun to pugkasagbuka to kalayjag no karusilum? ¹⁵ Makagsabut naan si Kristu hoy si Satanas? Hundui man makagsabut ka kunu ugtu-u hoy ka ugtu-u? ¹⁶ Ugduruma naan ka tempulu to Diyus hoy ka diyus-diyus? so kanta ka timpulu to Diyus nu buhi! kagi to pignangun to Diyus, "Ug-ugpu a hoy ugduma to mu kuutawan ko. ¹⁷ Koy naan ka Magbabayjo nig kagi,"Pariyu kuw kandan hoy kunu kuw duma to mu otow nu kunu ugtuu kanak. Kunu nuw samsama ka maligsum hoy ug kinawu-um ko kaniyu. ¹⁸ Kagi to Magbabayjo nu amana no marusun, "Ugkuhimo a nu amuy nuw, hoy ugkuhimu kuw nu mu anak ku."