¹ Kontoon ka igkatatolu no higayjon no og hondini a to kaniyu. Sumalo to inkagi to sinulat,”ko inggad    nokoy no sumbong kinaanglan og palinoowan to daruwa hoy tatulo no mo nakataga”. ² Pataanan ko kaniyu no nakasalo nohun-a dow ka duma pad.Inkagi    kod soyni no hun-a to igkadaruwa ko no pogluo kaniyu,di igkagi ko man do kontoon no mariyu ad.to suno ko nog hondiyan og pabayjaran kod kaniyu. ³ Hoy nammitow kow mam buwa to kamatuuran no si Kristu nigkagi pinabayjo kanak. Kono kandin malotoy nog pokogduma kaniyu ko kono Gomanon. ⁴ Hoy inggad pad si Kristu, to    no inlansang to krus tongod to kuyo-u rin, di nouyjag kandin pinabayjo to guhom to Magbabayjo, to kanami no pogsagbuka kandin pinabayjo to guhom to Diyus. ⁵ Manmaana dow hukmi ka kaniyu no kougalingon oyjow pogtungtong ko kaniyu buwa iyan doo pogtoo, nataga kow on no si Kristu Hesus doo to kaniyu, gawas do ko kono no tinuod ka kaniyu no pogtoo. ⁶ Og iman-iman a no kanak iyan ka tinuod no Apostules. ⁷ Og ampo koy to Magbabayjo no kono kow og himu to mo maroot no oyjow og papitow koy no nigmalampuson koy to hinang doy kaniyu, ko kono og now ka matarong inggad pad ko kanami kono no mo Apustules. ⁸ Hoy kono koy og pokotinang to inggad nokoy no supak to kamatuoran ko kono iyan do to poglalagto kamatuoran. ⁹ Ingkohulo doy no malutoy koy di kaniyu maruson do mano naan ka nig-ampo koy no kaniyu og kabalbalawan ka pogkabatasan now. ¹⁰ Insulat ko soyni to kono a pad og mokohunduon, no oyjow og omma a doo kono ad og kalisod nog gamit to katungod ko no inbugoy to Magbabayjo kanak ka katungod to pogparuson hoy kono to pogpaawwo kaniyu. ¹¹ Kontoon, mo sulod, kohulo kow, ay-ayjari ka kaniyu no batasan pamminoga now ka inkagi ko hoy kasagbuka kow, ka Diyus no Magbabayjo og duma kaniyu. ¹² Makakamostuhoy kow dow mohodharokoy iling no kaniyu mataltahari, Nangamuusta kaniyu ka tibo no mo otow to Diyus. ¹³ Ka karoyjow hoy kohoy-u to ¹⁴ Magbabayjo no si Hesus Kristu, ka goynawa to Magbabayjo, hoy ka pogsagbuka kaniyu to Espiritu Santu to Magbabayjo ug duma kaniyu tibo.