¹ Nataga-a no waro pulus ko'g paambug a to kanak no kougalingon,di napogos a. kontoon iglalag ko kaniyu ka inpakita to agbabayjo kuddi. ² Duo otow noila ku no nigpalintutu-u ki Kristu no nigbatun diyo to igkatulu no langit, mo sampulu o hoy hop-at no tuid nigligad puun kuntuon. Wara-a nataga ko nigbatun iyan ka lawba rin hoy ko ispiritu rin do, ka Magbabayjo do ka nataga. ³ Eg-abayjan ku tog kagi, nokoila a hontow-a o tawba sikan, di wara nataga ko nokoy-a ka inbatun, lawwa rin buwa hoy ko ispiritu rin do,ka Magbabayjo do ka nataga. ⁴ Iyan ko ro natagaan no inbatun iyan kandin tougpaan to Magbabayjo, tagood to diyad o kandin, duo narinog din no kono’g kaayjunan to’g lalag, hoy waro mando itugut no igpapangugud. ⁵ Di og lalalis a to sikan no otow, di kona-a og lalalis to kaddi no pogkootow, ko kono, sikan do so kalotoy to pogpalintutu-u ko ⁶ Emun naan, kog koibog a poron noglalalis, di konaa og koyimu no maroot su malogot ma ka igpangugud ku.di waro ko himuwa sikan, tongod su konaa og kaliyag no matikang ka pog tongtong now koddi du’t sika sogkitoon now hoy og karinog now no lalagon ku. ⁷ Su oyjow konaag makabokal to pakpak ku tongod to kabolongonan nigkita ku, nigbogayjan a to dugi no niggamit ni moibulan to pogbayjad-bayjad kuddi oyjow konaag pakalalalis ⁸ Katatolu-a nighulu to Magbabayjo nog awwoon on sikan,. ⁹ Di nigkagiyan a kandin, “Elogon ka pogbulig ku koykow su’g kakita ka goom ku duo to kalotoy nu,”sikan naan ka amanaag koholo nog lalalis moyitonaod to kalotoy ku, su oyjow ka goom ni Kristo, ogwoil kayi to kuddi. ¹⁰ Di ogkabonnalan ad to mo kalotoy ku, to poghimo to maroot kuddi, kalisod ku,to pogbbayjadbayjad kuddi, hoy to kalisod ku tongod ki Kristu. Su ko malotoy-a, nasi    ad manokal. ¹¹ Nigpigos a now to’g paambug iling to og kaliboglibog. Elog poron no’g dayjanon a now, su agad waro kalaru ku, kuna-a rod no obos to sika sog kagi no labow kun kandin no apustulis. ¹² To timpu no duon a pad to kaniyu, nigkita a now on no malogot a iyan no apustulis,inpaalap a mismu to Magbabayjo. Su impariralom ku to poghimu ka og koin-inuwan hoy mo palinou now. ¹³ Ka nighimu ku kaniyu, iyan dod nighimu ko to duma no nigpalintutu-u, aynaan ko wara-a nigpabulig kaniyu. Pasayluwa aro to salo ku!, ¹⁴ No, umba naan su igkatoluon no aldow soini oghondiyan hondiyan a to kaniyu,No kunaa og koupian nog bulig kaniyu. Su konaa ogkoinniyat to mo karatuan now, ko kono, kaniyu mismu ka igkoiniyat ku su kono iyan og oyjag    to hoy amoy ka mo anak, ko kono, ka inoy hoy amoy ka’g uyjag to mo anak dan. ¹⁵ Egkoholo a ko’g makabogoy ku ka karatuan ku kanokal ku oyjow to pogbulig kaniyu. Di agad pad ko’g dakolan ku kaniyu to goyinawa, manibuwa to doisok do ka goynawa    now kuddi?. ¹⁶ Duo duma no’g-alap no wara-a noyimu no mmabogat duon to kaniyu. ¹⁷ Di nokoy no paagi? No Inlupigan kow to soiyo su inpaalap noy diyo to kaniyu? ¹⁸ Nigsugo ku si Titu diyo hoy inpadumahan ku kandin to sulod ta to pogpalintutu-u, na kono kow ogpakakayi no inloigloig kow kandin,    hoy kawaro nokag iling ka hinimo noy hoy ka tuod noy. ¹⁹ Kagiyon now buwa no iyan oglalag to iling duon nonua ogpangatarongan koy? No iling duon! No mo pinalango, kanami no nasogbuka koy duon ki Kristu, oglalagon noy kaniyu kayi to tagkaan to Magbabayjo no waro loin no tuod noy ko kono pogbaghot do iyan kaniyu. ²⁰ Ogkahaldok a di ko ma ko nighondiyan a no kono ku igkoupii ka’g himuwon now, hoy kono now mando ogkouipii ka koddi noghimuwon. Ogkahaldok di ko ma ko duon ogpog-ogotoy, ogpokog-imma, ogsasalupot, hoy duo samuk. ²¹ Ogkaaldok a mando, su ko ma ko poglibod ku diya to kaniyu ogpoyilawan a to Magbabayjo tongod kaniyu. No ko ma ko ogpasinogow a tongod su masalig ka nakasalo dongan no waro nig-inniyug to maroot no hinimuwan dan, to pogpoyihilabatoy ran no kono no alunggun, hoy to makasisipod no hinimuwan.