¹ So si kanak si pablo, ka ogkakagiyan no liyason ko duo to tangkaan niyo, nokoy naan hoy kon do to mabulot ko diyo to madiyo. no kontoo, pinabayjo to pogpariralon hoy kohid-o ni Kristo. ² Holo ko sikaniyo no omon ko duon a to kaniyo, kono puron no kinangolan no ogmabulot a to soyjo so inbaghot no kalibutanon kon ka pogbatasan doy hoy ka katuyoan doy. ³ So agad ko otow koy do, nokoy naan koy ogpakig-ogot to otow-otow do no p aagi. ⁴ So ka mo panganiban no oggamiton doy to ogpakig-ogot, kono no panganiban kayi to ampow to tano, ko kono, sikan so madoson no panganiban to Magbabayjo no ogpakadodoot to soyjo so ogsopak kandin. ogdorooton doy ka kono no malogot no pogpangatarongan to mo otow. ⁵ Hoy ka inpahambog doy ogpakabalabag to pog-ila dan to Magbabayjo oyjow ogkabalbalwan ka soman-soman dan somalo to igkaroyjow ni Kristo. ⁶ No omon ko ogkapamalogotan doy o no olog on iya ka pogtoman niyo ki Kristo, ogbabayjaran doy o soyjo so waro nigtoman. ⁷ Ka sayjop niyo so iyan niyo do ogtongtongan ko nokoy ka ogkakita niyo. ko duon no amana og-angkon no sakop o sikandin ni Kristo, kinangolan no og-sipon din no sakop koy o dodma ni Kristo iling kandin. ⁸ So agad ko sobla ka pogpahambog ko moytongod to katongod doy, nokoy naan kona a ogkasikow, so ka Magbabayjo ka nigbogoy kanami duo oyjow to poglig-on kaniyo, no kono no pogdoroot kaniyo. ⁹ Kono niyo sumsomanano oglinal dokon ko sikaniyo to mo sulat ko. ¹⁰ So duo ogkagi no hoy o kon do mabulot hoy ogpogos ko diyo to mo sulat ko, nokoy naan makogi o kon ko duon a, hoy waro kon kaparologan to ogpanlalagon ko. ¹¹ Kinangolan no ogkanongnongan to sikan no mo otow, no soyjow so insulat doy to timpo no waro koy duo, oghimowon doy iya ka duon koy. ¹² Kono koy ogpaolog-olog oghukom hoy ogpog-iling to pogkootow doy to soyjo so mo otow no nigpahambog to pogkootow dan. ¹³ Nokoy naan sikanami, kono koy ogpasobla ogpahambog, so iyan doy do igpahambog ka hinang inpoyhimo to Magbabayjo kanami, no nalagkos on iya kayi ka hinang doy duo to kaniyo. ¹⁴ Kono koy dodma ogpasobla ogpahambog kaniyo moytongod to hinang doy duo to kaniyo, tongod so sikanami ka an-anayjan no nokoonduo to kaniyo no nigwali to Maroyjon no panogtulen moytongod ki Kristo. ¹⁵ Kono koy dodma ogpasobla ogpahambog to hinang no noymo to duma no otow. nokoy naan ogparatong koy no    ogtulin pad ka pogpalintotoo niyo hoy ogkatimolan pad dodma ka hinang doy duo to kaniyo no imbugay to Magbabayjo. ¹⁶ Pogkaponga duo to kaniyo, ogpakawali koy o to Maroyjow no panogtolin diyo to duma no mo ingod no modiyo kaniyo. kono koy ogkoroyjawan no iyan doy igpahambog ka hinang to duma no mo otow diyo to mo ingod no inbogoy to Magbabayjo kandan. ¹⁷ Nokoy naan somalo to nasulat to kasulatan,"ko duo igpahambog din". ¹⁸ So kono igkasikow toMagbabayjo ka otow no ogdayjan to kandin mismo no pogkootow, ko kono, sikan so otow no ogdayjan din.