¹ Nigsulat koy kaniyu moyitongod to lalag no ogbogoy to kinabuyi no duon on to poghimu to kalibutan. Nadinog noy soin, na pitow hoy nasamsam iyan. ² To duon no inpapitow on ka kinabuhi, nakita roy soini, koy naan inpanggugud doy ka kinabuhi no waro katamanan. Nu duon duma to Amoy hoy inpakita on kanta. ³ Inbatbatan doy kaniyu to nakita hoy nadinog noy oyjow kaniyu duma kanami, ogkasagboka to Amoy hoy to Anak rin nu si Hisu–Kristu. ⁴ Insulat noy soin oyjow malogot iyan ka kanta no koholo. ⁵ Ka lalag no nadinog hoy ligkat to anak. Din hoy igpanggugud doy soin kaniyu ka Diyus ka kaliyag hoy waro marusilom diyo to kandin. ⁶ Ko ogkagi ki no sagboka kid on diyo to Diyus di nig–ugpo ki duon to karusiloman, nang–ubat ki hoy waro nigkinabuhi sumalo to kamalogotan. ⁷ Di ko og–ugpo ki duon to kalayjag, iling no duon ka Diyus to kalayjag, ogkasagboka ki hoy ka langosa ni Hisus nu anak din og-awo to tibo ta no salo. ⁸ Ko ogkagi ki no waro salo ta, in-akalan to kanta nu kaugalingon hoy waro to kanta ka kamalogotan. ⁹ Di ko igsugid ta to Diyus ka mo salo ta, ogtumanon din ka saad hoy oghimuwon ka matularong hoy ogpasaylo to tibo ta no mo salo hoy og-awoon ka tibo no mo salo ta. ¹⁰ Ko ogkagi ki no nakasalo, in-ubatan ta ka Diyus hoy waro ta kinaw-a ka mo lalagon din.