¹ Timprano pa onto te iselem te aldaw linggo, dimoton se menge bayi te lebenganan nengibing te kandan integilan menge metinadeg. ² Pegdateng dan doton, kinita dan se bato insapeng te lebenganan neke-ilid den. ³ Minawop dan, meneg weda dan kitai se nematay lawa i Ginoong Jesus. ⁴ Dalem te nebulung dan te nehitabo, te kalit olo dien dowa meama timindeg doton te kandan dapag. Se kandan menge saol onto solaw. ⁵ Nelemitan onto se menge bayi naya timikelong de dan olo. Meneng minikagi se dowa meama, “Nenga pinemaha niyo se neantay dini te menge nematay? Weda sikandin dini. Neantay den sikandin! ⁶ Minikagi man sikandin dalem te doton pa sikandin te Galilea, ⁷ sikandin dalem te doton pa sikandin te Galiliya. ⁸ Nga sikandan nga bata te otaw keilangan ibegay doton te menge nelegeb te sala aw ilansang te krus, meneng te inikagi i Jesus. ⁹ Nayan minoli dan aw inikaguhan dan se sempolo teg sebad ka menge apostoles aw se doma pa menge tinoledaan. ¹⁰ Se menge baye minikagi te menge apostoles yan dikandan si Maria Taga-Magdala, si Juana, si Maria inay i santigao, aw se doma pa menge bayi. ¹¹ Meneng weda pemenal se menge apostoles, te kandan aneng-aneng, kebolalaw olo se menge bayi seini.” ¹² Meneng si Pedro kimagnan doton te lebenganan. Pegdateng din doton timikelong sikandin aw simelib te dalem, aw kenita din se menge penakton intenges te lawa i Jesus yan olo se netenanan. Nayan minoli sikandin so nepela te nehitabo. ^{13 14} Te aldew siyan, doen dowa ka tinoledaan i Jesus migpesalo te Emaos menge sempolo teg sibad kilometro lekat te Jerusalem. ¹⁵ Dalem te minipanaw dan, negbalaw-balaw dan tepad te menge nehitabo doton te Jerusalem nayan migpedapag si Jesus aw timaking kandan. ¹⁶ Meneng weda da kilala kandin so egpogongan dan te pegkilala kandin. ¹⁷ Minikagi si Jesus kandan, “Eden lay se kenyo egbelaw-belawen dalem te minipanaw kaw?” Simagked se dowa aw kidoen te kandan menge bawa kitaen nepulak dan. ¹⁸ Sebad kandan egingedanan Cleopas timaba, “Pengkey sikona olo se eggemaw te Jerusalem weda ketaga-taga aw een se menge nehitabo doton te menge aldaw seini.” ¹⁹ Mig-insa si Jesus kandan, “nenga, eden lay se nehitabo?” Timaba dan, “Tepad ki Jesus Taga-Nasaret. Gamhanan sikandin Propeta atubangan te Timanem aw te menge otaw tepad te kandin menge pegpenoladan aw menge inang. ²⁰ Pig-indan sikandin te kenita menge kedekelan te menge pari aw te doma pa menge egpengibing amon hokmen aw imetayan. Aw inlansang sikandin te Krus. ²¹ Miniman kay te sikandin den se kenami igtegadan megpelowa te kenitadon lonsod Israel kelat te belad sikandin inimatayan. ²² Meneng se nekepela kenami yan se inikagi te kenami menge doma menge bayi te kandan pag-doton te iglebengan ki Jesus, gina timporan o te iselem, ²³ weda dan den kitai se kandin nematay lawas. Minikagi dam heman doen kinita dan menge anghel minikagi kandan te neantay si Jesus. ²⁴ Pegkepenga minikagi si Jesus kandan, “Pegkebook-book niyo! Diba keilangan man meg-antus ona se Cristo seini menge butanga te eked pa sikandan se kelehat inikagi te kesolatan tepad kandin, lekat te menge insolat i Moises hangtod te menge insolat te menge propeta. ²⁵ Penga ni minikagi si Jesus kandan, “Pegkebook-book niyo! Menaga weda kaw pemenal te kelahat inikagi te menge propeta? ²⁶ Di ba keilangan man meg-antos ona se Cristo seini menge butanga te eked pa sikandin pasidunggan te Timanem?” ²⁷ Aw piglebad lebad i Jesus diya kandan se kelahat inikagi te kesolatan tepad kandin, lekat te menge insolat o Moises hangtod te menge insolat te menge propeta. ²⁸ Pegdateng dan te baryo kandan dotonan, impemenal dan i Jesus te domeleg sikandin te kandin pegpipanaw. ²⁹ Meneng onto dan igtemengan so megpetanan sikandin doma kandan. Minukagi dan, “dini ka olo ona kenami so agpet den somallep se aldaw. Eked kenamay megkedelem den.” Nayan timaking sikandin kandan. ³⁰ Palem monosad den dan te pegpengaen, minabat si Jesus te pan aw migpesiontong te Timanem. Yan binelabela din ini aw imbegay kandan. ³¹ Aw te aldaw sidekey inabrihan si kandan paneng-teng aw kinilala dan si Ginoong Jesus kedi idekey, meneng te kalit olo netalon sikandin te kandin panengteng. ³² Minikagi dan, “Yan kedi-kepiya onto te kenitadan pedowan te dihang gipatin-awan kidon din te kesolatan gina dalem te menipanao kidon te dalan?” ³³ Penga niyan limiko dan te Jerusalem aw netegadan dan se sempolo tegsebad ke menga apostoles aw se doma pa menga tinoledaan nga netipon, ³⁴ Minikagi, benal onto meantay den se Timanem! Migpekita sikandin ki Simon.” ³⁵ Aw minikagi heman se dowa meama aw eden se nehitabo aw eden se nehitabo doton te dalan pesalo te emaos aw te eden peokit te kinilala dan si Jesus dalem te pegbela-bela din se pan. ³⁶ Dalem te migpeindanany dan pa, kalit olo negpekita si Jesus timindeg doton te kandan tenga-tenga aw minikagi, “Sekelinaw kidoen kenyo.” ³⁷ Gikulbaan aw nelemitan dan onto so iman dsn long se kandan kinita. ³⁸ Meneng minikagi si Jesus kandan, “Nenga nebulung kaw? Aw nenga migdowa-dowa kaw siak ini? ³⁹ Tengtengi niyo se okit te menge lansang te kenak menge belad aw benis. Ilami aniyo. Kena a along, se along wedad lawa meneng siak doen lawa aw kitaen onto niyo. ⁴⁰ Pegkepenga din minikagi nini. Impekata din kandan se kandin menge belad aw menge benis. ⁴¹ Te kandn dakel keleba aw kepela iling te eked dan pemenal te kandan kinita. Aw mig-insa si Jesus kandan, “Doen kanen niyo dini?” ⁴² Pigbegayan dan dikandin te sebad pemoel tinoeg ikan. ⁴³ Inabat din ini aw kinaen dalem te timengteng dan. ⁴⁴ Pegkepenga minikagi sikandin diya kandan, “Seini se kenak inikagi kenyo dateng te medoma kona pa, se kelahat insolat tepad kenak te kesolatan i Moises, te menge insolat te menge propeta, aw te menge salmo keilangan onto metoman.” ⁴⁵ Penga niyan gilamdagan i Jesus se kandan menge aneng-aneng amon kelebetan dan se kesolatan. ⁴⁶ Minkagi sikandin diya kandan minikagi si kesulatan se Cristo keilangan onto meg-antos aw mematay meneng meantay sikandin te iketelo siladaw. ⁴⁷ Aw keilangan iindan doton te keneyonan lekat te Jerusalem tepad kandin pigwedaden te Timanem se megsel-sel te kandan menge sala. ⁴⁸ Sikeyo se menge kinita te kedita niyan. ⁴⁹ Ipeibing ko diya kenyo se Espirito Santo nga gisaad te kenak amay. Meneng ika ana niyo egtaman dini te Jerualem dalem te wedad pa niyo kedawat te tolos lekat te langit.” ⁵⁰ Nayan inibing dan i Jesus te Bitanya. Pegdateng dan doton inengat din se kandin menge bebed aw gipanalanginan dan. ⁵¹ Dalem te Gipanalanginan din dan ininay neengat sikandin doton te langit pedeyo kandan. ⁵² Indeyen dan sikandan aw limiko dan te Jerusalem te doen dakel kelipay. ⁵³ Aw gayed dan doton te templa te pegdeyen te Timanem.