¹ Pegkapenga nida, timindog da kelahat aw inibing dan si Jesus ki Pilato. ² Aw pig-indan dan sikandin. Minikagi dan, “Otaw seini nedakep daw nga neglalag te kanami dome Judiyo, tungod kay pigikegihan din dan nga eke pegkabayad te buhis doton te Emperador, aw minikagi pa onto sikandin nga sikandin heman se Cristo. Se ebeg din ipekelabet nga sikandin sebad ke hari.” ³ Nayan pig-insa sikandin ni Pilato, “Sikona ba se hari te menge Judiyo?” Timaba si Jesus kandin, “Pig-ikagi no den.” ⁴ Penganiyan minikagi si Pilato se kelengkawan te menge pari aw te menge otaw, “Wedad kinita ko nga sala te otaw seini amon ipulumun sikandin.” ⁵ Meneng limeges dan pa onto aw nengetarongan, “Nengibing sikandin te kegobot te menge otaw te tibook Judea pineokit te kandin menge pegpenolada. Lekak te probinsaya te Galiliya taman dini te siyudad te Jerusalem.” ⁶ Pegkedineg nini ni Pilato, neg-insa sikandin kon Taga-Galiliya ba si Jesus. ⁷ Te pegketaga-taga din nga si Jesus lekat te ogpanan nga sakop te pigharian ni Herodes, inpeibing din si Jesus doton kandin tongod kay te aldaw siyon doton uran si Herodes te Jerusalem. ⁸ Pegkita ni Herodes ki Jesus neluba onto sikandin kay nenamay den sikandin ebeg nga kitaen si Jesus tongod kay medita den se kandin dinineg tepad kandin, aw ebeg din heman nga meg-inang sikandin te kepelahan amon kitaen din. ⁹ Medita se menge pig-insa herodes ki Jesus, meneng weda sikandin taba. ¹⁰ Se keleagkawan te menge pari aw se menge megtololadaay te punu timindeg doton aw bisan eden den olo se kandan menge indan batok ki Jesus. ¹¹ Gayed pig-tempeyes aw pigkebeyatan sikandin ni Herodes aw te kandin menge guwardiya pigpesootan dan konohay sikandin te mepiya kelewasen nga iling te sebad ke medengeg nga otaw, aw impeliko doton ki Pilato. ¹² Te aldew sida migpepiyaay si Pilato aw si Herodes nga kelaban kedengan. ¹³ Penga niyan pigpetawal ni Pilato se kelengakawan te menge pari, se menge tigdumala te longsod aw se doma pa nga menge otaw. ¹⁴ Penga niyan minikagi sikandin kandan, “inibing niyo dini kenak se otaw seini ng inikagi nga meglalag te menge otaw. Meneng te kenak pegbista kandin te kenyo senolowan, wedad onto kenak knita ngaba sala kandin iling te kenyo inikagi. ¹⁵ Bisan gani si herodes, wedad sebad kinita nga sala te otaw seini yan gani nga pigpeliko din ini dini. Weda palos neining seini nga otaw nga angay ipelumuu te kemetayen. ¹⁶ Nayan ipebadas koden olo sikandin aw penga niyan boloyan.” ¹⁷ Te kada pista te peg-okit te anghil kailangan nga megpelewa si Pilato te sebad ka pigkeleboso. ¹⁸ Meneng mig-olangag se menge otaw, “Imetayan se otaw siyan aw boloyi si Barabas!” ¹⁹ Nekeleboso si Barabas tongod kay doma sikandin te menge negrebelde te goberno te Jerusalem aw neke-imatay heman sikandin. ²⁰ Ebeg peden ni Pilato nga boloyan si Jesus, nayan pig-ikegihan din heman toda se menge otaw. ²¹ Meneng nigpedeleg te peg-olangag se menge otaw, “Ilansang sikandin te krus! Ilangsang sikandin te krus!” ²² Minikagi pa onto kandan ki Pilato te iketelo nga higayon, “Minikagi pa onto kandan si Pilato te iketelo nga higayon, “Nenga, eded ba se sala nga kandin neinang? wedad man kinita ko nga sala din nga angay sikandin ipelumuna aw kemetayen. Epebadas ko sikandin aw penga niyan boloyan dayon.” ²³ Meneng migpedeleg pa onto se kandan peg-olangag nga ilangsang sikandin te krus. Aw te ke modihan limampos dan onto. ²⁴ Mine-ibeg den olo si Pilato te menge otaw nga ilangsang si Jesus te krus. ²⁵ Pigpelowa din se otaw nga nekeleboso tongod te kandin pegrebeldi te goberno ow peg-imatay, kay yan sida se pinemoyo te menge otaw. ²⁶ Meneng si Jesus kandin imbegay kandan amon meinang dan se kandan ebeg kandin. Dalem inibig dan si Jesus te ogpaanan doton sikandin langsangi, nesongonan dan si Simon nga Tege-Cyrene, nga nesesalo te siyudad lekat te beolan. Pig eblas dan sikandin aw pigpetiang te krus, aw pigpesonod ki Jesus. ²⁷ Medita menge otaw se simonod ki Jesus. Doen menge bayi doton nga onto nelamo migkelag tongod ka neido dan onto ki Jesus. ²⁸ Meneng piglingi dan ni Jesus aw pig-ikegihan, “Sikiyo menge bayi nge Tege-Jerusalem. Eka niyo egkela tongod kenak. Kelagi niyo sekenyo pegke-otawen aw se kenyo menge mengisu. ²⁹ Tongod kay domateng se menge aldaw nga mikagi se menge otaw, “Melapad se menge bayi nga baog aw wedad pig-pesoso.” ³⁰ Siyan nga aldaw mikagi se menge otaw diya te menge bontod. ‘Tupangi kaw!’ aw doton te menge bontod bonboni kay1” ³¹ Kay kon ininag dan ini kenak nga wedad sala, eden pa leb o kedaet se kandan inangen doton te oyaw nga doen sala?” ³² Gawa ki Jesus doen dowa pa ke otaw nga menge mengiwatayay te otaw nga kandan inibing amon imetayan. ³³ Pegdateng dan te ogpanan nga pigtawal nga tolan te olo. Piglansang dan si Jesus te krus aw se dowa ke egimatag te otaw, se sebad insawol dan te kowanan ni Jesus aw se sebad te bibang. ³⁴ Minikagi si Jesus, “Ama, peseyloi dan tongod kay weda dan peketaga-taga te kandan ininang.” Aw negbonot se menge sondalo amon taladen dan se menge kelewasen ni Jesus. ³⁵ Se menge otaw timindeg doton aw timengteng pigtempeyes sikandin te menge egpengibing te lonsod. Minikagi dan, “Pigpelowa din se doma, ipelowa heman kandin se kandin pegke-otawen kon sikandin yan si Cristo nga penemalli te Timanem.” ³⁶ igtempeyes heman sikandin te menge sundalo dalem nigpedapag dan amon peinemem sikandin te melaksing nga bino. ³⁷ Minikagi dan, “Kon sikona se hari te menge Judiyo, pelowai se kamno pegke-otawen!” ³⁸ Aw doen insawel dan solat doton te kandin diatag te olo nga nege-ikagi, “Seini se Hari te menge Judiyo.” ³⁹ Se sebad te menge nengimatay te otaw nga piglansang te krus nigbaet heman ki Jesus, minikagi sikandin, “Kena ba sikona se Cristo? Pelowai se kamno pegkeotawen aw sikami heman!” ⁴⁰ Meneng pigsagda sikandin te sebad ke egpengimatey te otaw minikagi sikandin, “Wedad ka ba kelemitan te Timanem? So onawa se impelumun kinitadon. ⁴¹ Sikita dowa angay onto nga pelumunun tongod te kinita menge sala. Meneng se otaw seini wedad sala.” ⁴² Penga niyan minikagi sikandin ki Jesus, “Jesus aneng-anengi a bag kon meghari ka den!” ⁴³ Menikagi si Jesus kandin, “Benal ini se inikagi ko kamno nga seini aldaw domaen ko sikona te Paraiso. ^{44 45} 44-45Te menge alas dosi den te aldaw, weda den senang se aldaw. Megkengit-ngit se tebook keneyonan awop te telo ke oras. Se tabil te templo netenga lekat te lanto pedena. ⁴⁶ Penganiyan mig-ulangag si Jesus, “Amay, ibegay ko kamno se kenak ispiritu!” Penga niyan negbogto se kandin pedowan. ⁴⁷ Pegkita te kapitan te nahitabo, dimuyen sikandin te Timanem nga nekeikagi, “Benal onto nga wedad sala se otaw seini!” ⁴⁸ Se kedita nga nekesaksi te nahitabo, migsioli nga nigdapi te kandan kagpa tongod te onto dan nelano. ⁴⁹ Se menge kimilala ki Jesus apil se menge bayi nga tamaking kandin lekak pa te Galiliya timindeg doton te mediyo aw kimita dan hema te nahitabo. ^{50 51} Doen sebad ke otaw nga se kandin ngadan yan si Jose nga Tege-Arimatea nga sakop te Judiya. Sakop sikandin te hasgado te menge Judiyo, meneng weda sikandin keibeg te kandan plano te peg-imatay ki Jesus. Mepiya aw metolid sikandin nga otaw aw negtagad sikandin te peghari te Timanem. ⁵² Dimotan sikandin ki Pilato aw pinemoyo din se nematay lawa ni Jesus. ⁵³ Penga niyan inabat din se nematay lawa ni Jesus doton te krus aw pigbebed te sapot nga meputi. Inlebeng din ini te kelebengan ug pigkalkal kidoen te mesandig nga weda pa sukad kelebengi. ⁵⁴ Aldaw dekey te pegpengandam alang te aldaw nga peg-etod. ⁵⁵ Se menge bayi nga timaking ki Jesus lekat te Galiliya simonod heman ki Jose aw kinita dan se lebeng aw se pegkesawol te nematay law ni Jesus. ⁵⁶ Penga niyan minoli dan aw nengandam te menge metinadeg nga idihog te nematay lawa ni Jesus. Menong te aldaw nga ietod, neg-etod dan sumala te punu.