123
Halangdon nga Teofelo: Medita den sa negsulat tepad te menge panghitabo dini kinitadon. Pigsolat dan se tepad ki Jesus sumala te pi-indan-indan kinitadon si’yan menge otaw nganegsangyaw te mepiya indan aw kimita mismo te mengepanghitabo lekat pa te lekatan. Yan se gayed ko onto pigsusi kelahat seini leka pa te linekatan. Penga niyan ne aneng anengan ko nga insulat heman kamno seini nga menge panghitabo te mepiya pegke sawol-sawol.
4
Amon kamno mesiguro nga benal onto se menge kedonan nga inikagi.
5
Iling kani se nehitabo: Te penahon sida nga si Herodes se Hari sa Judea; doen pari doton nga pig-ingadanan Zacarias nge sakop sa grupo te menge pari pigpangolohan ni Abig. Aw se kandin esawa yan si Elisabeth nga bowad-bowad heman ni Aaron.
6
Sikandan dowa negkinabohi nga metinunu senelowan te Timanen. Pigtolo dan onto se kelahat menge punu-aw belaod te Timanen.
7
Meneng wedad bata dan, kay baog si Elisabeth aw temaoy lokes den dan onto.
8
Penga niyan, dimateng se aldew nga se gropo dan i Zacarias yan den se meg-alagad te Timanen doton te templo.
9
Negbonot dan sumala te naandan da menge pari, aw si Zacarias yan se nepilian nga megsonog te insinso doton te sonoganan. Nayan minayop sikandin te timplo.
10
Dalen negsonog si kandin te insinso doton te dalem, medita menge otaw diya te lowa se negtawa-tawal.
11
11Penga niyan negpekita kandin se sebad ke anghil te Tiwanen aw timindeg ini doton te tepad te kowanan te halaranan nga sonoganan te insinso.
12
Te pegkita ni Zacarias nini pigkolbaan sikandin aw nelemitan.
13
Meneng minikagi se anghil kandin, “Eka egkelemitan Zacarias! Dinineg te Timanem se kamno menge pegtawal-tawal, si Elisabet nga kamn eswa megbata te bata bga meama. Iwgadani sikandin ki Juan.
14
Megmalipayon ka onto tongod kandin, aw medita heman se megmelipayon tongod te kandin pegtebaw.
15
Kay meinang sikandin medengeg senulowan te Timanen. Kailangan eked onta sikandin inem te bino o doma pa inemena nga mekehobog. Bisan kideon pa sikandin te getek te kandin inay se Ispiritu Santo kidoen den kandin.
16
Aw pelikoen din se kedita menge kaliwat ni Israel doton te Timanen nga kandan Timanen.
17
Mona sikandin te Timanen amon kandin andamen se menge otaw alang te pegdating te Timanen. Inawgeng din ini pineokit te Ispiritu Sanato aw te tolos nga iling te nekinawa ni Elias. Iliko don se megpepiyaay te pedowan se menge amaw doton te kanda baya, aw ioli din se mepiya nga aneng-aneng te menge kena egtolo te Timanen.”
18
Minikagi si Zacarias te anghil, “Te eden peokit meinang ini kenaku? Temoay a manden aw se kenak esawa.”
19
Tiwraba se Anghil, “Siak sa Gabril nga sogoenen te Timanen nga kideon onto te kandin sinelowan pigsogo a din amon te peg-ikagi kamno nini mepiya indan-indan.
20
Meneng tongod kay weda ka man pemenal te kenak inikagi, meomo ka taman te aldew nga metoman seini, kanak inikagi kamno. Metoman onto ini te pegdateng te aldew nga tapay pinemalli te Timanen.”
21
Se menge otaw doton te lowa nigpedeled te pegtagad ki Zacarias Nepela dan ngalay nga nenamay si kandin doton te dalen Timplo.
22
Te peglowa din, eked den sikandin pekeikagi aw tongod nini negsinyas den olo sikandin te menge otaw. Nekelebet dan nga doen inpekita te Timanen kandin doton te dalem te timplo.
23
Pegkepenga te kandin torno te peg-alagad te timplo minoli sikandin.
24
Peg-okit te pila sialdaw, migkebedes den si Elisabeth. Ayop te lima si bulan weda gayed sikandin lowa te kanda baloy.
25
Minikagi sikandin, “Neidohan a gayed te Timanen, seini inabat din kenak se kenak keya yann doton to menge otaw.”
26
Te pegdateng te enem den si bolan te pekebedes ni Elisabeth, pigsogo toda haman te Timanen se anghil nga si Gabriel nga domoton te Nazaret, ngasebad ke longsod te Galiliya.
27
Inpeibing sikandin doto te laga virgin nga pig-inedenan si Maria. Si Maria ipidenen den ki Jose, nga sebad menge bowad-bowad ni Hari David.
28
Te pegdateng te anghil doton ki Maria, minikagi sikandin, “Maria, megmelipayon ka, tongod kay si Timanen tawaking kamno aw pigpasiontongan ka din.”
29
Te pegkadineg ni Maria nini onto nebulung sikandin aw kandin pig-aneng-aneng kon eden se kahologan nini.
30
Minikagi se anghil kandin, “Eka, egkelemitan, Maria kay pigpekita te Timanen se kandin kepiya kamno.
31
Megkebedes ka aw megbata te meama, aw Jesus se kamno ingadan kandin.
32
Meinang sikandin bantogan aw tawalen sikandin ng bata te onto (Halangdon) Timanen. Ibegay te Timanen kandin se gingharian te kandin keepoan nga si David.
33
Meghari sikandin te menge bowad-bowad ni Jacob taman te wedad temanan; sikandin gingharian tomayod te wedad temanan.”
34
Minikagi si Maria te anghil, “Menonen man ini pegkeinang, nga wedad pa man esawa ko?”
35
Timaba se anghil, “Domateng se Ispirit Santo aw se tolos te onto (Halangdong) Timanem megbetanan kamno. Nayan se balaan nga bata nga kamno ipetebaw pege-ilhen ug Bata te Timanen.
36
Tengtengi se kamno kedomaan nga si Elisabeth. Se doma nekeikagi nga eked den sikandin pegbata tongod kay Loces den onte sikandin. Meneng seini enem den sibolan se kandin pegkebedes.
37
Tongod kay meinang man te Timanen se kelahat.
38
Minikagi so Maria, “Sogoenen a te Timanen, metoman peden keugken se kamno pig-ikagi.” Aw penganiyon timanan se anghil kandin.
39
Te peg-oket te pila sialdew neg-andam si Maria aw negsaling pegdoton te sebad ke longsod doton te bontod Judea.
40
Minayop sikandin te balay dan i Zacarias aw nengemosta ki Elisabeth.
41
Te pogkedineg ni Elisabeth te pengemusta ni Maria, miniwal se bata te getek din. Dinetengan si Elisabeth te Ispirito Santo.
42
Aw te magsen kagi minikagi sikandin, “Te kelahat menge bayi sikona olo se pigpasion tongan te Timanen aw iling kani! Pigpasi-ontongan din heman se kamno pig-ibedes.
43
Sebad ini ke dakel dengeg alang kenak kay limaoy kenak se inay te kenak Timanen.
44
Kay bisan gani sebata te getek ko neleba nga miniwal te pegkedineg ko te kamno pegpengemosta.
45
Mepalad ka onto nga negtoo nga metoman kamno se inikagi te Timanen!”
46
Minikagi si Maria, “Negeduyan a onto te Timanen!
47
Aw neleba se kenak Ispiritu tanda te Timanen nga kenak egpelowa.
48
Kay pig-aneng-anengan a din nga kandin medana nga sogoenen. Lekat seini meg-ikagi se kelahat menge otaw nga mepalad a.
49
Tongod te kepelahan nga menge kodonan nga ininang te Timanen metolos kenak. (Balaod) sikandin nga Timanem.
50
Doen keido din te menge otaw te kada bowad-bowad nga egbasa kandin.
51
Pegpekita din se kandin tolos pineoket te kandin menge pig-inang piglalag din se menge otaw nga egpelangkay-langkay te kandan pegkeotaw.
52
Pegpitaw di se menge gamhanan hari te kandan trono. Aw inselilin din so menge egpedana.
53
Pigkatagbaw din te menge mepiya kedonan so menge binallos. Meneng piglalag din nga wedad palos inibing se menge dato.
5455
Pigtabangan din sikita nga kandin menge allang nga menge bowad-bowad din Isarael kay wada din kelibeli sa kandin menge pakang te kinitadon menge kemonaan, nga keidohan din te wedad temanan so Abraham aw te kandin menge bowad-bowad!” yan ini se inikagi ni Maria.
56
Aw mig-ogpa sikandin doton kandan ki Elsabeth te menge telo sinolan, penga niyan minoli sikandin.
57
Naya dimateng se aldew te pegpetibaw Elisabeth, aw nigbata sikandin te meama.
58
Te pegdineg te kandin menga simbalay aw menge kidomaan kon pigmeno sikandin pegpesi-ontong te Timanem, pigdoma dan sikandan te kandin keluba.
59
Te walo den si aldew se bata, timambong se menge simbalay aw menge kedomaan te pegtoli kandin. Zacarias peden se kandan ngadan iling amay.
60
Meneng weda keibeg si Elisabeth. Minikagi sikandin, “Eked keinang kailangan nga Juan se ngadan din.”
61
Minikagi dan kandin, “meneng wedad onto kedomaan niyo nga iling kenyan nga ngadan.”
62
Aw kandan pigsinyasan se amay kon eden se kandin ebeg nga ingaden te kandin bata.
63
Migsingyas sikandin nga begayan sikandin te sulatanan. Aw daton insolat din, “Ingdani sikandin Juan.” Nepela onto sekeditan dan.
64
Kidoen dayon nekeikagi si Zacarias aw indeyun din si Timanem.
65
Pigkolbaan se kedita te kandan menge simbalay aw nedengeg te kedita kideon te menge bontod te Judiya se indan indan tepad te siyan nga panghitabo.
66
Se kelahat menge otaw nga nekedineg niyan neke-aneng-aneng aw neke-insa, “Eden man lebo se bata seini tepeke dakel din den?” Kay klaro onto ngae tolos te Timanen kideon kandin.
67
Si Zacarias nga kandin amay pigdengan te Ispirito Santo aw iling kani se kandin inikagi.
68
tadon se Timanen nga Timanen te Israel! Kay dimini sikandin amon te pegpelowa kinatoda nga kandin menge.
69
Pigpedini din kinitadon se metols nga megpelowa nga bowad-bowaad te kandin allang nga si David.
70
Iling heman kani se kandin inikagi kedengan pine-okit te kandin menge balaang propeta.
71
Negpakang sikandin nga pelowaen ki din leket te kinitadon menge kalaban aw te menge otaw nga negdomot kinitadon.
72
Minikagi heman sikandin nga kandin keidohan se kinitadon menge kemonaan aw ekad din kelibeli se kandin kesebotan kandan.
73
Mga kandin pigsapa te kinitadon kemonaan nga dondinsi Abraham.
74
Seini se kesebotan nga sikandin megpelowa onto kinitadon lekat kinitado menge kelaban amon sikita mekesimba nga wedad ketalaw.
75
Aw meinang ki balaan aw metolid te kadin sinelowan te kelahat nga aldaw te kinitadon pedowan.”
76
Nayan minikagi si Zacarias te kandin bata, “Sikona Juan, pegetawalan ka nga propita te onto halangdon Timanen.
77
Tolodaen no se kandin menge sakop nga mekelowa dan pineokit te pegpasaylo te Timanen te kandan menge sala.
78
Kay se kinitodaon Timanen egkeido aw dakel se pedowan ipelbing din se megpelowa iling te peglitak te aldaw.
79
Nga memegay te kelowahan te menge otaw nga kidoen te ke-ngit-ngit negeongaw te kamatayan. Tinolodan din sikita kon menonem nga meinang mepiya se kinita idoy lasyon te Timanen aw te kinitaden doma otaw.”
80
Nayan, sebata nga Juan timillis aw nelig-on se Ispirito. Neg-ogpa sikandin te ewaaw taman te aldew nga negtebo sikandin te kandin pegpenolada te menge Israelinhon.