¹ Tungod kay sekami menge sogoonun te Timanem, nanghangyo gayed sekami kenyo nge eked niyo aneng-angengi nge wedad kapuslanan se grasya nge kenyo nedawat nekenawa lekat kandin. ² Aw minikagi se Timanem, te benal nge ladaw gipatalinghogan ko sekona aw te aldaw te keluwasan tinebangan ko sekona. Nayan penelan kaw, amon gayed se tama nge aldaw nge luwasen kidon te Timanem. ³ Weda kay peg-inang te bisan eden nge meinang, hinungdan te pegkedogso te menge otaw amon eked lindoe se kenami peg-alagad te Timanem. ⁴ Te kelahat ininang, inpekita day nge sekami menge insogo, gayed te Timanem, bisan labihan kelisod se kenami nesinati, iantos gayed day. ⁵ Binadas kay igpriso aw gipasipad-an te menge otaw, usahay hilabihan gayed se kenami kehago aw usahay wedad kenami tadogi aw kaen. ⁶ Gipamatud-an heman day doton te menge otaw nge benal sekami nge menge alagad te Timanem pinekit te kenami peglinis nge pedowan aw pineokit te kenami netegahan. Neinang kay neg-antos aw mepiya se kanmi pegkeotawon, netegahan heman te mge otaw nge se Espirito Santo yan se negtultul kenami, aw se kenami paghigugma te kenami pegkeotawon kinasingkasing gayed. ⁷ Wedad kenami lain nge entolada kon kena se kebenalan, aw tinabangen kay te Timanem pineokit te kandin gahom, se kenami pegkematarong yan se kenami hinagiban te peg-asdang te kenami menge kabulaw aw panalipdan se kenami pegkeotaw. ⁸ Isip menge alagad te Timanem, usahat dayegen kay te menge otaw aw usahay insultehen, doen menge otaw nge mikagi aw madaet batok kenami, meneng doen minikagi heman aw mepiya, doen minikagi nge kenami ekon menge belalawaon meneng se kelahat nge kenami intolada benal gayed. ⁹ Weda kay segmani te doma, meneng se kebenalan kinilala kay te kelahat kanunay kay insawel te mekuyaw te kematayen, meneng buhi kaypa gidisiplina kay te Timanem meneng weda imataye. ¹⁰ Doen menge ininang kenami amon megool kay meneng te gihapon neluba kay kabos kay olo meneng medita se menge otaw nge kenami gipadatu, aw mahitungod te menge botang dini te keneyonan, weda kenami metawal nge kenami meneng se kebenalan kenami se teg-apo te kelahat. ¹¹ Menge minahal nge menge tege-Corinto wedad lipodlipod se kenami peg-ikagi kenyo kay onto gayed se kenami paghigugma kenyo. ¹² Weda kay pegkulang te kenami paghigugma kenyo sikeyo yan se negkulang te kenyo paghigugma kenami. ¹³ Ig-isip ko sekeyo nge kenaken menge bata higugmae niyo seaken iling te paghigugma kenyo. ¹⁴ Ika gayed egdoma te menge kena egpemenal kay minikagi nge e kelowa aw se kengitngit eked pegdomaay se mepiya aw se medaet eked heman angey nge megdoma. ¹⁵ Aw pesalo nge si Cristo aw si Satanas eked pegkeoyon se nemenal aw se weda pemenal eked heman pegkaoyon. ¹⁶ Aw kenita se templo te Timanem nge buhi eked keinang nge esebad se menge TImanem te templo nge inogpaen te Timanem, aw se Timanem minikagi meg-ogpa a aw megadoma kandan, kenak se inangen Timanem. Aw si kandan meinang kenak otaw. ¹⁷ Nayan angayen kaw megpadiyo aw mabolag te menge otaw nge weda pemenal kenaken, ika niyo eghilabet te bisan eden melipa aw dewaton ko sekeyu. ¹⁸ Kenak meinang niyo Amay aw sekeyo meinang kenak menge bata yan ini se egkagihan te Timanem nge makagagahom.