¹ Pengkey sine se nemenal nga si Jesus yan se Cristo, bata te Timanem aw pengkey sine se dakel se pedowan din te obaneng dakel heman se pedowan heman te kandin bata. ² Aw netagahan tadon dakel se pedowan te bata te Timanem kinitadon aw dakel se pedowan tadon te Timanem aw timonan te kandin menge sugo. ³ So dakel onto se peduwan te Timanem kenitadon aw timoman kidon te kandin menge sugo se kandin menge sugo kena melima tumanen. ⁴ Se pineldi te bata te Timanem se keneyonan, pinildi din ini pineokit te pegpemenal. ⁵ So nayan sine se mekepildi te keneyonan. Se otaw nga nemenal nga si Jesus yan se bata te Timanem. ⁶ Se dimini si Jesu-Cristo netagahan tadon den yan se bata te Timanem pineokit te wayeg te pegbunyag kandin aw pineokit heman te kandin inula dipanog. Siini kena ulo pineokit te wayeg aw kana pineokit te wayfe aw dipanog gipamatud-an yan se bata te Timanem pineokit te wayeg aw dipanog aw siin gipamatud-an heman te Espirito Santo kenitadon, aw netegahan tadon nga benal se kandin menge inikagi so sikandin se kebenalan. ⁷ So nayan doen telo nagapamatuod tepad ki Jesus. ⁸ Se Espirito Santo, se wayeg te kandin pegbonyag aw se kandin dipanog te kandin kemetayen aw seini telo negsebad. ⁹ Nemenal kidon te pagpamatuod te menge otaw. Meneng onto keseligan se pegpematuod te Timanem, sikandin onto se nagpamatuod nga si Jesus kandin bata. ¹⁰ Se nemenal te bata te Timanem nemenal te pegpemetuod te Timanem. Meneng se weda pemenal te pagpamatuod te Timanem, ininang din se Timanem bulalawon, so oda sikandin pemenal te pegpemetuod te Timanem bahin te kandin bata. ¹¹ Aw yan ini se pegpemetuod te Timanem: Sikitadon binegayan din te pedowan wedad temanan, aw siine pedowan diya te kandin bata. ¹² Pengkey sine kidoen kandin se bata, doen pedowan wedad temanan. Meneng aw wedad kidoen kandin se bata te Timanem wedad tamanan te kandin pedowan. ¹³ Sinolat ko ini kenyo, sikeyo menge nemenal te bata te Timanem,a mon metagahan niyo nga doen kaw pedowan wedad temanen. ¹⁴ Aw mekesalig kidoen nge mekepedapag te Timanem so nemenal kidon nga nenalan kandin se pengkey eden se kenitadin i-ampo sumala te kandin ibeg. ¹⁵ Aw metagahan tadon nenalan se Timanem kenitadon aw memoyo kedon kandin, metegahan tadon heman nge mekedawat tadon den se pengkey eden se kenitadon pemuyuen. ¹⁶ Aw kitaen niyo se kenyo keduwa ki Cristo neg-inang te sala eked dateng te kemetayen, iampu niyo sikandin aw se Timanem memegay kandin te peduwan. Alang ulo te menge eg-inang te sala nga kena ikematay. Doen sala nga detengan onto te kemetayon. Weda a ikagi nga iampo niyo se otaw nga eg-inang te sala siini. ¹⁷ ` ¹⁸ Netagahan tadon wedad otaw neinang bata te Timanem megpedeleg te peg-inang te sala, aw kena empingan sikandin te bata te Timanem. Nayan eked sikandin keilabet i Satanas. ¹⁹ Se kelahat keneyonan kidoen te dalem te tolos i Satanas, meneng netagahan tadon Timanem tig-apo kitadon. ²⁰ Aw netagahan tadon heman nga dimini dini te keneyonan se bata te Timanem, aw binegayan kidoen din te penabot amon kilalaen tadon se benal Timanem. Aw kidoen kidon te benal Timanem, te kandin bata nga si Jesu-Cristo. Sikandin yan se benal Timanem aw se pedowan nga odad tamanan. ²¹ So nayan menge bata ko, likayi niyp se menge kena benal Timanem.