¹ Kidoen den tepsy nge weda pa inangi se kagi pengkey eden se kedonan dinineg, day se kagi din aw onto day heman sikandin kinita, aw pinemadan day heman sikandin, Timanem se egpemegay te kagi diya kandan aw kaling pedowan nge wedad temanen. ² Sikandin so lineketan te kaling pedowan nge impekita te wedad temanan, aw kinita kay kandin, benal se intolada niyo kanami, sikandin se gayed egdoma te temanem amay, meneng sikandin se migpekita diya kanami. ³ Meg-indan-inda a kenyo te kenami kinita aw dinineg amon duon kidon megpesigelakay te metag sebad kinitadon aw se Timanem nge amay aw kandin bata nge se Jesu-Cristo. ⁴ Pengkey insolat day iyan kenyo amon mesikop se keluba tadon. ⁵ Aw seini se kenami dinineg nge intolada i Jesu-Cristo aw yan heman se kenami ipegtolada diya kenyo. Timanem se kelowahan day aw wedad palos kengitngitan diya kandin. ⁶ Aw yan mikagi kidon nge megsebad kidon te Timanem, meneng eg-inang kidon te medaet kidoen te kengitngitan yan bolelawun kidon. Pengkey weda kidon pegkinabuhi minikagi se kebenalan. ⁷ Meneng aw nagakinabuhi diya kidon te kelowahan, kagi nge sen Timanem yan se kelowahan, doen pegsebad tadon, aw sen dipanog i Jesus nge bata te Timanem ipeg-onaw kinitadon lekat te kedita sala tadon. ⁸ Aw mikagi kidon te wedad palos sala tadon, neekelan tadon olo se kanitadon pegkeotawon aw wedad heman kebenalan diya kanitadon. ⁹ Meneng aw mikagi kidon te kenitadon menge sala, egkesekigan sikandin aw metolid heman se eg-inanngen din aw unawa kidon din lekat te kedita medaet ininang tadon inengan din iyan tepad kay metolid sikandin. ¹⁰ Simpana aw mikagi kidon nge wedad palas sala ininang tadon,iling tadon te ininang bolelawan se Timanem, aw weda tadon soli te pedowan se kandin kagi.