¹ Kanak menge bata seini se insolat ko kenyo, amon eked kaw peg-inang te sala, meneng aw doen otaw mekesala, doen heman megpekeido-ido te Timanem nge amay tadon, aw yan si Jesu-Cristo nge yan se metolid. ² Sen kandin pegkeotawan imbegay din amon ibayad te kanitadon sala, amon pesayloen kidon, aw kena olo kenitadon sala se pegwedaden din, meneng kena olo heman sala te kedita otaw se tibuok keneyonan se pegweda den din. ³ Onto tadon seguroen nge nekilala tadon se Timanemamon toloen tadon se kandin menge punu. ⁴ Aw doen otaw eg-ikagi nge kinilala din se Timanem meneng kena egtolo se kandin punu yan se onto bolelawon, aw wedad heman kebenalan diya kandin. ⁵ Meneng sen otaw egtolo te kagi te Timanem, yan se onto benal nge nelobos se kedakel pedowan din diya te Timanem aw se kagi niya mesiguro kidon din diya se Timanem. ⁶ Se eg-ikagi se otaw diya sikandin te Timanem, keilangan nge inangen din se kandin pegkeotawen iling i Jesu-Cristo. ⁷ Menge kedowa ko egkedekelan ko te pedowan, kena kaling se punu insolat ko kenyo seini. Aw megpedekelay kaw te pedowan. Meneng tapay iyan nge punu aw dinineg niyo aw netegahan lekat niya nge sikenyo nemenal. ⁸ Meneng mekaikagi kidon heman iyan se kaling punu. So migkewedad se kengitngitan dini kanitadon aw doen benelan kelowahan dini te pedowan tadon, aw sen kebenalan tepad niyan kitaen kidoen te pegkinabuhi i Cristo aw pineokit heman te eg-inangen niyo. ⁹ Se otaw eg-ikagi kidoen sikandin te kelowahan, meneng wedad pedowan din te kandin kedowa, siyan nge otaw kidoen pa te kengitngitan. ¹⁰ Meneng sen otaw egkedekalan din te pedowan dakel pegsalig din te pegkinabuhi te kandan kedowa kidoen te kelowahan, pengkey wedad kidoen te kandin pegkinabuhi nge meinang linaketan te pegpekesala te doma din otaw. ¹¹ Meneng sen otaw nge wedad pedowan din te kandin kedowa kidoen sikandin pesalo te kengitnitan eg-ipanaw sikandin te kengitngit aw weda sikandin peketaga-taga aw kenan sikandin pesalo. So eked sikandin kita tanda te kengitngit. ¹² Menge bata simolat a kenyo te kebenalan, kay pigpesaylo kaw dan te Timanem te kenyo ininang menge sala pineokit ki Jesu-Cristo. ¹³ Menge otaw simolat a kenyo, menge amay te Timanem tepad kidoen kinilala niyo den sikandin, kidoen den tepay lekat pa te sinogdanan. Simolat a heman kenyo, menge kaling bata nge meama dimay kaw den ki Satanas. Simolat a kenyo, menge mengiso, kay kinilala niyo den so timanem nge Amay. ¹⁴ Simulat a kenyo, menge obanem, tepad kay kinilala niyo den sikandin, kidoen den dan tapay lekat pa te sinogdanan. Simolat a heman toda kenyo, menge kaling otaw nge meama, se kenyo pegpemenal inselig niyo kandan, aw insawal niyo se kagi te Timanem diya te pedowan niyo aw dimaeg kaw den ki Satanas. ¹⁵ Ika niyo egtaking te medaet inang dino te kenayonan, aw ika niyo heman egkeibing te medaet inang dini te kenayonan so aw egkeibeg kaw te medaet inang te otaw dini te kenayonan, nayan deitek se pedowan niyo te Timanem Amay. ¹⁶ Meneng se kedita otaw dini te keneyonan, nge doen kanak pengandoy nge ibeg te kanak pedowan, aw doen heman egkeibegan te menge mata, aw doen egpelangkaw-langkaw se menge otaw tanda te kedonan den, aw se kedita niya kena lekat te Timanem Amay so lekat iyan te keneyonan. ¹⁷ Meneng megkewedad se penengkamot te kedita te menge otaw dini te kenayonan. Mening se otaw egtolo te ibeg te Timanem yan se otaw tomayod te wedad temanan. ¹⁸ Meneng bate ko, dimineg kaw den nge domateng se Anti-Cristo, aw agpet den sikandin demateng agpet kidon den teomanan te menge aldaw seini. Pengkey seini medita se eg-at ki Cristo, nayan natagahan tadon nge medepag kidon dan temanan te menge aldaw. ¹⁹ Pengkey migdoma dan kenitadon gabii, meneng kena tadon sikan benal nge meng doma, aw adon pa sikandan, benal nge doma weda den peden sikandan sowang kenitadon. Meneng simoway dan, aw iyan netegahan tadon nge kena benal sikandan menge pegdoma. ²⁰ Menge se kedita niyo binegayan kaw i Cristo te Espirito Santo. Nayan se kedita niyo neketaga-taga kaw den te kebenalan. ²¹ Egsolat a kenyo, kena tepad se weda kaw ketaga-taga te kebenalan, aw kena tepay niyo den netagahan aw netegehan heman niyo nge wedad kebolalaw nge lekat te kebenelan. ²² Sinii se bolelawun? SIkandin se eg-ikagi nge si Jesus kenan yan se Cristo? Aw yan se eg-ato ki Cristo aw sikandin heman se, ig-eles te temaneng Amay aw bata din. ²³ Sen mig-eles te bata wedad heman kidoen kandin se Timanem Amay. Meneng se migpeila te bata kidoen heman kandin se Timanem Amay. ²⁴ Nayan ika niyo gayed egkelibel se ipegtolad kenyo lekat niyan nge sikenyo nemenal aw egtolo iyan kenyo lamig seini aw megpetanan kaw te peneghiusa diya te bata aw Timanem Amay. ²⁵ Aw sen impekang i Cristo kenitadon yan se egkedekelan te pedowan nge wedad temanan. ²⁶ Seini se insolat ko kenyo tepad iyan te menge otaw nge meibeg meg-akal kenyo. ²⁷ Meneng ika niyo egketatana, se Espirito Santo nge imbegay niyo lekat ki Jesu-Cristo kenitadon, nayan kena den keilangan nge toledaan kaw pa te dema nge menge otaw. Se Espirito Santo. ²⁸ Menge bata ko, peg-ogpa kaw diya kandin, amon eked kaw kelemiti meg-eles aw eked kaw keyaya aw domateng den sikandin. ²⁹ So netegahan niyo nge metolid se bata te Timanem si Cristo, aw metolid se eg-inangen te otaw yan se mekesigurp te ininang dan te Timanem menge bata din.