¹ Teto Solomoni eyamba kumanga tempele ya Yehova. Ici cecitika mu caka ca 480 kufumila pa nthawi ya Aisraeli pebefuma mu ziko la Igutpo, mu caka ca folo ca ufumu Solomoni pa Aisraeli ndipo mu mwezi wa Zivi, wamene uli mwezi wa cibili. ² Tempele ya Yehova yenze manga Mfumu Solomoni yenzokwana ma mita 27.6 muutali, na mita 9.2 muufupi, ndipo 13.8 mita kuluta palulu. ³ Chipinda cakunja capakhomo polobela mu tempele cenze ca mamita yokwana 9.2 muutali ndipo 4.6 mita muufupi. ⁴ Koma ma windo yake na maferemu yoloba mkati mwacipupa ndipo yenzeoneka yatontho kunja koma mkati yakulene. ⁵ Ndipo emangasoti vipuinda kulumikizyana na cipupa cakuchemba mozungulila. Emanga vipinda mozungulila mbali zonse. ⁶ Ndipo cipinda citontho ngako cenze na mamita 2.3 muufupi, cipinda cpakati cenze na mamita yokwana ngati 2.8, ndipo cacitatu cenze na mamita yokwana ngati 3.2 muufupi. Ndipo yeve epanga vinthu vosongoka kuzungulila kunja kwa cipupa kuti osati mathabwa yakokhomewa kucipupa ca ng'anda. ⁷ Ng'anda yenze mangiwa na myala yocitosema bwino-bwino. Ndipo pomanga pozomvwekalini zungo ya sando, katemo kapena cida ciliconse ca nsimbi. ⁸ Kumwela kwa tempele kwenze khomo yapansi, ndipo penzepokwelela kuluta pa cipinda capakati, napokwelela soti kuluta pa cipinda cacitatu. ⁹ Teto Solomoni esilizya kumanga tempele, Ndipo mbali mwatenje ekomamo mathabwa ya mkunguza. ¹⁰ Ndipo cipindaciliconse celumikizya ku tempele cenze na mamita 2.3 muutali; ndipo yenzolumikizyika ku tempele na mathabwa ya mkunguza. ¹¹ Mau ya Yehova yewela kwa Solomoni, kuti, ¹² "Pa nkhani ya tempele iyi yuumanga, ngati weo okeyenda m'malangizo nakucita cilungamo, kusunga nakukonkha malamulo yangu, ndipo nikuyosimikizyila lonjezo langu yenepanga kwa Davite wusuwako. ¹³ Nikuyonkhala pakati pa Aisraeli ndipo nikabakanelini." ¹⁴ Teto Solomoni esilizya kumanga ng'anda ya Mulungu. ¹⁵ Ndipo emanga kucipupa camkati na thabwa ya mkunguza. Kufumuli pansi mpaka kumtenje, mkati ematikamo mathabwa kucipupa ndipo pansi eyalikapo mathabwa ya payini. ¹⁶ Ndipo cipinda cakuvuli kwa ng'anda ya Mulungu cenze na mamita 9.2 kufumila pansi mpaka kululu emanga na mathabwa ya mkunguza. Ici ecimanga kuti cinkhale cipinda copatulika ngako camkati, cipinda cituba. ¹⁷ Ndipo cipinda cikulene ngako, cituba cenze kusogolo kwa cipinda cituba ngako, cenze na mamita yokwana ngati 18.4 muutali. ¹⁸ Mkati mwa cipinda camene ici mwenze mwenzemoyalika kucipupa mathabwa ya mkunguza yojambulapo vithunzi-thunzi va zikho na ma flawa. Paliponse penze mkunguza weka-weka. Kwenzeve mwala uliwonse wenzooneka mkati. ¹⁹ Solomoni ekonza cipinda camkati kuti ayikemo likasa la cipangano ca Yehova. ²⁰ Cipinda camkati cenze mamita yokwana ngati 9.2 muutali ndipo muufupi 9.2 mita, na 9.2 mita kuluta kululu. Solomoni emata cipupa na mwala wa golide nakuyika palulu pa likasa mathabwa ya mkunguza. ²¹ Solomoni eyika golide mkati mwa Tempele, nakuyika macheni ya golide mopingasha kusogolo kwa cipinda ca malo opatulika. ²² Mkati monse ematamo na golide mpaka kusilizya tempele yonse. Ndipo guwa yonse mkati mwa cipinda copatulika yenze ya golide. ²³ M'cipinda copatulika Solomoni epangamo akerubi abili acimuti ca olivi, msinkhu wa kerubi aliyense wenze mamita 4.6. ²⁴ Phaphiko imozi ya kerubi yenze 2.3 mita kutalimpha na phaphiko iyakine soti 2.3 kutalimpha. Teto kufumila pa songa imozi ya phaphiko na songa iyakine ya phaphiko penze ma mita yokwana ngati 4.6. ²⁵ Kerubi wacibili naye enze na msinkhu olingana ngati 4.6 mita. Wonse akerubi enze namapangidwe olingana. ²⁶ Msinkhu wa kerubi umozi wenzolingana na muyake. ²⁷ Solomoni ebayika akerubi m'cipinda camkati-kati. Maphaphiko ya akerubi yenze yotambasuka cakuti phaphiko yenzogunda kucipupa cimozi ndipo phaphiko ya kerubi muyakine yenzogunda ku cipupa ciyakine soti. Maphaphiko aya yayakine yenzokumana pakati pacipinda copatulika cituba ngako. ²⁸ Solomoni emata akerubi aba na mwala golide. ²⁹ Ndipo m'vipinda va mkati na vakunja ya ng'anda ya Yehova ejambulamo akerubi, vimiti vangwalangwa na maluba. ³⁰ Ndipo Solomoni eyika golide pansi mung'anda ya Yehova kuyambila vipinda vamkati mpaka vapanja. ³¹ Solomoni epanga viseko va mathabwa ya cimuti ca olivi pa khomo polobela m'cipinda copatulika camkati. Lento yitontho namakhomo yenze navigawo faifi. ³² Teto epanga viseko vibili va mathabwa ya olivi, ndipo egobapo vithunzi-thunzi va kerubi, vimti va ngwalangwa, na maluba. Ndipo evizoleka golide ndipo epaka golide pa kerubi napa vimiti va ngwalanwa. ³³ Koeteto, Solomoni pa khomo ya tempele eyikapo mathabwa ya olivi navigawo folo ³⁴ naviseko vibili va mathabwa ya payini. Chiseko cili conse cnze na mbali zibili zenzokwanilishika kuzipinda. ³⁵ Ndipo egobapo kerubi, vimiti va ngwalangwa, na maluba, ndipo ezolapo golide bwino- bwino pa vonse vegoba. ³⁶ Ndipo emanga bwalo la mkati yonkhala na mizere itatu yamyala yosema bwino namzera umozi wa mathabwa yamkunguza. ³⁷ Ndipo fandeshoni ya ng'anda ya Yehova yemangiwa mcaka ca folom'mwezi wa Zivi. ³⁸ Ndipo mcaka ca ileveni, m'mwezi wa Buli wamene uli mwezi wa eiti, ng'anda ya Mulungu yesila m'malo yonse kulingana namwevenzofunikila. Cemtolela vyaka seveni Solomoni kumanga tempele.