¹ Solomoni epanga ubale na Farao mfumu yaku Igupto nakuzokwatila mwana wake mwanakazi. Emutola mwana mwanakazi wa Farao nakuzanaye m'mzinda wa Davite mpaka pecilizya kumanga ng'anda yake, ng'anda ya Yehova, nakumanga cipupa campanda kuzungulila Yerusalemu. ² Banthu benzotwala nsembe m'malo yacipembezo yosiyana-siyana, cifukwa penzeve mangiwe ng'anda iliyonse mzina ya Yehova. ³ Ssolomoni eonesha cikkondi kwa Mulungu pakuyenda m'malango ya Davite wisiwake, koma tyala ndaba yeve enzotwala nsembe nakushoka lubani m'malo yacipembezo yapalulu. ⁴ Mfumu yeluta ku Gibiyoni kuyotwala nsembe, cifukwa kwamene kula ndiye kwenze malo yacipembezo yabwino ngako. Ndipo Solomoni etwala nsembe zoshoka zokwana 1000 pa guwa ya nsembe. ⁵ Yehova emuonekera Solomoni usiku kutulo; ndipo eciti, "Nena! Nikupase cinji?" ⁶ Teto Solomoni eyankha kuti, "Mwanionesha kukhulupilika kukulene pa cipangano pa kapolo wanu, Davite atata bangu, cifukwa enzoyenda pameso panu mcilungamo, ndipo na mtima wokhulupilika. Mwapitilizya na khulupilika pa cipangano canu ndipo mwamupasa mwana mwanalume kuti ankhale pa m'mpando wa ufumu lelo. ⁷ Lomba Yehova Mulungu wangu, mwamuyika kapolo wanu kunkhala mfumu m'malo mwa atata Davite, ngankhale kuti nine tyala ka mwana ka khanda. Nuzibalini moyendela pakuya napakuza. ⁸ Kapolo wanu ali pakati pa mtundu wa banthu wemwesankha mweo, mtundu ukulene ngako, mtundu wa banthu bakuti nicosatheka kubabelenga. ⁹ Teto mpaseni mtima womvwishisha kapolo wanu kuti akoweruza bwino banthu banu, kuti nikoziba ciyipa na cabwino. Ko nibani angakwanishe kuweruza mtundu wa banthu banu ukulene teti?" ¹⁰ Pempho ili ya Solomoni emukondwelesha Mulungu. ¹¹ Teto Mulungu eciti kwa yeve, "Pakuti wanisenga ici cinthu m'malo mosenga moyo utali na cuma kapena kapena myoyo ya adani bake, koma weo wasenga kuti unkhale na kumvwishisha nakuziba cilungamo, ¹² ona, lomba nicite vonse vawanisenga. Teto nakupasa nzeru na mtima womvwisha, cakuti paliye enzeteto kuvuli kwako, soti kuliye muyakine kusogolo kwako wati akankhale nganiweo. ¹³ Nakupasa soti navauliye nisenge, nakupasa vonse vibili cema na ulemu, cakuti kuliye mfumu yati ikalinganizyiwe na weo masiku yako yonse. ¹⁴ Ngati ukoyenda m'malangizo na malamulo yangu, monga mwenzele auso Davite, ndipo nukuyopakisha masiku yako." ¹⁵ Solomoni euka, ndipo onani, cenzeniciloto. Ewela ku Yerusalemu ndipo ecizopanama pasogolo pa likasa la cipngano ca Ambuye. Etwala nsembe zoshoka na nsembe za mtendere, ndipo ebacitila na madyelelo anchito bake onse. ¹⁶ Lomba anakazi abili enze mahule bewela kwa mfumu nakuzopanama pameso pake. ¹⁷ Mwanazi umozi eciti, "Ha, Mbuya wangu, neo na uyu mwanakazi tunkhala mung'anda imozi, neo nevyala mwana tilipamozi nayeve mung'anda. ¹⁸ Cecitika nicakuti pasiku lacitatu pavuli povya mwana neo ndipo naye uyu evyala mwana. Tenze pamozi. Mwenzeve munthu muyakine mung'anda, koma seo tyala tabili. ¹⁹ Lomba teto mwana wa mwanakazi uyu nikufwa usiku, cifukwa amulalila palulu. ²⁰ Usiku yeve nikuuka nakutola mwana wangu mwanalume penzelele pafupi na neo, ndipo kapolo wanu alilele mtulo, nakumiyika kumala kwake, ndipo nakuzotola mwana wake mwanalume wakufwa nakuzomuyika kumala kwangu. ²¹ Panauka m'malya kuti ninyosha mwana wangu, napeza kuti niwakufwa. Koma panamulnga bwono-bwino m'mawa, naona kuti nimwana wangulini, wenevyala." ²² Teto ula mwanakazi muyakine eciti, "Yai, wamoyo ndiye mwana wangu, ndipo uyu wakufwa ndiye mwana wako." Mwanakazi oyomba ula eciti, "Yai, uyu wakufwa ndiye wako, ndipo wamoyo ndiye wangu." Ndiye mwebelabilila pameso pa mfumu. ²³ Teto mfumu yeciti, "Umozi pa mweo akuti, 'Uyu ndiye mwana wangu anamoyo, ndipo mwana wako niuyu wakufwa,' ndipo muyakine soti akuti, 'Yai, mwana wako niuyu wakufwa, ndipo mwana wangu niuyu anamoyo.'" ²⁴ Mfumu yeciti, "Nipaseni lupanga." Teto beleta lupanga kwa mfumu. ²⁵ Ndipo mfumu yeciti, "Mugabeni pakati mwana uyu wamoyo, ndipo mubapse aliyense hafu ya mwana wakufwa." ²⁶ Lomba mwanakazi ula wamene mwana wake enze namoyo eciti kwa mfumu, cifukwa mtima wake wezula na cifundo pa mwana wake, ndipo eciti, "Ha, mbuya wangu, mupaseni mwana uyu anamoyo, osati apayiwe kamba ka cinthu ciliconse." Koma lua mwanakazi muyakine eciti, "Ankhalelini wangu kapena wako. Mutendeni pakati." ²⁷ Teto lomba mfumu yeyankha kuti, "Mupaseni mwanankazi woyamba mwana uyu wamoyo, ndipo mwazingabele msampaye mwana. Uyu ndiye nyinawene." ²⁸ Ndipo Aisraeli onse pebecimvwa zaciweruzo camene cecipeleka mfumu, beyiyopa mfumu, cifukwa beona kuti nzeru za Mulungu zenze pa yeve pakupasa ciweruzo coteti.