¹ wakanlyaawe mwene cananeu owarade, akhalaka o Naguebe, ewaaka wira Israel naawa nunthalani wo Atarim, yena hothuphela Israel ni hatjisa akwawe phanka anamathukya. ² Israel wonlaphela Pwiya, ni hiira: " Wakhaala We onivahakha othema wa yolah otjamoolah, hii ninarwah othankula ephoma tjothene". ³ Pwiya hiwah ntju na Israel ni hovaha othema wona Cananeu. Ayena ahathankula othene, niipomatjaya. Ni niphuron´no nahihania Horma. ⁴ Ayena ahokhalana unkwaha o muakoh Hor nphironi orwaka Emaakaha Yoserya, orukureriya elapo yo Edom. Ni otjama yahokala wohi tjivatjivia mphironi. ⁵ Otjama wanamwapa Nluko ni Moises: " Nlathuni We ohonikumiha Wegipto wira nikwe mothakweni? Kanirina nkathe wala matji, ni onirussa yela eyolyelah yohitjivelah". ⁶ Vano, Apwiya horuma enua tjohapala wa otjama. Enuaanya tjihaluma athu, entji yahokwa. ⁷ Otjama wahowa wa Moises ni wyraka: "Him nihotheka, kontha nihomwapa Pwiya ni we. Onvekhele Pwiya wira arwane enunya othay wa him". Vano, Moseis hovekelela otjama. ⁸ Apwiya ahomwirela Moises: "Ophanke enua ni wesse minkhoponi. Othene oleh kanlen alumiakah kanhalah okwa, akalakah awehaka yele". ⁹ Vano, Moises hophanka enua emtja yo boronsi, ni hessa munkhoponi. Yakalaya enu enlumakha nthu, akalaka awehaka enua yo boronsi, kahala okwa. ¹⁰ Otjama wo Wisrael yahana ekwaha ni yahomaka o Obete. ¹¹ Ayena yahana ekwaha okuma Obote ni yahomaka o Ije-Abrim, Moothakoni waholo wa Moabe, arwaka nkerekhere onkuma untjwa. ¹² Okuma vale, ayena yahotjissenria ekwaha, ni yahomaka munsepani no Zerede. ¹³ Ni, akumakatjaka vale, yahorwehela ekwahaya ni ahomkatja mphanthe nkwawe wo muro Arnom, okhanle muthakoni onmwarela nmwinanoni wo ma amorreu. Muroh Armom omphanka mwinano wa Moabe ni maamoreu. ¹⁴ Thimana, en´himiaya ephukih yokotho ya Apwiya: "Vaebe o Sufa, ni massepha o Arnom, ¹⁵ wookuruwela massepha amphiya ophoma yo Ar ni amphiya omwinano wa Moabe". ¹⁶ okuma vale, ayena ahorwatja Obeer, ni horwa vale wa himeni wamuinrelyawe Pwiya Moseis: " Othukumanihe otjama, ni Mi kinawavaha matji". ¹⁷ Israel ayipha n´na ntjipohnna: "Aweleh, o emoro. Mwipe nlathu yela. ¹⁸ Ehime tjikanliya miholeli tjithipaka, ehime tjikanle amassikhini otjama athipaka ni nithontoh ni mikhopoh". Vano, muthakoni, ahokalana nkwaha wo Matana. ¹⁹ Okumah Matana ayena ahokalana ekwaha arwakah o Naaliel, ni okhuma o Naaliel arwaka Bamote, ²⁰ ni, okuma Bamote, orwka n´massephani elapoj yo Moabe. ori watulo wa muako Pisga oholo wo othako. ²¹ Israel aharuma arumei o Siom, mwene assi amorreu, erakah: ²² "okihie kivire enlaponiwa. Him kanin´hala okelah n,owalatjia walah ematha. Kanin´hala owurya matji om´muroniwenyu. Nin´hala ovira npararaparani, npakha nin´halehum ovikana mwinanuenyu". ²³ Manso mwene Siom kanthunihenre Israel olapuwa nthethyaia. Ohieyo, Siom hathukumaniha anakhothon ni hothuphela Israel nuthakoni. Yena howa wa Jaza, wakhanliawe athakanaka ni Israel. ²⁴ Israel hothuphela ethoropah ya Siom ni ekhatana, ni hotjisa elapho yo muro Jaboque, mphaka mumwinano wo otjama wa Amon, wakhanle woliphiheriya. ²⁵ Israel hotjisa ephoma tjothene tjo ma amorreu, ni hokhala mothene, othakanihaka Hesbom ni mitjokotjaiya tjothene. ²⁶ Hesbom yari ephoma ya Siom, mwene oma amorreu, akhanle awanakha mi mwene okhalay o Moabe, atjissatjaka mithethe tjothene mphaka muro Arnom. ²⁷ Thimana, yale anuluma miwahala anira: "Nkawani o Hesbom. Ekhale ephoma othekiyatho ni oliphihenriya. ²⁸ Moro ohopaha okuma Hesbom, malumi akhumaka ephoma yo Siom ethankule Ar yo Moabe, ni makhulupale o tjulo a Arnom. ²⁹ Khasope we, Moabe! We ohorimela, otjama wa Camos. Yena haphanka assanawe anamathawa ni assanawe assithiyana othukiya a Siom, mwene asi amorreu. Hii nihonthema Siom. ³⁰ Hesbom rii othankuliya ephiro yothene mphaka o Dibom. Him nihathema mphaka o Nofa, omphiya mpahka Medeba". ³¹ Vano, Israel hokhala elapho yomaa amorreu. ³² Ni moises hsruma atho wira ya thurumele Jazer. Vano Israel hotjisa mitjoko ni howomola ma amorreu yakhala vale. ³³ Vano, ayenatja ahoruatja ephiro yo Basa. Ogue, mwene o Basa, hokuma arwelaka, yena na athoropha, wira awane o Edrei. ³⁴ Vano Pwiya homwirela Moises: " Ohimove, kontha Mi kihovaha othema wa yayo. ni ethoropaawe yothene, ni elaphuawe yothene. Omphanke eleh omphankalya Siom, mwene o amorreu, akahalaka o Hebom". ³⁵ Ayenatja ahomuiva, assanawe ni athoropahwe othene, mphaka hihaanliawe nankha n´motja nkumi. Mi ayena ahotjissatja elapho.